بقت تحكي عن مشاكله بي طريقة صريحة شديد ومشاكل بيتتهم برضو🎗.وببتحكي عن الحرمان الشافتو من هي صغيرة ⚡🙇♀.ومرة مشكلة مع مرت ابوهم وكانت بتدس منهم الاكل وكدة .ومرة مشكلة مع راجل امهم 😔.وامهم بتطردهم وتقول ليهم امشو لي ابوكم انا ما ولدتكم براااي👆 . وفي النهاية اخوهم الكبير خلي الجامعه واشتغل وأجر ليهم بيت بعيد من امهم وابوهم وبقت حياتهم ابو الضعيف يوم في ويوم مافي..وانو ابوهم جاتو زبحة وربنا افتكرو .واصطفاهو الي جوارة😟.واتوفي بي سبب مشكلة مع مرتو الجديدة ما قدر يستحمل واتوفي😭 .والام جات لقت راجلا الي هو شاب صغير جايب ليهو بنت صغيرة من سنو 👫.جوة البيت وجوة غرفة نومه .وبلغت عنهم الشرطة 🚔 وساقوهم وراجلا طلقا قال علشان ما سترت عليهو وفضحتو📣 ...وبقت امهم براها في بيتة وخجلت تجيهم بعد الكانت بتعملو فيهم ..وقالت في النهاية قررنا نمشي ايحنا لانو في النهاية دي امنا وما حاترمينا .وفعلا مشينا 👣زرناها وواسيناها واصلا اخوي الكبير قال مامشي معانا علشان ما قادر يسامحة وايحنا اصلا ما ضغطنا عليو .بسبب حملنا الشايلو علي كتفو💣⚡ .وعرضت علينا نرجع نقعد معاها .وطبعا رفضا تقديرا للتضحية العملة اخوي علشانا ولمن اصرت علينا قلنا ليها بنسئلو.لو وافق بنجي ولو رفض خليكي متأكدة من انو ايحنا حنراعيكي ونخدميك طول العمر لكن من بعيد👀💤.ورجعنا البيت ولقينا اخوي زعلان لي درجة انو ما ردة لينا السلام .انا اصلا ترتيبي الشخص الثالث بعد اخواني الكبار👥 لكن انا بعتبر نفسي اوعي من الولد الاكبر مني طوالي .وطوالي سقت اخوي الكبير ودخلنا الغرفة🏚 وحكيت ليو الحصل كلو بالتفصيل👌 .وانو امي عرضت علينا نرجع نقعد معاها كلنا وايحنا علشان مقدرين التضحية العملتها علشانا كلنا رفضنا وقلنا ليها لازم ناخد رأيو بالاول 🚨 .وبقيت اطبطب عليهو وقلتة ليو تضحيتك الضحيته علشانا دي ما حاننساها طول عمرنا ووقفتك الوقفتها في ضهرنا كراجل قبل ما تكون اخ 💥💪.وقت الام والاب اتخلو عننا وكانو بيجدعونا لي بعضهم 😔😔.الله يقدرني واقدر ارد ولو حاجة بسيطة من جمايلك دي وحضنا بعض وبقينا نبكي😭😭 واخواني برة سمعو صوتنا وايحنا بنبكي .جونا داخلي وطوالي كل زول قال ليهو الكلام العايز يقولو في حقو واتماسكنا شديد في منظر والله عمري ما انساه.📌عارف الخلانا واقفين علي رجولنا ومكملين مع اخوي لحدي اللحظة دي شنو؟؟؟ قلت ليها شنو .قالت لي حبنا لي بعض💕....وواصلت كلامه وقالت .علاقتنا مع امي كويسة الا اخوي الكبير .كان بيضايق لمن نجيب سيرتة قدامو 😤.وكنا بنقول ليو امشي ليهاوعافيها علشان ربنا يوفقيك 🙏🏿.وعارفنها غلطانه لكن ما بنقدر نغير حقيقة انو دي امنا .وبقينا كل شوية نضغط عليو بالكلام دة لحدي ما حسيت انو بقي يتقبل الكلام عادي وما بيزعل من انو نجيب سيرتة قدامو 😶😐.وكمان كان بيدينا قروش وايحنا ماشين ليها علشان نشتري ليها حاجات 🛍..لحدي ما يوم كنا ماشين ليها واداني القروش وقال لي بجيكم بي هناك 🌹💫.انا هنا ما عرفتة ابكي ولة اضحك😵🙃 وفرحتة شديد وحضنتو وطلعتة مبسوطه ومشينا ليها وانا اصلا ما كلمتة اخواني قلتت اعمله ليهم مفاجأءة.🤩🤩وانا طول الطريق مبسوطة وما قادرة اعبر الا بالابتسامة العريضة☺😚 والنفس العميق ....ووصلنا بيت امي وسلمنا عليها وحسيت بيها سلمت علينا بي طريقة احلي من المرة الاولى🤝🔥.ومعنوياتها كانت مرتفعة .زي الكانت حاسة انو اخوي جاي يراضيها(قلب الام)😍💖.واتونسنا معاها تحكي ونحكي ليها .بعد شوية قالت عايز اخد رايكم في موضوع مهم📍.وقلنا ليها ااحكي يا امي خيير🤔🤔..قالت حادخل في الموضوع طوالي 😎وبدت تحكي لينا عن وحدتة وخوفه من القعدة براها ومن الفراغ الي هي فيهو😕😣..انا طبعا فرحتة شديد بي سبب الكلام القالتو دة وقلت حاتقول لينا عايزاكم تقعدو معاي😊😁 .وهي ما عارفة انو الليلة مشاكلنا كلها حاتتحلى.وقلت اعملة ليها مفاجأءة واكلمة بعد تخلص كلامها وافرح قلبها بي اخوي الجاي يطلب رضاها😍🎉..قامت قالت لينا انا عايزة اعرس👰 وجاني راجل كويس وولد حلال ....الخ.انا طبعا لمن قالت لي الكلام دة حسيت بي نفسي اتشليت عديل كدة😨😱 وحسيت بي رجفة واخواني كل واحد فيهم بيعاين للتاني😳 وعيونهم مليانة دموع لكن خايفين يبكو قدام بعض 😭😢وفي اللحظة دي اخوي اتصل لي📲 ووبسئل فيني من وصف البيت🤷♂ قال لي انا في الشارع وصفي لي البيت وانا بقيت ماقادرة ارد عليو🤭🤕 وهو كل شويه بيقول لي سامعاني وبقول ليو اي وبسكت🤦♀ ..هو طوالي قال لي لو هي ما عايزاني اجي عادي👍 وعلي العموم انا راجع علي البيت🏘 ولو عايزاني اجي ارجعكم كلميني قلت ليو اصلا ما لقيناها في البيت.⚠🏡.سكت مسافة وحسيت بيهو ما اقتنع قلت ليهو ايحنا طلعنا.🚶♀ .قال لي هي ما عايزة تشوفني🗣؟؟ ..هو بيقول في شنو وهي قالت شنو انا ها غلبني امسك دموعي طوالي بكيت😭😰 بي وجعة من كلامها..جيت راجعة طوالي وقلت لي اخواني يلا نمشي اخوي تعبان 😷🤧.هم اتخلعو لكن في نفس الوقت انبسطتو علشان حانمشي البيت بي سبب مقنع😧😕..وعلشان ماف زول يبكي قدامه ولا قدام التاني.سئلتني مالو قلت ليها ما عارفة اصلو واعرف الحاصل وبطمنيك😥😟.وهي بكل برود (طيب كويس)🤤👍..حتي انا عايزة امشي معاكم ما قالته وطلعنا وايحنا في الشارع ماف زول فينا بيتكلم مع التاني🔕 واي واحد مقبل علي اتجاه وماسك تلفونو وبيحاول يتصل علي اخوي📱 وهو ما بيرد عليهم ..ووصلنا البيت وبقو يفتشو فيو زي المجانين لمن لقوهو قاعد في غرفة صغيرة وفاضية⛔.وانا واقفة بعيد وبراقب..وهم مالك!! مالك!!.وهو ساكت ما ردة علي زول.😶😑. قلت ليهم امشو انا عايزة اقعد معاهو براي☹ –مشو..قال لي يعني اليوم البحس فيهو بالذنب واكون عايز اشوفة🤩وعايزة ترضى عني 😊ترفض تلاقينيّ🚫!!معقوله ما تسامحني؟معقوله حاموت وهي غضبانة علي⚡؟وانا صراحه ما قدرتة ارد عليهو لانو هو تعبان شديد قدامي وبيبكي بي طريقة تحنن😢😭.وانا طوالي صرختة بي صوت عالي وكانت اول مرة ارفع صوتي عليهو😗 ..قلت.انت ما السبب وهي ما رفضت تلاقيك☝..والله هي كانت عارفة انك جاي.وهو بيبكي قال..طيب لي منعتيني اجي😰🤔؟؟وحكيت ليهو كل الحصل طوالي دخل في حاله عصبيه😠😬 وبقى يصرخ بي اعلي صوتو.ايحنا اكيد ربنا غضبان علينا .واكيد عملنا حاجة غلط في حياتنا علشان يحصل لينا كدة..الاب رمانا والام طردتنا.ابوك مات وسامحناهو💘 علشان ما يتعاقب بي ذنبنا .وامك والام معروفة بي انها الجنب الحنين واللين في الحياة وبرضو جات علينا اكتر من ابوك.🤚🤦♂.عرست راجل قدرنا في العمر يااخ..العرس ما عيب لكن العريس المناسب مالو.واستحملنا نظرات الناس لينا وكلامهم عننا.🗣وحتي لمن وقعت في مشكلة معاهو ما لقت غيركم يقيف معاها💪.والليله لمن البحر راق تاني عايزة تجوطو🛑..يااخ تعاين لينا ايحنا بقينا رجال يااخ لييه كدة..ووقع من طولو 🤯🤪.طوالي شلناهو وعلي اقرب مستشفى..وقعدنا فيها 3ايام لا بياكل❌.ولا بيشرب ولا بيتكلم.عاايش علي المحاليل💉 بس.وكانت اصعب 3ايام في حياتي وحياة اخواني ..وطول الفترة دي امي لا اتصلت ولا جات ولا رسلت رساله😐✖.وصراحه الموقف ده دخل لي فكرة وكلام جديد عنها🙄😶 انا اول مرة اعرفو في الايام الفاتت دي.😓😣.وطلعنا اخوي من المستشفى لانو اصلا مافي تحسن🤷♀ .في الحاله.وبقينا لافين من عيادة لي دكتور لي مستشفي لي دكتور طب بديل حتي الرقية ما خليناها🌍 ومافي فايدة..لحدي ما يوم قال تجيبو لي عربية🚕 هسسسي تودينا لي امي 👵في البيت.وقدر ما حاولتة معاهو بدون فايدة.😓.وجبتا العربية وركبنا انا وهو برانا ومشينا⏸..وايحنا في الشارع احنس فيو واهدى فيو وكلام كتير..وهو سااكت😷..ووصلنا البيت .ونزلته دقيت ليها الباب.وهو في العربية🚖 ما بيقدر يقيف الا زول يسندو🚸.فجأءة الباب فتح😱😱...
يتبع......
