فتحتا الكيس فيو برطمان نوتيلا 😍 و تاني فيو كميه شوكلاته كدا منوعات .. فرحتا فرح زي الشفع لمن يجيبو ليهم حاجات العيد 😍 ( حاجات بسيطه لكن مردودا كبير والله 😘 ) و في علبه تالته صغيره فتحتها فيها خاتم شكلو غايتو فضه 😌 بقيت اكورك زي الاهبل من الفرحه 😍 .. وفي ورق كميه تحت الحاجات دي 😳 .. قلتا يا بشرى البت دي تامة ليك الهديه دي ورق يعني 😒 😏 سالتها الورق دا شنو ؟ .. خليهو ما تهبشو كدي اسي وريني الحاجات ديل عجبوك ؟ .. والله حلوين واليد الجابتهم احلا منهم كلهم واكتر شي بسطني فيهم انو انتي متذكراني و الهديه ما بي قيمتا الهديه بي معناها 😌 .. لا يعني بتقصد هديتي دي رخيصه 😒 .. دا كلام شنو ؟ انتي راسيك دا ما حلو؟؟! عليك اللله ده الفهمتيهوو من كلامي 😒 .. استهدي بي الله بهظر معاكي ياخ 😏 .. دا كان هظار ..المهم بالجد والله جادي معاكي مبسوط منيك ومن هداياكي الرخيصات ديل 😈 .. .. اها كويس الورق دا فيو شنو ولا مكبرة بيو الكوم 😒 .. طالما وصلتة مرحلة الورق اخليك تفتحو براك وانا ح اقفل ولمن تخلص ارجع لي بستناك اوكي .. طيب اوعك تنومي ؟ .. انوم ؟ ههههه طيب ما بنوم انت بس ما تتأخر.. سلام $ سلام .. قفلتا الخط ومشيت علي الورق طيب هما ورقتين وكل ورقه مكتوب فيها لحدي نصها 😅 فتحتهم وقريتهم 🙈 يلا الورقتين الاولي كان مضمونا شكر علي وقفاتي ودعمي المعنوي واني خليته قادره تتجاوز حاجاتو الكعبه و وقفتي معاها و اني ما خليته تستسلم و و و ) .. الورقه التانيه كانت عباره عن كلام ناعم شديد بتتكلم عن احاسيس حايمه في راسه بحاول اللخص مضمون القالتو ( متلخبطه و دواخلي جايطه وما عارفه احدد في شنو وانت لازم تقيف معاي زي ما عودتيني كل مره ولازم تساعدني اعرف حقيقة البحصل معاي .. قاعده تحصل معاي حاجات غريبة وانا ما متعوده عليها بس ساكته و ما بي ارادتي إتحكم علي بي كدا 😢 و الحكم دا ما عادل ولازم ينظر في امري ) .. دا خلاصة الكان في الورقه .. كلام غريب من جانب و من جانب تاني واضح بس انا اتعودتا معاها علي الخزلان كل ما افكر بي شكل ايجابي يبقي المره دي لازم اركز و ما اتحمس شديد عشان ما اطشش 😞شلتا التلفون وعملتا ليها جرسين وقفلتا وقاعد علي اعصابي تتصل عشان اقدر افهم وما ابني افكار و يجي الهوا يشيلا كالعاده 😔 مرت عشره دقايق ما رجعت لي دخلتا في حاله ما يعلم بيها الا الله و بقيت خلاص ماشي علي الافكار البتخوف و ابتدت الحاجات الما كويسه و بقيت افكر بي اسلوب ما حصل فكرتا بيهو وانا في نص الاحباط ده التلفون ضرب .. شلتا التلفون ولقيته دي هي ورديت وانا قنعاااان خالص و بتكلم بي برود الدنيا كلو .. سالتني قريت الورق ؟ .. ايوا قريتو ( وكنتا بحاول ما اظهر اي انفعال لا بي سلب ولا بي ايجاب ) يابت انتي كتّابه بي صراحه و دماغك نضيفة عدييل وبفكر اشجعيك تبقي كاتبه او حتي روائيه . .. قالت لي يعني دا كل العايز تقولو عن الورق ؟ بالجد اسلوب سمح في الكتابه .. بشرى سؤالي واضح دا كل اللفت انتباهك في الكتبتو ؟؟ .. تقصدي شنو بي كلامك دا .. طيب ما بقصد شي و ممكن تمشي تنوم عادي بعد كدا ✋ .. شنو ؟ امشي انوم ! وكمان عادي ؟ ليه الاسلوب دا 😳 .. لا ماف شي 😒 .. اوكي مدام اانتي شايفه كدا يبقي تصبحي علي خير .. وانت من اهلو .. قفلنا الخط و بقيت قاعد افكر انا ليه اتصرفته كدا وليه ما كان ممكن الكلام يمشي بي صوره احسن من الكان بيها .. طيب بس لكن انا كتير اتفاعلتا معاها و هي بتجي في الاخير بتحبطني 😢 .. وانا في جوطة التفكير دي التلفون دقت ضربت تاني 😍
يتبع.....
