وفي الطريق كلو كلمه كلمتين و نرجع نسكت تاني وكل زول يرجع يفكر بينو وبين نفسو .. انا بفكر في القالتو و بحاول اصل لي حاجه ابني بيها الافكار .. ولما افكاري تمشي علي الناحية الايجابيه برجعا بي سرعه زي الكاني خايف من شي بس هو شنو ما عارفو .. اول ما تمشي علي الاتجاه السلبي بمشي وراها مسافه وبعدين ارجع تاني لما تعبتا من كترت الافكار 😔 .. و بس نفسي اعرف اسي هي بتفكر في شنو .. و بي جوه نفسها بتقول في شنو ولما فشلتا وما لقيت حاجه فيها فايده بقيت ساكت .. المهم وصلنا المكان المودياني ليهو و نزلنا و شوفنا طربيزه مطرفه كدا وقعدنا فيها .. سئلتني ناكل شنو ؟ .. اي حاجه ياخ 😥 .. دا شنو الهدوء الانت فيو دا 😳 ومن متين قاعد تكوني مهذب كدا وتقول ناكل اي حاجه 🙊 طوالي ناطي لي في حلقي و بتاكلني بي مزاجك غايتو الليله الا كان عيان 😂 .. اطلبي من سكات بسسس 😒 .. ايوا كدا اتلامض خليني اطمئن انك بي خير 😉 .. ( طلبنا الاكل و وصلته درجه انا ببلع فيو زي الطوب 😟 ) .. ما تاكلل ياود دا شنو الاكل بتاع الشفع دا 😂 .. طيب باكل بس ممكن نتكلم وناكل ؟ .. لا ياخ انت اداب الطعام دي ما بتعرف عنها حاجه ولا شنو 😌 .. 😠 ما طول عمرك بتاكل وتتكلم الليله لمن ضميرك صحا... خلاص اكلي اكليك وانتي ساكته 😏😎 .. بالنسبه لي آداب الطعام فاتت وين وانتي بتتكلمي معاي كلاميك دا كلو ولا انتي كنتي بتكلميني عن آداب حاجه تانيه😒 .. لالا انت ظريف خالص خالص الليله 😊 .. طيب اكل وانتي ساكته .. حاضر .. ( خلصنا اكل ) .. اها اتفضلي اتكلمي بعد كدا .. كويس شيل الصبر جاييك دقيقه .. ( طلعت وجات راجعه ) . انا عايزك ما تقاطعني كلو كلو ماشي ؟ ح اقول كلام كتير معليش استحملني و مهما كان ما تقاطعني عشان انا لي فتره بجهز فيو لو قاطعتني ما عارف ح اقدر اواصلو ولا لأ فااا ممكن تسمعني بس ولما اخلص انت قول العايز تقولو تمام ؟ .. طيب اتفقنا يلا بسم الله .. اولا احنا لما اتلاقينا في اول يوم قعدنا قعده اتكلمنا فيها كلام كتير خاص بي في البداية بعدين بقي خاص بينا الاتنين .. وانا طلبتا منك تكون معاي وجنبي و ما تخليني لا بي ارادتك ولا حتي لو غصبا عنك .. وانت وافقته و وعدتني وانا مبسوطة جدا لأنك كنت علي قدر وعدك دا و لي هسي معاي و متمسك بي طريقة ارتباطنا .. ومبسوطة من نفسي اني عرفتا احافظ علي فكرة وجودك دي لحدي الان علي الاقل .. طلبتا منك يوما انك تخت مسمي لي علاقتنا و اخترت لينا نكون اصدقاء ويعلم الله اصدق من صداقتك ما لاقيت ولا في ود ولا في بنت .. كنت ومازلت اقرب من نفسي لي و بسالك عن حاجاتي قبل اشاور فيها نفسي حتي بعد اعرف رايك اقعد وافكر فيها وبرضو بطلع بي رايك البتقولو لي .. فرق السن البيني وبينك صاح يعني انا ما اصغر منك بي كتير . لكن تفكيرك سابقك في العمر .. ضاحك دايما في وشي وبجيك زهجانه والدنيا ملطشه معاي وبمشي منك مبسوطة .. حتي لما نتلاقي واقول ليك عازمااك ما بكون معاي قروش كتيرة .. بتدفع معاي في قروش العزومه..و انا بكون خجلانه شديد بس عمرك ما حسستني اني اقل منك في شي ... لو جبتا ليك بسكويت بتحسسني اني جبتا ليك دهب عشان انت طالع من بيت مالين ليك عينك .. و حتي لمن ظروفي اتصلحت عمرك ما قلت عايز شي .. عارف ساعات بحسك ابوي والله ماهو انا شعور الاب دا تعبان عندي وما عايشتو كتير بس من معلوماتي عن الاب صفات كتيره فيها عندك انت .. وانت فاكر لما نجي و اعزمك و تطلب ارخص حاجات في المينيو عشان ما تعصر علي انا ما بكون ملاحظة ! ولا فاكره اليوم الرسلته لي فيو قروش في شكل رصيد و نكرته قلت ما انت انا صدقتك وقتها ؟ ماف زول غيرك ممكن يعمل كدا او يحس بي الانا ماره بيو غيرك .. ولما اقول ليك ارح معاي السوق داير اشتري حاجات لي نفسي بترفض و بتتحجج بي حاجات انا عارفك ما عايز تمشي معاي عشان عارف انا ح اشتري ليك انت ما لي نفسي ..بترفض لانك عارف ظروفي .. انا كل حاجه بتعملها حتي لو صغيره او صعب الزول يلاحظ ليها انا بكون حاسه بيها .. اقسم بالله انا لو الف الدنيا دي كلها احنا من قلبك دا ما بلقي ... كل الدايرو من ربنا انو يخليك لي و ما يحرمني من نعمة انك في حياتي .. بس دا ال كنتا بدعيو و بطلبو من ربنا لكن حاليا انا طالبة منو اكتر من كدا وربنا اسمو الكريم وابدا ما بكسر بي خاطر البعشم فيو 😔بشرى انا عايزاك تتزوجني علي سنه الله ورسوله قلتي شنو ؟ ؟ ( ساكتين اكتر من دقيقتين ) .طبعا من الخلعه بتاعت الموضوع والكلام القالتو ما عرفته ارد عليها فجأءة عيونه رقرقت وبدت تدمع .قلت ليها . كدي اسي انا عايزيك تمسحي دموعيك دي وتوريني رايك فيني بي صراحه !!؟.. انا عارف انو البقول فيو دا انا بالنسبه ليك مفاجئه و انا بخاطر بي معرفتك كولها وكل مره اقول ليك فيها كدا بتراجع لاني بخاف افقدك .. ولانك من الاول حددتة لي حدود انا المفروض ما اتخطاها بس والله ما بي يدي .. الحاصل معاي دا حصل لاشعوريا ..بس خلاص انا ما عايزة اخاف تاني و قدرتا و قلتا ليك كل الفي قلبي .. لو رفضتة ما عارفه ح يحصل فيني شنو بس المهم انا ما حابطل محاولات .. بس لو وافقته والله برضو ما عارفه الحا يحصل معاي شنو 😢 .. بس المتاكدة منو انو ماف زول ح يكون اسعد مني ساعتا بس عليك الله لو ح ترفض قولي لي عايز وقت افكر وامشي وفكر تاني وتالت والف مره قبل ما تقولي لي لأ .. ولو ح توافق . . . المهم ما عارفه بس عليك الله فكر كويس البطلبو منك دا حياة و عمر طويل وانت حاليا مسؤول قدام ربنا و قدامي عن المصير الحا يحصل علي و عليك عشان كدا ارجوك فكر 😔.. ما عارف اقول ليكي شنو لكن ....
يتبع....
