أسير القدر

الفصل الخامس

كان الجميع يقف ولا يفهم عن ماذا يتحدثوا ولكن اتسعت عيونهم فجاءه عند سماع دوي صفعه قويه تسقط علي وجه سليم
قدر: أنت قليل الأدب
اشتغل وجه سليم من الغضب وتحولت عيونه كأنها الجحيم واقترب من قدر وامسكها من زراعها:اقسم بالله أنت لو مكنتيش بنت أنا كنت دفنتك مكانك
قدر: نزل ايدك وحاولت أن تبعده عنها
سليم: أنت مجنونه انت بتمدي إيدك عليا
كانت قدر تشعر أنها سوف تفقد الوعي من خوفها من سليم ولكنها كانت متماسكه امامه وتظهر عكس ذلك
قدر:ولو منزلتش ايدك همد ايدي عليك تاني
ضغط سليم علي زراعها وشعر عاصم بان سليم لم يعد يسيطر علي أعصابه فهتف باسمه
عاصم: سليم ابعد عنها
نظر له سليم ووجده ينظر له ويهز رأسه بمعني نعم
زفر سليم بصوت عالي وترك يد قدر
قامت قدر بفرك يدها فهي تؤلمها
عاصم:ممكن تهدوا شويه
قدر: أنا عايزه امشي من هنا
عاصم: أهدي يا حبيبتي أنت ليه مش مصدقه إني عمك عاصم اقولك كلمي خالتك سميحه وهي هتاكد كلامي
قدر:هكلم خالتي إزاي والبيه ده جابني هنا من غير موبايلي
عاصم:خدي موبايلي اهه وكلميها
اخذت قدر الهاتف من عاصم وقامت بالاتصال بسميحه وقامت بفتح مكبر الصوت
سميحه:الو
قدر: أنا قدر يا خالتي
سميحه:انت بتتكلمي  منين يا قدر عمك وصلك
قدر: عمي يعني الكلام ده بجد
سميحه: أيوه يا حبيبتي ده عمك عاصم وزهره الله يرحمها وصتني إني اوصلك ليه هو إللي هيقدر يحميكي من فوزي اسمعيني كويس يا قدر اوعي ترجعي فوزي جه هنا وقلب عليكي الدنيا وقال إن فيه حد جه ضربه واخدك ومشي
قدر:طيب وأنا هشوفكم إزاي
سميحه:احنا هنبقي نيجي لك وأنا مطمنه عليكي مع عمك خدي بالك من نفسك يا حبيبتي
قدر:حاضر يا خالتي وأغلقت قدر الهاتف واعطته لعاصم
عاصم:هه اتاكدتي
هزت قدر رأسها بمعني نعم
عاصم:طيب يا حبيبتي احب اعرفك علي عيلتك
طبعا أنا عمك عاصم ودي عمتك عايده
نظرت لها عايده نظره لم تستطع قدر تفسيرها
عاصم:ودي داليا مرات عمك وتبقي والده كريم وريم وطبعا ده مالك الدكتور إللي لسه مفوقك  ويبقي ابن عمتك وده خالد وده سليم أولادي هما تؤام بس بعد فتره هتقدري تفرقي بينهم بس واضح انك أنت وسليم تعرفوا بعض قبل كده
قدر:لا معرفوش
داليا: آمال إيه موضوع المطعم ده
عاصم:مش وقته دلوقت لو سمحت يا داليا قولي لهم يحضروا اوضه لقدر
داليا:لو سمحت يا عاصم أنا عايزاك في موضوع أنا وعايده
عاصم:تمام
داليا: كريم وريم يلا اتفضلوا علي اوضتكم
انصرف كريم وريم وعاصم وداليا وعايده
نظر سليم إلي خالد ومالك :سيبونا شويه لوحدنا
مالك: إيه يا سليم ناوي علي إيه
نظر له سليم بغضب: سمعت أنا قلت إيه
خالد: يلا يا مالك
انصرف خالد ومالك وظل سليم وقدر بمفردهم
أقترب سليم من قدر ورفع يده ووضعها علي رأسه
ففزعت قدر واخفت وجهها بيدها واغمضت عيونها ظنا منها أنه سوف يقوم بصفعها
امسك سليم يدها وأبعدها عن وجهها: مش بقولك أنك مجنونه أنت فاكره إني هضربك أنا عمري ما بمد ايدي علي بنت أنا معرفش أنت عيشتي فين بس واضح أنك متعوده أن الرجاله عندكم تضرب البنات
قدر:ما بتمدش ايدك علي بنات آمال إيه إللي أنت عملته فيا ده
سليم:أنا ما ضربتكيش أنا بس فصلت عنك الكهربا عشان أنت مجنونه وكان لازم اجيبك هنا لبابا بس احب اقولك انك ممثله فاشله وخالتك برده ممثله فاشله زيك والتمثيلبه إللي انتم عاملينها دي ما دخلتش زمتي بتعريفه
قدر:انت بتقول ايه تمثيليه إيه وتمثيل إيه
امسكها عاصم من يدها:اسمعيني كويس أنا عارف وأنت عارفه انك نصابه وأن عمي علي الله يرحمه كان مريض قلب وبنته كانت مريضه قلب زيه وماتت من اكتر من ٢٠سنه أما بقي أن زهره مرات عمي تموت وانت وخالتك او معرفش تبقي لك إيه تعملوا الخطه دي وتستغلوا حب بابا لعمي الله يرحمه تبقوا بتحلموا وما تعرفونيش كويس فالاحسن ليكي كده من سكات اتفضلي مع السلامه من غير مطرود ومش  في الاخر واحده شمال زيك هتيجي تنصب علينا
قدر: خلصت كلامك
هز رأسه سليم بمعنى نعم
قدر: أنا همشي يا سليم بيه بس احب اقولك حاجه قبل ما امشي أنا معرفش انت بتكرهني ليه او بتكره كل البنات ليه بس واضح انك اخدت علي دماغك من واحده وهي إللي عملت فيك كده معلش مش ذنبك ان إللي كنت بتعرفها طلعت شمال مهو انت مش بتقدر تفرق بين البنت التمام والبنت الشمال بس أنا مش زي البنت الشمال إللي أنت تعرفها
اغمض سليم عينه بقوه وحاول تمالك أعصابه وتحدث ببرود:اطلعي بره
نظرت له قدر من أعلي لاسفل ثم اتجهت نحو الباب وانصرفت
*_________&___________&____________*
عند عاصم وعايده وداليا
داليا: اسمع يا عاصم أنا وعايده مش موافقين أن البنت دي تقعد هنا انا مش فاهمه انت ازاي تصدق بالسهولة دي أنها بنت علي البنت دي نصابه هي وسميحه عايزين ياخدوا ورث علي إللي مقدرتش زهره تطوله
عاصم: أنا قلت لك قبل كده أنا مش عايز كلام في الموضوع ده تاني وأنا متأكد أن البنت دي بنت زهره وعلي
عايده:يا عاصم زهره اتجوزت بعد علي ليه متكونش البنت دي بنتها من جوزها التاني وبعد امها ما ماتت اتفقت هي وخالتها أنهم يعملوا علينا التمثيلية دي عشان هما عارفين أن زهره ما قدرتش تاخد ورث علي مننا
عاصم:بس أنا متأكد أنها بنت علي
داليا: حتي لو كانت بنت علي هي بالنسبه لي بنت زهره وبس وأنا مش هسمح أنها تعيش معانا هنا أنا مش عايزاها تختلط بأولادي دي تربيه حواري ويا عالم زهره دي ربتها إزاي أنت شفت إزاي مدت أيدها علي سليم إللي مفيش حد يقدر يقف قصاده
عاصم: اسمعي يا داليا الكلام إللي هقوله مش هعيده تاني البيت ده بيتي أنا وقدر بنت اخويا علي اظن انك فاهمه كده كويس وقدر مش هتمشي وهتعيش معانا هنا واظن انك برده يا عايده عارفه ان البيت ده بيتي أنا وعلي وأنت اخدتي نصيبك منه من زمان
داليا:كده يا عاصم ماشي يا أنا يا البنت دي في البيت
عاصم: أنا قلت إللي عندي
داليا:تمام وأنا همشي وعايده كمان هتمشي
عاصم:براحتكم بس لو هتمشوا يبقي لوحدكم
داليا:يعني إيه
عاصم:يعني هتمشي لوحدك كريم وريم مش هيمشوا معاكي وأنت يا عايده لو عايزه تمشي برده هتمشي لوحدك مالك مش هيمشي معاكي وده اخر كلام عندي اه ومش عايز أسمع أي حد يغلط في قدر فاهمين
تركهم عاصم وانصرف
*_________&___________&_____________*
عند سليم
كان يجلس ويتردد في ذهنه كلام قدر
واضح انك اخدت علي دماغك من واحده وهي إللي عملت فيك كده معلش مش ذنبك ان إللي كنت بتعرفها طلعت شمال
سليم: فعلا عندها حق هي إللي خلتني أفقد الثقه في كل البنات بس ياتري قدر دي مظلومه ولا إيه طب أنا دافعت عنها مرتين ليه
ثم قطع حديثه مع نفسه دخول عاصم
عاصم: فين قدر
سليم:معرفش
عاصم: ما تعرفش ازاي هي مش كانت هنا
سليم:مشت
عاصم:مشت إزاي
سليم:قالت إنها عايزه تمشي ومشت
عاصم بصوت عالي: وأنت إزاي تسمح لها أنها تمشي
سليم:كنت هعمل لها إيه يعني
عاصم: ماشي يا سليم حسابنا بعدين
ثم هتف عاصم بإسم خالد ومالك
حضر خالد ومالك
عاصم: اطلعوا دوروا علي قدر هي اكيد ما بعدتش عن هنا
خالد:حاضر
خرج خالد ومالك للبحث عن قدر
سأل مالك حارس القصر
مالك:عم منصور ما تعرفش الانسه إللي طلعت من شويه مشت منين
منصور:اه يا دكتور مشت من هنا
ذهب مالك وخالد يبحثوا عنها
وجدها خالد تجلس علي أحدي الكراسي الموجوده في الطريق
جلس خالد بجوارها ووجدها تبكي
خالد:ممكن افهم انت مشيتي ليه
نظرت له قدر نظره دهشه: أنت عندك انفصال في الشخصيه أنا قلت عليك مجنون من أول ما شفتك أنت مش قلت عليا نصابه وطردتني جاي ورايا تقولي مشيت ليه
ابتسم خالد
قدر:شفت مش بقولك مجنون
خالد: أنا مش سليم أنا خالد أنا وهو شبه بعض أوي بس لما تقعدي معانا شويه هتقدري تفرقي بينا
قدر: اسمع يا خالد او سليم اي ما يكون أنا مش عايزه اعرفكم ولا هرجع معاك كفايه لحد كده أنا خلاص عرفت أن ليا عم وأنا هبقي أكلمه واطمن عليه
خالد:طيب هتروحي فين دلوقت أنت ما ينفعش ترجعي لفوزي ده لأن سليم ضربه وأنت سمعتي خالتك بتقولك مفيش غير عمك إللي هيقدر يحميكي منه
قدر: أنا مش هقدر ارجع معاك سليم اهاني اهانه صعبه أوي
خالد: سليم ده طيب جدآ أنت بس ما تعرفيهوش لما تعاشريه وتعرفيه هتصدقيني يلا بقي الليل هيدخل علينا ولو رجعت من غيرك بابا هيعلقني يرضيكي يا بنت عمي
نظرت له قدر: أنت فعلا مش سليم أنت مختلف عنه كتير
أمسك خالد يدها:يلا بينا وأن شاء الله كل شيء هيبقي تمام
مرت الأيام وكانت قدر تركض إلي داخل القصر وهي مفزوعه واصطدمت بخالد فنظرت له وصرخت ثم سقطت علي الأرض فاقده الوعي
ياتري إيه إللي حصل هنعرف في البارت إللي جاي