هاد حكاية جديدة و احداثها غريبة رومنسية بصح تقتل بالضحك
تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج
قراءة ممتعة
هو خرج و ياسمين تنهدت ياسمين:ببببببببففففففففف و ناضت خرجت موراه ياسمين:هاني جيت وشنو ريان:قتلك وجدي روحك ماشي تبعيني يا لحابسة طيري البسي حوايجك ياسمين و هي تهدر بلعقل:ايدا انا حابسة نتا واش يا طنح ريان:كاش ماقلتي ياسمين:قلت بصح لي قلتو مايهمكش و دارت ولات لبيتها و لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هبطن لقاتو فطوموبيل ريان:اممم هادي تسما راهي سريو فلحيجاب!! ركبت قدامو بلا ماتهدر حطت راصها على تاقة ر غمضت عينيها. هو شاف فيها و ديمارا طريق كامل و غير سكات حتى لحقو ياسمين:وين جينا ريان طفاها و خرج وهي تبعاتو كي قريب يلحقو للباب تاع وحد دار شاف فيها و طبطب زاد شوية و تحل لباب تغريد:ياسميييييين ياسمين:تغريييد صوطاو على بعضهم يتعانقو صفية:اااااايي جيتو ياسميين بنتي ارواحي عندي و راحت عندها عنقتها و دخلتها ريان:تسما انا نبقى برا يعطيكم الصحة نسيتو وليدكم و ديتو بنت الناس صفية:ادخل و بلع لباب موراك و يزيد هادي بنتي ماشي بنت الناس نتا لي شاكة فيك تكون مش ولدي ريان:ولاات هكااا صحيتو انا نروح عند ختي هي لي تبغيني تغريد:ايه اييه ارواح عندي خويا لعزييز كي يحقروك ارواح عندي و راص يطيط ريان:هههعهه امشي انشي راحو قعدو فصالون كانو يحكو و يضحكو غير ياسمين تشوف فيهم و دايخة كامل صفية:بنتي ياسمين وشبيه راصك ياسمين:قستو فتاقة تغريد:يا خااه هادا كامل تقوليلي قستو فتاقة ياسمين:ههه نورمال تصرا مين داك صفية:ودوك صفا ياسمين:الحمدلله صفية:ريان نوض خلينا وحدنا ريان كان خايف تشكيلها و تبكيلها و دار تتقلب ماحبش ينوض صفية:نوض خلينا عندنا هدرة تاع نسا ريان فهم روحو و نااض بسيف صفية:قوليلي يا بنتي ياك تهنيتي ياسمين:ههه الحمدلله ماماصفية مهنية من بكري صفية و تغريد ضحكو ياسمين:وشبيكم تغريد:هههه قصدها ايدا رقدتو مع بعضكم هنا ياسمين تلونت كامل و حشمت بصح فلحظة تفكرت واش دارلها عينيها تعمرو بدموع بصح مابينتش ياسمين هبطت راصها و هزاتو بمعنى اييه صفية:الحمدلله تغريد:امشو نوضو نتعشاو (باش نفهمكم هنا ريان كان يشوف فيهم ملباب بتخبية ر حس بيها كي كانت حابة تبكي) ناضو تعشاو وريان كان غير يشوف فيها كيفاه ساكتة ماشي من عوايدها تسكت ولا تبقى عاقلة كملو سهرو شوية و خرحو قطريق ياسمين بصوت تاعب:معليش تديني للبحر ريان:علاشش ياسمين:تديني ولا نن ريان بقا سكت وهي غمضت عينيها تحارب فدموعها حتى حبست الطوموبيل ريان:اهبطي و ماطوليش ياسمين هبطت ديركت وراحت قعدت فوق روشية وبقات تشوف فلبحر حتى غلبتها الدمعة و بدات تبكي بشهقة حطت راصها فوق ركايبها(بون لبنات دارت جاست كيشغول عنقت رجليها نشالله فهمتو خاطيني تعبير) و قوات بكيتها ريان كي شافها هكاك قلبو تقطع راح لعندها ياسمين:علاش خليتوني علاش رحتو و نسيتوني علاش ماراكمش حدايا علاش ما وقفتوش معايا علاش خليتوهم يحقروني و يضربوني لوكان حيتو هنا واحد ما يمسني ريان فهم بلي على والديها قعد دامها و هي راصها ما رفداتوش ياسمين:لوكان غير رحت معكم ههه ليوم عندكم 10 سنين ملي متو و خليتوني بصح علاش نتوحشكم و نبكي عليكم و نتوما جامي حسيتو بيا علاش نخمم فيكم و نتوما جامي خممتو فيا علاااش ريان بقا يسمع فيها و قلبو يتقطع عليها حط يدو على كتفها بصح هي نحاتها و ناضت راحتت لطومبيل مسحت دموعها بصح شعقاتها ما حبسوش ريان ركب و ديماراو فسكات كي لعادة و دخلو كل واحد فبيتو هي تبكي و هو يسمع فيها ليل ككامل واحد فيهم ما غمض عينو
سلام لبنات ديزولي طولت عليكم كاين لي وعدتهم على اساس لبارح نحط بارت بصح و الله ماقدرت خاطرش نحاوهالي هاد الرواية و وحدوخرا بصح الحكدلله رجعتهم و راني درتلكم فيها بارت نتمنى يعجبكم ماتنساوش تدعموني Bochradzz maria19-98 hasnaaa1991 btsarmiyongi bibaline Mayou27
