💕 حب💕 بعد 👈🏻👈🏻زواج 💍💏معوق 😆🤣

حلقة44

هو بعد ماشاف دموعها ضرو قلبو كان حاب يروح ليها و يعنقها و يطلب سماح بصح علابالو بلي دوك راها مقلقة و راح تزيد تعقد الحالة كتر ولا طلع لبيتو و دخل دوش بالما بارد بالاك يهدن شوية
عشية كاملة واحد فيهم ماخرج من بيتو مش حابين يتلاقاو ببعضاهم بعد ماحسو للزوج بلي راهم غالطين
عرفو غلطتهم بصح مش قادرين يواجهو بعضاهم
غدوا من داك
ناضت ياسمين وجها منفخ و بسباب قلة النعاس وبالبكا بصح هاد المرة مابكاتش خاطرش عيط عليها بكات خاطرش هي عيطت عليه و بهدلاتو و هادا كامل بسباب غيرتها عليه
اما هو تان ناض مقلق و ماشي شابع نعاس حاس حاجة خاصاتو بعد ماوالفها ترقد فحضنو و ريحتها تدخل لقلبو
خرح من بيتو هبط للكوزينة ماصابهاش ولا خرج ديركت للخدمة منارفي
غير يدخل و يشوف سمية كيشغول عريانة مغطيك غير اللازم
راحت تجري لبه و عنقاتو و هو دزها و بعدها عليه
ريان:واش تحتاجي
سمية:هههههه نحتاجك نتا عمريي
و قربت ليه و عنقاتو و هنا صرات لي ماتتخيلوهاش
اوووب تفتح الباب و كانت ياسمين هي لي دخلت
شافتهم هكاك قلبها تقطع
ياسمين:هه
و دارت رايحة تجري وهو يعيطلها
بصح مالحقهاش كانت دبجا ركبت طوموبيلتها و قلعت طريق حرقتها راخ يتبعها هو تان و يعيطلها فتلفون بصح هي كانت تبكي و تعيط
ياسمين:اااااااااهههه انا الكلبة لي رحت لعندو انا لي ضرني قلبي عليه و قلت غلطت معاه لازم يسامحني انا لي بهلولة حبيتو و تخدعت فييه
كانت تبكي و تعيط و تخبط حكمتها كيشغول كرييز

طيييييييييييط
اااااااااااااااااا
خبببببببببلط
ريان:ياسمييييين
ياسمين خبطت فطوموبيل وحدوخرا و تقلبت
ريان هبط يجري ليها ماقدرش يخرجها مالطوموبيل
لحقت لومبيلونص خرجوها و داوها للصبيطار

   دنيا قلبها كان يعيط و يضرب لي يجوز قدامي يخبطو كسر دنيا كامل بعدما دخلوها للاوبيراسيون
قعدو 4 سوايع واحد فيهم ماخرج و هو كان كي المهبول
حتى شاف طبيب خرج راح ليه ديركت و حكمو من طابلية تاعو
ريان:علاش بطيتو وشبيها مرتي علاش قعدتو هاد الوقت كامل
الطيبيب مسكين لون نخطف ولا يترعد:المريضة كانت الحالة تاعها حرجة سلكت بشعرة
ريان:وين راهلا ي نقدر نشوفها
الطبيب:راهم يغلقو فالخياطة دوك يجيبوها و العشية تقدر تشوفها ايدا فطنت
و هرب يجري و خلا ريان يشكر فربي و يحمدو
شافها كي خرجوها وجها منفخ و راصها مربوط رجلها مكسر
غاضتو و حس بالذنب بعد لي صرا اخر مرة
دخلوها لشومبرة وحدها و هو فعد عند الباب وحدو ماحبش يقوللهم حتى تفطن
دخل لعندها شافها مغمضة عينيها. و وجها يبان تعبان هاد المرة الزاوجة لي تدخل للصبيطار بسبابو
قعد عند راصها يدعي فربي يسامحوه و يدو محطوطة على راصها تمسح فشعرها
حتى شافها تتحرك وقف و شدلها يدها
ريان:ياسمين راكي تفطني راكي تسمعي فياا
و هنا دخل الطبيب فحصها و بشرو بلي راهي مليحة بصح لازم تبقا هنا حتى غدوة باش تخرج
راح طبيب و خلاهم وحدهم هس مغمضة عينيها و هو يشوف فيها و يدو فيدها قد ماسيات تجبدها مانجمتش
كانت مدورة وجها مش حابة تهدر معاه و كارهة روحها و البلاصة لي راهي فيها بصح ماشي قادرة تحكي معاه و تقولو يخرجها
غتيصة فافكارها حتى حست بقطرات فيدها دارت لقاتها دمعة طاحت من عينيه
شافت فيه مخلوعة و قلبها تقطع مياة خطرة
و هو قلبو يتعصر و ندامتو تاكل فيه مالقري ماشي غلطاتو لي دارتها سمية و لكن يبقا هو حاس بالوجيعة
ياسمين:علاش خدعتني معاها علابالك بلي كسرتلي ظهري و حطمتني كي شفتك هكاك و انا لي كنت جاية نطلب منك السماح خاطرش حسيت بلي ظلمتك بصح درك لازم نطلب السماح من روحي خاطرش قهرتها و تبعت قلبي لي كان غارق فيك صحييت
ريان دمعة ولات 10 و لسانو عجز يهدر كان يشوف فيها كيفاه تبكي بالشهقة و كل كلمة تنطق بيها تقسمو و تقتلو
هبط راصو باش ماتش‘فش دموعو:اسمحيلي انا ما نستاهلكش تزوجت بيك غير باش نرضي غروري و ظلمتك و كي حبيتك و تعلقت بيك ظلمتك كتر
بصح ديري حاجة فبالك انا جامي خنتك ولاحتى خممت نخدعك عندك الوقت تخمي حتى لغدوا يا نكملوكيفكيف يا نطلقو و كل واحد يعيش حياتو بعيد على لوخر
و ناض خرج يمسح فدموعو و خلاها تقوى فبكيتها

شحال صعيبة كي يكونو زوج يحبو بعضاهم بصح مايقدروش يعبرو على مشاعرهم كل واحد فيهم يدس فقلبو ‘ يظلم حبيبو قبل مايظلم روحو

زعما عجبكم البارت راني قلبت الحكاية 180 درجة
نشالله تكون عجبتكم
ماتنساوش تدعموني و تعطوني رايكم فهاد البارت 💖💖💖💖💖💖💖