الو .. نومته انت ؟ .. لا ما نومتا صاحيي .. طيب لو نعسان او بتعمل في حاجه قولي عشان ما اشغلك .. لا ابدا ما باين ح انوم قريب و ما بعمل في شي لكن انتي لو عاوزة تعملي حاجه وخجلانه عادي .. اوكي طيب انا دايرة اقول ليك كلمتين و بعدها بخليك تاخد راحتك لانو صوتك مرهق عشان تنوم وما اساهر بيك .. اتفضلي😳.. ممكن نتلاقي بكره لو بقي في طريقه يعني ؟ .. بكره صعبه لكن ممكن بعد بكره ( انا خلاني اقول كدا شنو زاتو ما عارف) .. لي بكره عندك شنو ؟ .. محاضرات فل و غير كدا عندنا خالتي جايا بي اولاده بايتين معانا .. ديل جايين بايتين صاح ؟ ..اي بايتين.. يعني لو جيت المغرب بتلقاهم و بتتونس معاهم وجامعه ماف اوكي ؟ ومن الاخر كدا بطل حجج فارغه انا عايزة الاقيك بكره يعني بكره قلت شنو ؟؟ 😠 .. طيب براحه انتي اسي بتكوركي كدا ليه انا سامعيك .. دا صوتي كدا يازول ما عاجبك ؟ ويلا رد علي من فضلك 😒 .. لاااا انتي بالجد ما طبيعيه " اانتي اصلا ما منتظرة ردي بي دليل انيك قررتي براكي وراكبة راس انو بتقولي لي بكره يعني بكره .. اي انا مقررة وما دايرة ردك و الله يقدرك ما تجي اقسم بالله اجيك جنب البيت وما تطلع اخوش ليك جوه البيت ويحصل اليحصل 😠 .. طيب هدي نفسيك ممكن ؟ و انا اسي ما قلتا ما جاي ممكن تروقي عشان نعرف نتفاهم ؟ .. رايقة انا اتفضل اتكلم .. طيب انتي في شنو ؟ في شنو دي ما معناها احكي لي لانو الحا تتكلمي فيو لو كان بنفع معاو تلفون ما كان طلبتي تلاقيني في شنو ماليك الضاغط علي اعصابيك شنو بس دا الشي الداير اعرفو اذا ممكن لانو اول مره تكوركي فيني بالصوره دي اظن من حقي افهم ولا شنو ؟؟ .. عاين انت معاك حق وانا زاتي ماعندي تفسير لي عصبيتي دي بس المتأكدة منو انو انت السبب وبعدين برودك دا معصبني ما تتكلم معاي كدا 😠 .. لا دقيقه المطلوب مني اكورك معاكي يعني و نكورك الاتنين لمن نخت العقده في المنشار مثلا !! ماهو كدا ما بنفع لازم تروقي و تبردي نفسيك علي الاقل لحدي ما اعرف ماليك بس .. عاين انا كوركته فيك خلاص و شكلي دايرة انوم خلاص تصبح علي خير .. اوكي وانت من اهلو .. نعم ؟ وانا من اهلو ولا قلت شنو ؟ .. اي شنو الغلط في العباره دي وله هو شكل و كواريك وخلاص 😠 .. بشرى عاين اخير تختاااني اسي .. جداا اختاكي طوالي وليه لأ... سلام .. ( ساكته ) .. السلام ما دايرة تردي كمان 😳 .. ( ساكته ) .. الو .. الووو .. اي معاك 😒 .. ( هنا انا فهمتا انو ما عايزاني امشي ) طيب ممكن تقومي تشربي مويه وتضربي لي تاني او سوقيني معاكي التلاجه نشرب .. ما قادره اقوم انا خليني وما عطشانة 😞 .. طيب ارح نتكلم بره في الحوش قومي ارح ما تبقي سقيلة😠 .. طيب .. اها طلعتا الحوش ؟ .. طلعتا الشارع عديل خاتي كرسيني وقاعدة اها اتكلم 😒 .. كويس طيب حاسه إنيك احسن ؟ .. انت محسسني مشيت مشوار لشنو 😳 انا طلعتا الشارع بس بالمناسبه 😏 .. .. يلا ماليك احكي .. متضايقة انا ياخ وما قادره اركز و لا قادرة اعمل اي شي و حاسه في حاجه ما تمام فيني مضيقه لي اخلاقي 😥 .. بسم الله الرحمن الرحيم ماليك حاسه بي شنو عليك الله ما تقلقي بي ؟ .. ما عارفه 😞 .. طيب المضايقيك منو ؟ .. ولا زول .. طيب انا مزعليك ؟ ( سكتت ) .. ما تردي انا مزعليك ؟؟ .. انت ما مظبوط معاي تمام و الفيهو انا دا كلو بي سببك انت 😠 .. انا ؟؟😳 ليه انا عملتا شنو كمان ؟ وبعدين انتي سايكو ولا ماليك موش قبل شويه جيتي وجبتي لي هدايا و بتونسي معاي عادي ؟ يعني انا بين مكالمتيك دي والمكالمه بتاعت الهدايا ديك شنو الغلط الكبير الارتكبتو في الزمن البينهم دا وخلاكي تقلبي علي بالمستوي دا ؟ لا ماهو لازم افهم انا ع الاقل اعرف ادافع عن نفسي عملتا شنو رد لي 😠 ما تتكلمي ساكته لي حيرتيني معاكي وانا اصلا ما ناقص حيره والفيني مكفيني قدر ما حاولتا ادس غلبني وبقاتل مع نفسي ما تزيدي علي انتي زاتيك .... سكتت مسافه وفجأءذ قالت ياخ ارحمني الله يرحم والديك ( وقعدت تبكي وبس وانا ساكت ) .. يابت قولي بسم الله ..ما صاح البتعملي فيهو في نفسيك دا ما صاح والله طيب ممكن تبطلي بكا ؟ قالت..طيب برجع ليك .. ولا نص ثانيه ما تقفلي الخط دا الدايره تعملي كلو امشي اعملي وخلي الخط دا فاتح امشي وتعالي او لو عايزاني اسكت شويه بسكت بس ما تقفلي ممكن ؟ .. اوكي ماشا اغسل وشي وبرجع .. طيب جيبي لي معاك مويه اشرب عطشتيني 😌 ختت التلفون في السرير ومشت غسلت وشها وشربت وجات الو .. اي معاك روقتي شويه ؟ .. تمام الحمد و انا عايزه انوم بعد اذنك 😞 .. طيب حاضر بس ممكن تخلي لي الخط فاتح وتنومي ؟ .. انا ما بقدر انوم كدا اقفل .. والله ما بتكلم ولا بتحرك ولا بزعجيك وممكن اعمل كتم للمايك بس عليك الله خلي الخط فاتح واطمني لو شخرتي ما بضحك فيكي 😊 .. طيب تصبح ع خير .. وانتي من اهلو .. ( ختيت سماعاتي نص ساعه ونومته) .. الساعه 9ص تلفوني ضرب رديت الو .. كيفك كويس ؟ .. الحمد لله .. امبارح نومته كويس .. ايوا .. طيب تعبان شويه بس اخليك تنوم شويه ؟ .. لا انا خلاص صحيت وتاني ما بعرف ارجع انوم ما انتي عارفه .. خلاص اخليك تاخد دشك وتظبط امورك و ساعه كدا وبجيك قصاد البيت في الظلط بره .. لشنو 😳 .. انت امبارح موش اتفقت معاي نتلاقي ولا غيرته رايك 😳 .. لا لكن من الصباح كدا 🙊 .. اي عايزين نفطر مع بعض .. قوم اللبس اي شي وانا ساعه كدا وبوصلك تكون جهزته و لو في طريقه اللبس هدوم زي الناس 😒 .. كيف زي الناس 😏 .. عديييل كدا وانت فاهم قصدي وقوم شوف الوراك شنو عشان ما نتكلم في الموضوع دا ونشد مع بعض كفايه التوتر الماشي علينا قوم يلا .. توتر 😳 توتر شنو ماليك دايرة تلاوزي بي 😒 .. قوم ياخ دي شنو النضام دي 😠 .. طيب قومتا😠 .. سلام .. ظبطا حالي واشيل وافكر في روحي قاصده شنو دا وتوتر شنو الله يستر بس 😔 لبستا و طلعتا ( ضربت ) .. انت وين ؟ .. قربتا للظلط .. خلاص يلا في عربيه بيضا واقفه بالجنبه اليمين علي البقاله تعال عليها .. عربيه 😳دي من وين دي قتلتي منو وله سرقتي منو 😂 .. بطل لماضه.. طيب.... وصلتا ( ركبتا و سلمتا عليها و اتحركنا ) ..
يتبع....
