انا والله ما عارف اقول شنو .. انتي بتقولي لي في كلام انا خايف عديل يكون حلم و اصحي الاقي نفسي في سريري 😢 ولي اول مره كلامي الكتير داك كلو ما القاهو .. عارفة انا حاسي احساس غريب شديد ما عارفاو هو شنو بس هو كويس شديد علي اي حال ...المهم انتي اسي قلتي كلام كتير وانا زيو ما ح اعرف اقول بس الداير اقولو كلام بسيط بشبهني اسمعيهو مني ولو قلتا اي كلام مافي محلو ما تآخذني عليك الله .. اول مره شوفتيك فيها لخبطتيني شديد من جواي و بقيت اتصرف تصرفات والله لا حقتي ولا بتشبهني لدرجة اني ما حكيت لي اي زول قريب مني بيكي... و بالحصل لي معاكي عشان احتمال ما يصدقني .. وما يصدق اصلا انو ده انا العملتا الحاجات دي كلها لي مجرد شوفت بنت .. كنتي بالنسبه لي شكل جميل اتمنيت اكون قريب منو .. ولما قربتا منيك عرفتا انو جواكي اجمل...💙 بي غض النظر عن الوجع الساكنيك .. لو قلتا ليكي عيان القلق بسمعو في صوتيك قبل اشوفو في عيونك .. واقفة جنبي دايما و سانداني و داعماني .. الدعم في الدنيا دي ما مادي كلو .....🤷♂ لانو لو اتلقي المادي و المعنوي مفقود السعاده ما بتعرف طريقا لي قلب الواحد.. ياما ساهرتي معاي الليالي وانا محموم و ياما بتفتحي نعاي مواضيع للنقاش والكلام علشان تونسيني وانا مقلق عشان انوم .. .. انتي مافي منيك اتنين و انا حاسي اني عملتا حاجات كويسه في الدنيا دي والا ربنا ما كان جابيك في دربي 😢 كتير حسيت احاسيس في الدنيا دي افتكرتا انها حب والله ما عرفتا نفسي غبي فيها الا لمن لاقيتيك و حسيت الانا بحسو معاكي دا .. قاطعتني بي صوت شويه عالي طلعتا روحي يا شيخ لحدي ما نطقتا 😌 كنتا خايفه اكون حاسه كدا براي كنتا خايفه تكون ما بتحبني و البينا دا عندك إلفه و تعوّد ليس الا .. كنتا خايفه ما يجي اليوم الهسي انا فيهو دا .. وخايفه اصحي يوم و تضرب لي تقولي لي لاقيت وحده و باين علي حبيتا بموت اول ما تجي افكار زي دي في راسي .. بس في النهايه ربي ما كسر بي خاطري☺ .. قلت ليها..طيب يعني افهم من الكلام دا إنيك موافقه 😍 ..قالت. اكون عبيطه لو قلتا للسعاده لأ ..وقلت ليها انا والله بوعديك تكوني سعيده معاي عشان بالجد السعاده الهسي دخلتيها في نفسي دي غير اي سعاده شوفتها معاكي من يوم عرفتيك .. انتي عارفه وضعي انا لا بوعدك بي بيوت ولا عمارات ولا عربات بس البوعدك بيو اني افضل معاكي علي المر قبل الحلو و احفر بي يديني وكرعيني عشان اعيشك مستوره وما تجتاجي لي شي .. وربنا يرزقنا الخير في كل شي. يارب و يقسم لينا الفرح دايما👐 .. ( قالت امييييين بعد اخدت نفس عميق كده وتحسها من جوووه قلبها ) 😍😍 تمت بحمد الله ✋ مساحة شكر : 🥀🕸شكرا لي كل الاتفاعلو مع الروايه و شكرا لي كل الناس البتتعب عشان تدخل وتفتشا عشان تقراها و شكرا لي الآراء الطيبه و الاستحسان 😘😍و انتظروني في قصة جديدة باذن الله.. ✋ ابقو عافية🙋♂
