وجات امي فتحت الباب واول ما شافتني اتخلعت 😳.لانو الوقت كان متأخر وبقت تسئل فيني ماليك .في شنو😯؟؟في واحد من اخوانيك حصل ليهو شي😕؟؟بقيت اقول ليها كدي اهدي شوية علشان احكي ليكي😒 ..طوالي قالت لي ادخلي ادخلي جوة💁♀قلت ليها دقيقة .ومشيت سندتو وقلت لي بتاع العربية انتظرنا ..اخوي قال لي خلي يمشي .طوالي مشيتو. وجينا داخلين⤴ .وهي طبعا من الخلعة لمن ما قدرت تتكلم😷 ..ورقدتو في سرير..وطوالي بقت بتسئل فيني مالو ؟😱🤷♀ في شنو؟..بقت تسئل فيو مالك عيان انت😟؟؟.قلت ليها يا امي كدي اقعدي واهدي علشان نعرف هو عايز يحكي شنو😶..وبعد شوية بدا يتكلم مع امي .كيف اخباري كويسة؟؟⚡انا كويسة انت كيفك ؟⚡ انا كويس مافيني شي بس لازم اجيكي. علشان اشوفيك.وتشوفيني.واسمعيك.وتسمعيني.🌂.طييب يا ولدي اتكلم .انا سامعاك🔉...امي ايحنا غلطنا عليكي في شي؟؟🤔يعني واحد من اخواني ديل حصل عمل ليكي حاجة زعلتيك او حتي انا؟؟☹.دة كلام شنو يا ولدي ابدا ما حصل منكم شي ولا حتي صوتكم دة ما حصل رفعتو علي من صغار🙄..طيب يعني انتي رضيانة منهم؟؟اي رضيانة منهم وعافية ليهم وليك من جوة قلبي..كتر خيريك ما قصرتي😌 وايحنا برضو عافين ليكي كل شي..يا ولدي ما تقطع قلبي في شنو؟| ..مافي شي بس كنت محتاج اسمع الكلمتين ديل .يمكن يخلوني ابقى كويس🤕..وشكرا لانيك استقبلتيني بعد العملتو دة كلو😊.وقال لي بعد كدة ممكن نشوف عربية ترجعنا.🔙وفعلا مشيت جبتة عربية🚕.ولمن رجعتة لقيت امي بتبكي بي طرية مؤلمة 😭😢..لمن حنيت عليها ..وبقيت اسئل فيها في شنو يا امي😲 ..وبسئل فيو في شنو يا اخوي .هو ساكت🤐 وهي بتبكي بحررقة..وماف زول ردة علي ..في النهاية قال لي تعالي اتسند عليكي..اصلا ما لينا غير بعض.💕.وطلعنا ركبنا ورجعنا البيت..وطول المسافة دي ماف زول اتكلم مع التاني .لحدي ما وصلنا 👣.دخلتو جوة الغرفة علشان قال لي عايز ينوم..وانا مشيت قعدتة برة بفكر وبسئل في نفسي وبحاول اتوقع واخمن😇 هو بيكون قال ليها شنو.علشان تبكي بالطريقة دي..لكن ما قدرتة اصل لي كلام منطقي وموزون..في الاخر انا زاتي مشيت نومتا بعد ما اطمنتة عليهو وهو نايم🌼..الصباح صحيت بدري كالعادة مشيت اتفقدو .لقيتو صاحي صبحته عليهو.ولقيت اخواني طلعو بدري.بقينا نتونس انا واخوي ونسة عادية 🙂 من غير ما نجيب سيرة الموضوع..بعد شوية قال لي انا جعان..طوالي جريت علي المطبخ عملتة اكل لينا الاتنين وجيت.وأكل بي طريقة اول مرة اشوفو بيها🙄.مسكين.ليهو فترة ما ضاق طعم الاكل.الحمدلله اكلنا😆.قال لي عايز انوم ..خليتو ينوم ومشيت رجعتة الحاجات وجيتو راجعة.يا معلم شاي كييف☕ معاك؟؟اعمل ليك شاي معااي🙋♀؟؟لا يعني انت فجأءة نومتة؟؟ ولمن ما ردة علي قربتة عليهو.بس مافي اي حركة✖!!حاولتة اقومو واحركو بس والله غلبني طوالي اتصلت لي اخواني قلت ليهم القريب يجيني البيت سررييع.♻🔥.وفعلا كان في واحد قريب من البيت..وسندناهو انا وهو ومشينا بيهو المركز الصحي الفي الحله🏩..الدكتور شافو..واخوي التاني كان بيرجف..الدكتور قال لي سوقيهو واطلعو برة..يا ولد في شنو انت مالك بتتراجف كدة خلي حركات النسوان دي🤔..وانا بي جواي برجف اكتر منو.بس بحاول اخليهو يثبت ويركز💪..- اخوي مات يا بشرى😭😟..وماتت معاهو حاجات كتيرة والله ..والله وقتها حسيت بي اني يتيمة جد جد..حسيت انو الدنيا دي بقت فاضبية 😑.ما فيها زول ولا قادرة. اشوف زول...وانا المتأكدة منو جد جد انو انا بقيت في الدنيا دي براااي..وعلشان تعرف الحمل الكان شايلو قدر شنو.😔.انا واخوي الاكبر مني طوالي خلينا جامعاتنا علشان نسد خانتو في البيت لكن والله غلبتنا😓 ... الله يرحمو والله كان مكفينا وموفينا..وشايلنا من الارض شيل☺😘..ماسئلتني ايحنا ما عندنا عم ولا خال ولا حتي جد👥؟؟والله ايحنا عندنا عيلة من كترتا تسد الشمس.لكن هم الواحد فيهم اولادو في البيت ما ما قايم بي واجبو اتجاهم .يقوم يجي يساعدنا ايحنا🤷♂؟؟..ولو هم اصلا كانو اهل كويسين .كانو ظهرو من بداية المشاكل دي وحلوها.🌺.لكن هم ما اتكرمو علينا بي تلفون سااي!!..ما شفناهم الا في العزا بتاع اخوي.😥.والكلام البحكيو ليك ده ليهو حاليا 3سنه.وانا والله شايفاهو انو حصل امس💥..وامي كمان حدها معانا كان يوم العزا..وتاني ما شفاها كانت بترسل لي ايام العزا.بتقول ليهم كلموها قولو ليها خليها تجيني..كنت بقول ليهم قولو ليها جايه وبختفي فترة من النااس😒..لحدي اللحظة دي انا بتعامل معاها في حدود ربنا👌✋ ..بس الجوة القلب ما بيروح بالساهل ولا بيتنسي بالهينة.💔..اللهم صاحب اخووي المرحووم ده كان شغال معاهو في نفس المؤسسة 🔑..وهم كانو شغالين سواقين مع بعض...واخوي بعد الظهر بيسوق حافلة🚐 علشان يزيد الدخل ..وصحبو الكان شغال معاهو سافر قطر واشتغل في الجيش .ولمن عرف اتصل علينا عزانا🕸 في اخوي رحمه الله عليو.وبعد كم يوم تاني اتصل علي وقال لي انا حارسل ليكي عقد عمل📄 وانا عارف الحال واخوك ده ما كان اخوكم براكم ده اخوي انا برضو😍 ..ودي حاجه بسيطه من الحاجات الكان بيعمله لي..لي درجه انو لمن قروش تذكرتي بتاعت السفر نقصت وقنعتة من السفرة😖..اليوم التاني طوالي جاب لي قروش وقال لي تم بيها حق التذكرة وانا عارف انو اتدين القروش💸 دي.... لانو عارف ظروفو كيف .وما كانت بتستحمل نقص زي ده😑..وقال لي انا عايزيك تجي تشتتغلي هنا علشان تقدري تشيلي مسؤولية اخوانيك 💪👥.-شكرتو علي كلامو ده وقلت ليو لو عايز تساعدنا بالجد تكتب العقد بي اسم اخوي الاكبر مني طوالي (ده البعد المرحوم) ...لانو عارفه انو ما حيقدر يحافظ علي البيتت لانو طيب لي درجه بعيد..والحياة بقت صعبة.💣.واخواني الاثنين الصغار ديل عايزين ليهم رعاية ومعاملة خاصة .وعايزين زول يقيف ليهم في راسهم🧐..وانا بقدر عليهم.وهو يسافر ويساعدنا ويساعد نفسو..وفعلا ده الحصل✌.واخوي هسي سافر ليهو 3سته واربعة شهور.وانا شغاله هنا وهو شغال هناك والحمدلله😍الوضع ماشي..انت اكيد حتقول لي انتي بتحكي الحاجات دي كلها لي صح؟؟وايحنا اساسا من عرفنا بعض ما تمينا اسوع😊😁!!؟؟.انا طبعا لمن انتهت من الكلام ووقفت انا ما عرفتة اقول ليها شنو ولا عرفتة اعبر اصلا 😷😵..قلت ليها اول شي كدي بطلي بكا وبعديها نواصل.مسحت دموعها ولسه مافي كلام جه في بالي علشان اقولو ليها.🤕.قالت لي ما بعرف السبب شنو لكن انا لي فترة متضايقة وكنته محتاجه اي زول علشان احكي ليو واتكلم معاهو ده سبب😕 ..والسبب التاني قصدته اوريك كميه الوجع الانا عايشه جواهو..علشان تعرف انو اصلا مافي مساحه لي وجع جديد.😒💔.فاا لو ح تخليك جنبي معناهو توعدني من هسي للنهاية تكون معاي الا لو ربنا ما أراد.دي حاجه تانية👐...لكن بي ارادتك انت ما تمشي.ولو حتقرب لمن اتعود عليك .وتبقي جزء من حاجاتي السمحة وتبقي جزء مني وتبعد.من هسي خليك بعيد✋✋....وانا ما بحدد اي صفة تكون بيها هسي.بي قدر ما مهتمه تكون جنبي. بالصفة البتشوفها انت علي الاقل 🕸😍هسي...قلت شنو😟؟؟ طبعا ما قدرته اعقب علي كلامها بي اي حرف بس بقيت بعاين ليها ولساني غالبو يتحرك ..وبقيت اقول في سري انا ممكن اشيل عنها وحاقدر اخفف واهون عليها مشاكلها وهمومه.وله حاكون حمل زايد علي حمله؟وانت قدر العشم الاتعشمتو فيك ده؟؟وهي من سئلتني بقت تعاين لي وما نزلت عينها مني 🤷♂👀💢 وانا ساكت وغلبني ارد عليها..وبعد جوطه كتيرة مع نفسي وانا اصلا محبط من كلامه وسؤاله السئلتني ليو🤦♂..قررته اقول ليها يا بت😶....
يتبع.....
