استاذنتا منها دقيقه و مشيت الحمام 😏 المهم غسلتة وشي .. و رجعتا عامل فيها بقيت تمام و انا عيوني مدفونات من البكا بفتح فيهم بالرجاله 😂 قعدتا بعد داك وبديت الكلام .. اسمعي يابت انا بي صراحه كدا اسي محتار وما عارف ارد عليكي بي شنو وانتي زاتو ما اديتيني مساحه معاكي اتكلم نضامه خلاص انتي 😒 قعدت تضحك و انتو عااارفاني انا ضعيف مع ضحكته دي اللهم الثبات من عندك 😟 غلبني اواصل طوالي سكته وغيرته الموضوع .. عارف اسمح حاجه فيك شنو ؟ قلت ليها شنو اها ؟ انت زول طيب و ابيض من جوه ومن بره .. ديل ياهن اسمح حاجات فيني 😳 وين ناس عيونك ونخرتك و اضانك وين الغزل المن النوع دا 😒 ضحكنا الاتنين و انا لسسسه بيني و بين نفسي بفكر ارد ليها بي شنو .. قاطعتني طوالي انا بي صراحه محتاجة زول يملاني فرح بعد ما فقدتا طعمو لي زمن ناس عيونك و اضنينك القلتيهم ديل كتااار وراقدين لكن البفتش عنو انا ما شكل خااالص .. عارف يوم الاستاد داك والله انا من عاينتا ليك قلتا الود ده ما طبيعي 😂 و انا كل الدايراهو من الدنيا دي مجنون و يجنني معاهو لاني ما اخدتا شي من العقل غير الوجع .. انا من لمحتك بضحك و لو ساي جيت في بالي بتبسم زي الهبلة من الاخر كدا انت سايكو وانت لازمني اها قلت شنو يااااخ 😠 😂 طيب انا قبل ما ارد عليكي عايز اساليك انتي جاهزة تتحملي العواقب ؟ اي انا جاهزة و متحمله المسؤولية كااااامله كمان بس وافق ياخ و خلينا نبدا صفحه سمحه في نص الظروف الكعبه الكتيييرة دي 😔قلت ليها طيب اسمعيني العصير دا سخن منيك و من قصصيك اطلبي لي غيرو ☹ قالت لي نتكلم جادين😕قلت طيب. يلا جادين كدا بالنسبه لي ردي موافق انا اكون جنبيك في الكعب قبل السمح و عايزيك تكوني علي يقين انو براي ما ببعد و حتي لو ما براي بقاوم و ما ببطل محاولات بالجد كفاية عليكي كدا وربنا يقدرني و ابدل مفاهيم وجعيك دي كلها .. بس شوووفي عشان نكون واضحين انا اخترتا صفه لي نفسي زي ما طلبتي مني... ح نكون اصحاب لي فتره يعني بعداك كان شاء القدر المسمي بيتغير براهو لي اي حاجه تانيه ولو فضلنا علي اصدقاء دي برضو انا الكسبان رايك شنو ؟ ردها علي بسيط ومختصر ( علي بركة الله ) .. و بقينا اصحاب وعرفتها علي اصحابي و اتعرفتا علي صحباته واستمرينا علي الحال دا 8 شهور 😍 يلا الموازين اتبدلت جواي و بقي يومي ما ببدا الا بي مكالمه منها و ما بعمل شي الا ارجع اسأله و نتفاكر بالمختصر كدا... بقت رقم في حياتي صعب اتجاوزو .. وانا شكلي كده والله اعلم زي الحبيته كده😔 بقي قدامي هم واحد كيف افاتحه في الموضوع ده 😂 ومتفقين نتلاقي في نفس اليوم دا وانا بالجد خلاص فاض بي وهي ولا بتتكلم ولا زفت سقيله خلاص مع اني مرات كتيره بحسها قررربت تقول تاني في شي بمنعها 😳 😠 المهم طلعته علشان امشي ليها 🐸 وقبل ما اوصل ضربت لي تلفون انت وين .. انا قريب.. طيب استعجل سريع عشان الكلام ما يبرد 😌 يااا الله يااا رب الفي بالي يكون صاح 😭 وانتا يابتاع الحافله يا وغد ما عندك اولاد صغار مستنين الاكل والشراب ؟ بتمشي زي النملة كدا مالك؟ 😠 وصلتا المحل وخلاص دخلتا و بقيت افتش فيها لحدي ما لمحتها بي الشامة الما بتغباني 😍 😍 سلمتا وقعدتا و انا كلو كلو ما علي بعضي و دايره بس تنجز 😠 المهم طلبنا اكل و بقيت اكل زي الغنماية المربوطه ليها زمن وفكوها في حوش برسيم 😎 متوتر جدا ياخ 😂 وهي يتونس و بتاكل و بتضحك في منظري وانا ما عندي زمن ليو 😂 قومتا ا و جيت اها في شنو احكي .. ياود كدي بسم الله قول روق 😳 اها اكل واكلنا عصير واهندا قدامنا منتظرة شنو نهضم يعني 😏 لا حولا ياود كدي اهدا اها هديت قولي يلا .. طيب انا بي صراحه دايرة استشيرك في موضوع كدا .. يااا فرج الله اخيرا 😍 😂 قالت لي اخوي رسل قروش وقال يشترو قطعة ارض وشويه شويه تتبني و بين نشتري كريز و حافله يوردو في البنك منها مصاريف و منها يقعد في البنك و بالنااتج علي الحا يلمو هو تاني نشتري الارض و نبدا نبني فيها ونرتاح من الاجار دا .. قلت ليها...قولي والله ؟ قالت لي مالك 😳 ...لا بس انتي قولي والله ؟ ياود بسم الله في شنو 😳 بس انتي قولي والله العظيم دا الموضوع 😠 (انا من اتصلت علي وقالت عايزة تقول لي كلام وانا عقلي يودي ويجيب في الموضوع داك ولمن كمان كنت برتب لي علشان اقدر ارد علي كلامه ويطلع بعد التفكير والكلام الجهزتو موضوع كريز 😑😵) 😂 انفزرتا وقلتا ليها اسمعيني هنا ومن الاخر كدا ..
يتبع.....
