أسير القدر

الفصل الثالث

في الصباح دلف فوزي إلي حجره قدر وجدها مازالت تبكي وعيونها ذابله ويبدو عليها الإرهاق وقله النوم
فوزي: إيه إللي أنت عاملاه ده خلاص إللي راح راح وأحنا لازم نفكر في إللي جاي
قدر:اطلع بره انت داخل هنا ليه
اقترب منها فوزي وحاول وضع يده عليها ولكنها ابتعدت عنه وهي مرعوبه منه ولكنها كانت تخفي خوفها
فوزي:ما تخافيش يا حلوه أنا مش هعمل لك حاجه علي الأقل دلوقت أنا بس عايزك تقومي كده تفوقي وتغسلي وشك وتعملي لنا فطار حلو كده من ايدك
قدر: أنت إيه معندكش دم فطار إيه إللي أعمله اطلع بره وملكش دعوه بيا
قام فوزي بمسكها من شعرها وصرخ بها: اسمعيني بقي يا بت أنت إللي كانت منعاني عنك خلاص راحت وانت لو ما احترمتيش نفسك أنا هقص لك لسانك ده وبرده هاخد إللي أنا عايزه إحنا خلاص مبقاش لينا غير بعض أخلص بس المصلحه دي وهتبقي بتاعتي أنا وبس
كانت قدر تتالم وتحاول فك شعرها من يده: انت قذر واللي بتقوله ده مستحيل وفعلا إللي كانت واقفه بينا ماتت ومش هيمنعني عنك حاجه ولو طلت اقتلك هقتلك يا فوزي حتي لو عدموني بعدها ثم دفعت يده عنها وابتعدت عنه
فوزي بابتسامه سخريه: أحبك وأنت مخربش الصبر جميل نخلص بس من إللي في دماغي وهنشوف كلام مين إللي هيمشي
ثم تركها وانصرف
لم تكن قدر تفهم مقصده ولكنها ظلت تبكي علي حالها
*____________$_______________$_______*
عند سميحه قامت سميحه بالاتصال بحسناء التي تعمل في قصر السوهاجي حيث أنها أخذت رقمها من نوته التليفونات الخاصه بزهره دون أن يراها أحد
سميحه:الو  الست حسناء معايا
حسناء: أيوه أنا مين معايا
سميحه: أنا سميحه اخت زهره
حسناء:اه آمال هي فين وأنت ليه إللي بتكلميني
سميحه:زهره اتوفت من أسبوع
حسناء:البقاء لله
سميحه:زهره وصتني إني أوصل بنتها قدر لعاصم باشا وقالت لي انك هتساعديني
سميحه: أيوه طبعا زهره الله يرحمها غاليه عندي أوي وبنتها قدر مولوده علي ايدي
مديحه:طيب هو عاصم باشا في البيت
حسناء:اه هو فاضل له ساعه وينزل ممكن تلحقيه دلوقت أنا هديكي العنوان
اخذت سميحه العنوان من حسناء واستعدت للخروج
ولكن استوقفها حسن
حسن:ماما أنت رايحه لقدر
مديحه: لأ أنا رايحه مشوار وبعدين هروح لها
حسن:ماما أنا مش مطمن لوجود قدر مع فوزي ده
سميحه:اطمن يا حبيبي أن شاء الله ربنا يوفقني في المشوار ده وأن شاء الله كل شيء هيتحل
حسن: مشوار إيه أنا مش فاهم حاجه
سميحه:لما ارجع هتفهم كل حاجه سلام بقي عشان أنا مستعجله
*______&____________&________________*
في قصر السوهاجي
كان الجميع يجلس علي طاوله الطعام
ثم دلفت إليهم مديره المنزل
ليلي:عاصم باشا
عاصم: أيوه يا ليلي
ليلي:في واحده عايزه تقابل حضرتك بره
عاصم: واحده مين أنا أعرفها
ليلي: مش عارفه بس هي بتقول أنها معرفه قديمه
عاصم:طيب دخليها الصالون وأنا هاجي لها
ليلي:تمام يا باشا
داليا:مين دي
عاصم:مش عارف ثم نهض:كملوا اكلكم وأنا هقوم اشوف مين ثم نظر إلي سليم:تعالي معايا يا سليم
نهض سليم:حاضر يا بابا
انصرف عاصم وسليم
كريم:معقول يا ماما انت قاعده كده ولا همك وسايبه عاصم باشا يقابل واحده بتقول أنها معرفه قديمه مش خايفه تطلع الحب القديم
خالد:لو سمعك سليم هيعلقك
كريم: لا يا عم حرام عليك
ريم: أنا هقوله
كريم: أهون عليكي يا اختي يا حبيبتي
داليا: كريم اسكت مش وقت هزارك ده ثم نظرت إلي عايده:تفتكري ممكن تكون هي
عايده:معتقدش أنها ممكن تيجي هنا
عند عاصم
دلف عاصم وسليم إلي غرفه الصالون فوجد سيده تجلس في انتظاره
عاصم: أهلا وسهلا أنا عاصم السوهاجي
سميحه:حضرتك مش فاكرني
عاصم: أنا آسف مش واخد بالي ممكن تعرفيني علي نفسك
سميحه: أنا سميحه اخت زهره مرات علي الله يرحمه
اختفت ابتسامه عاصم من علي وجهه:بتقولي زهره
سميحه: أيوه
عاصم: خير زهره بعتاكي ليه وافتكرتنا بعد السنين دي كلها ليه إيه افتكرت أنها ماخدتش ورث بنتها وعايزه تاخده
سميحه:هي فعلا زهره إللي قالت لي اجي بس هي خلاص مش عايزه حاجه زهره اتوفت من أسبوع
عاصم بحزن: إيه زهره ماتت
شعر سليم أن والده به شئ أقترب من والده ووضع يده علي كتفه
سليم:بابا أنت كويس
عاصم والدموع في عيونه: آه تمام ثم نظر إلي سميحه:زهره ماتت إزاي
سميحه:الله يرحمها كانت مريضه كانسر
عاصم: وهي قالت لك تيجي لنا عشان تبلغينا بوفاتها
سميحه:زهره قبل ما تموت وصتني إني اجي واسلمك بنت علي
عاصم بدهشة:بنت علي مين
سميحه:بنت علي وزهره
عاصم:بنت علي دي ماتت من ٢٢سنه بعد وفاه علي
سميحه:لا يا عاصم بيه بعد وفاه علي وحضرتك اتهمت زهره أنها السبب في موته وتهديدك لها انك هتاخد البنت منها هي ضحكت عليك وفهمتك أنها ماتت وبعدت عنكم واختفت بس البنت لسه عايشه وبقت عروسه عندها ٢٢سنه والست حسناء عارفه بالحقيقه دي لأن علي الله يرحمه وصاها عليهم قبل ما يموت وكانت علي إتصال بزهره وكتير أوي زهره فكرت أنها تيجي وتصارحك بالحقيقه بس كانت خايفه من رد فعلك عشان اخر مره شفتها اتهمتها أنها السبب في موت علي وانك مش هتسيبها بس دلوقت البنت عايشه مع فوزي جوز زهره والراجل ده مش كويس وأحنا مش قادرين عليه
عاصم: أنا مش مصدق بنت علي لسه عايشه يعني زهره مش بس حرمتني من اخويا كمان حرمتني من الحاجه الوحيده إللي كانت هتعوضني عنه
سميحه:زهره خلاص ماتت وهي عملت كده عشان خافت انك تحرمها من بنتها
عاصم:خلاص الكلام مبقاش يفيد أنا عايز عنوانها
سميحه:حاضر
واعطته سميحه العنوان ثم نظر إلي سليم:روح قول لخالد إني عايزه
سليم:حاضر يا بابا
انصرف سليم ونظر عاصم إلي سميحه:ما قولتليش بنت علي إسمها إيه
سميحه:قدر
شرد عاصم بذاكرته وعاد للخلف
زهره: نفسي أجيب بنت واسميها قدر
عاصم:قدر إسم غريب أول مره اسمعه
زهره:هو إسم جديد عشان تبقي هي قدري المربوط بقدر إللي بحبه
فاق عاصم علي صوت خالد
خالد:خير يا بابا
عاصم:تعالي يا خالد انت وعاصم
سميحه: أنا لازم امشي يا عاصم بيه عشان ما اتاخرش علي الشغل بس خلي بالك يا عاصم بيه فوزي ده راجل قادر ومفتري
ابتسم عاصم:ما تقلقيش يا سميحه إحنا بنعرف نتعامل مع الأشكال دي
سميحه:ياريت تطمني
عاصم: آه طبعاً
انصرفت سميحه
سليم:خير يا بابا
عاصم:هتروحوا العنوان ده تجيبوا بنت عمكم من هناك واللي يعترض طريقكم انتم عارفين هتعملوا إيه
خالد:بنت عمنا مين
عاصم:مش وقته نفذوا إللي قلت لكم عليه وبعد كده هفهمكم
سليم:تحت أمر حضرتك يا بابا
دلفت اليهم داليا
داليا:مين دي يا عاصم
عاصم:يلا يا سليم اتفضلوا انتم
سليم: حاضر يلا بينا يا خالد وانصرف سليم وخالد
داليا:مش هتقولي مين دي يا عاصم
عاصم:دي سميحه اخت زهره
غضبت داليا: إيه زهره زهره مين
عاصم:زهره ايه مش عارفاها
داليا:زهره مرات علي الله يرحمه وايه إللي فكرها بينا وانت إزاي تسمح لها أنها تدخل هنا بعد إللي عملوه زمان
عاصم:زهره ماتت
داليا: وأختها جايه ليه
سرد عاصم لداليا ما قالته له سميحه
*___________&___________&____________*
عند قدر
دلف إليها فوزي
نظرت له قدر: أخرج بره
فوزي: اسمعيني يا حلوه عشان الكلام إللي هقوله لك مش هعيده تاني
قدر:كلام إيه أنا مفيش بيني وبينك كلام
امسكها فوزي من شعرها: لأ فيه وكلام مهم وهتسمعيه أنت خلاص جالك عريس وأنا وافقت عليه
قدر وهي تحاول أن تخلص شعرها من يده:انت بتقول إيه
فوزي: إللي سمعتيه حسين بيه طلبك مني وأنا وافقت وانت كمان هتوافقي
قدر:ده في احلامك
فوزي:لا ده حقيقه هتوافقي وهتتجوزوا عرفي كام شهر وبعد كده كل واحد يروح لحاله وترجعي لي
قدر:انت مجنون أنا مستحيل أوافق
فوزي:لا مش مستحيل وهتنفذي إللي قلت عليه
نزعت قدر يده من شعرها: أنت مش هتقدر تعملي حاجه أنا مش هسكت لك تاني خلاص أنا مبقتش اخاف علي اي حاجه
فوزي:زي ما تحبي بس ابقي اقرأي الفاتحه علي روح حسن ابن خالتك وأن كان علي حسين بيه هياخد سالي بنت خالتك بس من غير جواز هه إيه رأيك
خرج فوزي من غرفتها وخرجت قدر خلفه
نظر لها فوزي: أنا هنزل دلوقت وحسين بيه جاي في الطريق يا إما تمضي علي الورقه وتروحي معاه يا إما هنطلع علي بيت خالتك وانصرف فوزي وترك الباب مفتوح
سقطت قدر علي الأرض وانهارت في البكاء
قدر: أعمل إيه يا رب أنا مش عارفه ثم هتفت: أنا مش هسيبه يبعني أنا هقتله وهقتل حسين ده
*_________&_____________&_________*
عند داليا وعاصم
داليا: وأنت صدقت الكلام ده يا عاصم دي واحده نصابه هي وأختها ولما معرفوش ياخدوا منك حاجه زمان جايه دلوقت تضحك عليك وتستعطفك بعد موت أختها وتجيب لك بنت من الشارع وتقولك أنها بنت اخوك وتستغل حبك لاخوك أنا مكنتش متصوره أنك بالسذاجه دي
نهض عاصم وامسكها من زراعها:الزمي حدودك يا داليا
داليا: أنا أسفه يا عاصم بس أنت عارف الناس دي عملت فينا إيه زمان وأحنا مش عايزين نعيد الماضي تاني
قاطعها عاصم:خلاص يا داليا الموضوع ده ما تدخليش فيه وماتخافيش مفيش حاجه هتتعاد تاني خلاص زهره ماتت
*_______&____________&_____________*
عند خالد وسليم
وصل خالد وسليم إلي العنوان
خالد: مفيش مكان نركن فيه
سليم: خلاص أنا هطلع وانت دور علي مكان ركنه وابقي حصلني هي الشقه في الدور الكام
خالد:الثاني أنت عارف بنت عمنا دي اسمها إيه
سليم:تصور إحنا نسينا نسأل بابا علي إسمها
خالد: آمال هنكلمها إزاي أو هنسال عليها إزاي
سليم:روح أنت اركن العربيه وأنا هتصرف
خالد:ماشي
نزل سليم من السياره وصعد إلي الدور الثاني
اقترب سليم من الشقه وكاد ان يطرق الباب ولكنه وجد الباب مفتوح فدلف إلي الداخل وجد قدر تجلس علي الأرض وتبكي نظر لها سليم فلم يري وجهها حيث ان شعرها كان ينسدل علي وجهها ظل يتأملها فتره ولكنه فاق عندما شعرت به قدر ورفعت رأسها ونظرت له بغضب
قدر: إيه أنت إيه وواقف بتبص علي إيه عايز تعاين البضاعه
اندهش سليم من حديثها وابتسم ابتسامه جانبيه
نهضت قدر واقتربت منه: أنت بتضحك علي إيه اسمعني يا بتاع أنت أنا مش موافقه ومش هروح معاك في اي حته واتفضل اطلع بره
سليم: أنت لسانك طويل ليه كده ايه بتاع دي
قدر:مش عاجبك بتاع طيب اتفضل اطلع بره بدل ما اسمعك إللي يزعلك
اقترب منها سليم وأمسك بزراعها:, أنت بتقولي إيه أنت مجنونه ولا ايه
نفضت يدها من يده وهتفت:اه أنا مجنونه وهوريك الجنان إللي علي أصله
توجهت إلي زهريه موضوعه علي المنضده وامسكتها وقامت بقذفها باتجاه سليم
فزع سليم وابتعد بجسده عن الزهريه
سليم:لا ده انت مجنونه رسمي
قدر:اه مجنونه رسمي وقامت بقذفه بكل ما تطوله يدها وهو يحاول أن بتفادي ما تقذفه به حتي فاض كيله واقترب منها وامسكها من ذراعيها وهي تحاول أن تتملص منه وقامت بعضه في يده
سليم:لا بقي كده مش نافع
فكتف يدها خلف ظهرها وهي تصرخ
قدر:ابعد عني ابعد عني
سليم:اتهدي بقي فرهدتيني وقام بضربها برأسه في رأسها ففقدت الوعي وسقطت بين يده
في هذا الوقت دلف إليه خالد
خالد: إيه ده عملت إيه
سليم:دي طلعت مجنونه
نظر خالد حوله: إيه ده هي الشقه دي حصل فيها إعصار ولا إيه
سليم:دي كانت بتحدفني بكل إللي اديها تطوله
خالد:طب ودي هنفوقها ازاي
وضعها سليم علي الاريكه
سليم:لا نفوقها إيه احنا ناخدها كده ويبقي مالك ابن عمتك يفوقها
قطع حديثهم صوت فوزي
فوزي:انتم مين وجايين هنا ليه ثم نظر إلي قدر الغافيه علي الاريكه:انتم عملتوا إيه
سليم: أنت إللي مين
فوزي: أنا أبوها
نظر له خالد: أبوها إيه دي تبقي بنت عمي علي الله يرحمه
فوزي: أنا جوز أمها وأنا إللي مربيها ثم أشار إلي شخص يقف بجواره تقريباً في نفس عمر فوزي:وده حسين باشا خطيبها
سليم: إيه خطيبها إزاي ده في سن أبوها
فوزي: وأنت مالك هي موافقه
نظر حسين اليهم: هي دي إللي أنت جايبها لي عشان اتجوزها قاعده في الشقه ومعاها رجلين وياعالم عملوا فيها ايه خلوها كده ثم أقترب من فوزي وامسكه من ملابسه:اسمع يا فوزي الجوازه دي ما تلزمنيش والصبح فلوسي تكون عندي وإلا هبلغ النيابه بالوصولات إللي معايا
ثم انصرف
فوزي:حسين باشا استني
امسكه سليم من ملابسه وهتف: أنت كنت عايز تبيعها للراجل ده بالفلوس إللي عليك
فوزي:انتم طلعتوا لي منين اطلعوا بره
سليم: إحنا مش هنمشي إلا وهي معانا
فوزي:ده علي جثتي
سليم:تمام زي ما تحب ثم لكمه سليم في وجهه لكمه جعلته يرتد إلي الخلف ويسقط علي الأرض ثم هجم عليه جاسر وقام بضربه عده مرات حتي لحقه خالد
خالد وهو يحاول ابعاده عنه: خلاص يا سليم هيموت في ايدك
نهض سليم من عليه:لو قربت منها أنا هقتلك
ثم قام بحمل قدر الغائبه عن الوعي وانصرف هو وخالد