فتحت التلفون لمن انا زاتي اتخلعتا تقول كانت قاعدة في الزر .. كيفيك ؟ انا كويسه انت كيف ؟ .. الحمد لله انا تمام و بي خير .. طيب الحمد لله وانا كمان كويس دام ما سالتيني عن حالي 😒 .. حاليك عارفاو انا وعارف إنيك بي خير وعموما انا كنتا عايزيك في كلمتين يعني لو ما مشغولة او بتعملي في حاجه و بعد اذنيك طبعا 😏 .. والله انت من امبارح ما عاجببني بتتكلم بي اسلوب غريب شديد بس خليني معاك لحدي ما اشوف انت داير تصل لي شنو تحديدا لاني تعبتا من التفكير .. لا الداير اوصل ليو انا وصلتا ليو وخلاص بس فضل شوية نواقص كدا و متصل حاليا عشان اكملا دا لو ما عنديك مانع طبعا .. مانع ؟ اتفضل احكي وانا سامعاك دا لو العايز تعرفو بنفع بالتلفون واذا ما بنفع شوف عايز تلاقيني متين وانا جاهزة .. كتر خيريك ما قصرتي ودا العادي بتاعيك 😒 المهم سوالي انتي امبارح شوفتي مكالمتي صاح ؟ وعارفة اني عايز اعرف وصلتي ولا لأ صاح ؟ ما تردي!! 😠 .. هو انت مديني معاك فرصه ارد 😳 اسكت شويه عشان اقدر اجاوبك .. اتفضلي طيب .. اي صاح شوفتا مكالمتك و كنتا بتكلم مع اخوي ضرب يشوفني عملتا شنو في الموضوع الفاتحتك فيو في المطعم داك خلصتا منو او بالاصحي البطارية قفلت وانا بتكلم معاو ختيت التلفون في الشاحن قلتا يشحن شوية واتصل بيك شالتني نومه ما صحيت الا الصباح .. اوكي طالما صحيتي ما رجعتي تحكي قصتيك دي لشنو ؟؟ .. مافي شي محدد اولا صحيت مشيت جارية في مواضيعي ديك قلتا لمن تصحي وانا اروق اتصل عليك بي رواقه افهمك وافهم منك لاني بي صراحه انت ما عاجبني من امبارح واسسي شايلة التلفون في يدي داير اتصل عليك ضربت انت ولو لاحظتة انا رديت بي سرعه بس دا كل الحاصل معاي والله لا ذدتو حرف ولا نقصتو .. اممم طيب كويس .. الطيب كويس شنو 😳 انت مالك كدي براحه ممكن تحكي لي.. شكلو حاصل معاك موضوع كبير واول مره احس انك داسي مني شي 😞 طيب انا مزعلاك في حاجه ؟ الحاله الانت فيها دي انا سبب فيها ؟ ما ترد ساكت مالك يا بشرى ؟ انا كل حاجه بحكيها ليك ليه انت بتدس مني 😒 حكيت ليك ادقا تفاصيل حاجات الواحد بخجل يحكيها مع نفسو لانها دقيقه وحساسا و من يوم عرفتك ما قاعدة ادس منك شي و بشاورك حتي في الحاجات الهايفه ليه تكون ماره بي حاجه وانا ما عندي بيها علم 😠 ليه انا ما اعرف بي المضايقك شنو وليه ما اكون الركن البتجري عليو اول ما تضيق عليك باقي تلاتا اركان الدنيا الباقيات؟ لدرجه دي انا بقيت اتعب عشان اعرف مالك !! من عرفتك ما حصل حسيت اني بعيدة منك زي ما حاسه من امبارح لي الليله 😞 انا المره علي في حياتي داك كلو كوووم وانت كوم... تاني ما برضي فيك ولا دايراك تزعل ولا عايزة الدنيا توجعك كل الدايرو منك ارجع شاركني همومك زي زمان وافتح لي قلبك واحكي معاي وفضفض انا ما عايزة ولا قادرة اشوفك كدا وانا مربطة ويديني ما قادرة احركا واساعدك ..👤 يلا انا هنا موازيني اتشلت و حاسي بي احساس كدا ما قادر اوصفو بس بقيت بعاين وساكت و هي تتكلم وانا ساكت وراسي مشلول دي اقول ليها شنو ؟ اشكيها لي منو ؟ اقول ليها دي انتي الموتراني وانتي السبب ؟ اكضب عليها واحكي قصه من راسي ؟ اعمل شنو بس اعمل شنو 😭 بقت تقول لي الو الو . . ) وانا بس ساكت في الاخير قفلتا الخط و قفلتا التلفون زاتو... اصعب حاجه في الدنيا دي انك تحس وما يتحسا بيك 😞 قومتا علي حيلي استغفرتا و غسلتا وشي و صليت لي ركعين و جيت رقدتا و بعاين في السقف وما شايفاو و راسي مافضل حتة تفكير ما مشي ليها ولا فضل باب ما وصلو و ما بطلع بي شي .. شالتني نومه من كترت التفكير و حلمتا احلام سمحه يااخ 😍 قومتا لمن مرتاح نفسيا زي الكانها حقيقه طوالي اكلتا و شربتا قهوة و جبتا تلفوني ركبتا الشاحن وفتحتو و قعدتا احضر في التلفزيون.. اتونستا مع ناس البيت و بعد شويه التلفون ضرب وجاتني الكبكابة 😂شلتو ودخلتا جوه ورقدتا وفتحتا الخط قالت لي انا بره في طريقه تطلع تلاقيني ؟ .. بره وين 😳 وكيف تعملي شي زي دا ؟ مجنونة انتي يعني 😳 عايني الساعه كم ؟!؟ .. ياولد كدي قولي بس الله انا ما دايريك تطلعي معاي ..ممكن بس تفتح طرف الباب كدا بس براااحه و تقفلو تاني عارفة الزمن متاخر بس عشان خاطري حاول علييييك الله 🙏🏼طيب كدي بحاول و بضرب ليكي .. لا لا خلي الخط فاتح عشان اعرف انك حاولتة بي ضمير 😂 .. طيب طيب لكن اسكتي ما تتكلمي تمام ؟ تمام .. طلعتا بره لقيت امي قاااااعده في الهول وصاااحيه لي درجة خاتا قداما كباية شاي احمر و معاو بسكويت 😅 امي كيفك 😌 .. كيفي كيف يعني 😒 ( طبعا نسيت اقول ليكم انو حاجاتي دي كلها وارثة منها انا 😂 ) امي كدي استهدي بالله ماليك متضايقة مني كدا ( نظام بلطف في الجو وكدا ) وهي بس عامله لي كدا 😒 جيت داير امرق .. ماشي وين 😠 امي داير اشم هوا في الحوش بس .. مالك القاعد ليك في صدرك منو مخنوق 😏 يا نبع الحنان عليك الله ابردي 😂 معليش ممكن امرق شويه بس 😌 امرق انا رابطاك في كراع السرير !!😒 و لمن تجي راجع لو سمحتة لم لينا ملابسك المجدعة في كل مكان دي ما ناقصين مناظر معفنه احنا 😠. علشان تجي تنضف المطبخ وتمسح الهول ده...امي 😳 بلا امي بلا زفت جبت لينا القرف زاتو 😠 ششششت 🙊 تمام تمام العايزه بعملو ليكي والله بس اسي ممكن امرق 😥 غايتو بس الحمد لله سكتت.. وافترضتا السكات علامة الرضا و طلعتا 😂 طلعتا الحوش رفعتا التلفون في اضاني لاني كنتا خاتاو في جيب الترينيق لقيتة ميته بالضحك 😂 قرب يغمي علي من الاحراج 😞😡😡😥 في شنو يامتخلفة 😠 .. لا ماف حاجه اها طالع ولا النظام شنو ؟ .. ( الاحراج كتلني ) يابت امي قالت ما افتح الباب امشي 😒 .. متين قالت كدا بعد عبارة نضافة المطبخ ولا قبلها 😂 انا خلااااااااص داير اتشلا من الزعل 😡 ركزي معاي امي ما قالت ما امرق لكن عشان قلت ادبيك . ما مارق انا 😠 .. لالا ياخ كدي ابرد و الله يهديك افتح الباب بس سنت متر واحد ( بعد تحانيس وافقتا 😂 ) فتحتا الباب سلمت علي يدينا باردات ( هي ولا متوترة ولا شي من يومها باردة كدا 😒 ) بعد سلمت علي مدت لي كيس و قالت خلاص بعد ده انا شفتك يلا امشي ولما توصل اوضتك اعمل لي جرس بس قبل ما تفتحو ممكن ؟ طيب اوكي يلا امشي .. طيب يلاا 😌 .. قفلتا الباب بقيت في ادخل الحاجات دي كيف من البوليس الجوه دا 😰 دخلتا طرف عيني لقيتا مغمده لكن نايمه ما نايمه ما بقدر احكم الا ادخل لانو كتير بتعمل لي كمين بالنوم دا واول ما ادخل يتمسكني .. ختيت الحاجات جنب الباب و دخلتا لحدي نص الصاله ما صحت معناتا نايمه بالجد 😳 جريت جبتا الكيس و دخلتا و قفلتا الباب ختيتو في نص السرير و عملتا ليو مسكول اتصلت علي وقال تافتح الكيس خلاص .. دقيقه طيب خليك معاي ..
يتبع....
