ناضت ياسمين و خرجن ستناتو فساحة
ريان:لازم نروحو
ياسمين:وين نروحو اصلا عندي شغل
ريان:امشي انا نديك لهاداك شغل
ياسمين:لاا لاا نروح وحدي
ريان:قتلك انا نديك و دوك اطلعي لبيتك وجدي روحك
ياسمين: بصح انا مازالني زعفانة منك على لبارح ...و دارت روحها زعفت
ريان:ياماامييي خلاص ماتزعفيش
و خلطلها شعرها
ياسمين:اااععع شعري
ريان:خفييي
طلعت ياسمين تضحك على ريان بدلت حوايجها لبست روب سور طاي كحلة توصل لركبتها مع فاست و باسكات بيوضا و زادت كسكيطا بيضة و طلقت شعرها دارت غلوس و ماسكارا و دارت نواظر و
خرجت عندو لقاتو لابس تربكو بيض مع سروال كحل و باسمات و كاسكيطة بيضة و داير نواظر
شافت فيه و طرطقت بضحك
ريان شاف فيها :وعلاش راكي تضحكي
ياسمين:هادي لمرة دوزيام لي نلبسو حاويج كيفكيف
ريان:و اومبعد
ياسمين:رانا نبانو كوبل هههههه
ريان:ماتخافيش مانيش مهبول باش نكون اون كوبل معاك
ياسمين:يحصلك الشرف تكون اون كوبل معايا
ريان:زواااخااااا
ياسمين:من حقي نزوخ
و راحت ركبت فطوموبيل و ديماراو
ريان:وين نروحو
ياسمين:للمطار
ريان:علاش
ياسمين:دوك تشوف
و بدات تضحك وحدها و هو مرة على مرة يشوف فيها... رفدت تلفونها و بدات تتصور و ريان كان غير يشوف فيها كيفاه تتعوج و تتبهلل
ياسمين:ريان جاتني ايدي قادرة تخليك تدعيلي حياتك كاملة
ريان:واش هي
ياسمين:خلينا نتصورو كيفكيف و حطها سطوري باش تفهم سمية بلي راك معايا
ريان:ماكاش بروبلام لمهم تخطيني اصلا كرهتها من قصة قصة
ياسمين:واشمن قصة
ريان:انساي و دوك خلينا نتصورو
و تصورو شحال من تصويرة كيفكيف و ياسمين دارتهم كااامل سطوري و ريان دا وحدة برك و رجعها بروفيل
وصلو للمطار و هبطو و لي يجوز عليهم يشوف فيهم و يحسدهم كانو يبانو كوبل يهبل يسحر
كانو يستناو و يحكو ريان كان غايص حتى سمعها تعيط دار لقاها تعنق فوحد راجل و تسلم عليه فخدو
و هو يدور بيها
دم ولا يغلي فعروقو حس روحو راح يطرطق
جاو ليه و هي كانت طالعة فوق ظهر هاداك راجل
....:سلام انا شاكيب
ريان:سلام
و زير على يدو ماجا يطلقها بسيف
راحو ركبو فطوموبيل و ياسمين كانت غير تهدر مع شكيب و يضحكو هو يقوللها مرتي و هي تقولو راجلي و عمري و قلبي و حبيبي
ريان طريق كامل و هو يشوف فيهم و مشنف لحق‘ للدار هبط و خبط لباب
شكيب:وشبيه هادا
ياسمين:اخطيك منو راني شاكة يكون مهبول و عندو انفصام
شكيب:امشي امشي راني متوحشهم
دخل عليهم و كامل تشوكاو عندو شحال ماجاش توحشوه كامل ناضو يعنقو و يسلمو
كانويقصرو
ياسمين:ايا عمري انا نروح نرقد راني نعسانة
أنت تقرأ
💕 حب💕 بعد 👈🏻👈🏻زواج 💍💏معوق 😆🤣
Adventureهاد حكاية جديدة و احداثها غريبة رومنسية بصح تقتل بالضحك تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج قراءة ممتعة
