أسير القدر

الفصل السادس

مرت الأيام وكانت قدر تركض إلي داخل القصر وهي مفزوعه واصطدمت بخالد فنظرت له وصرخت ثم سقطت علي الأرض فاقده الوعي
*________&__________&____________*
قبل ذلك بعده ايام
رجعت قدر مع خالد إلي القصر فوجدت عمها بانتظارها
عاصم:ليه كده يا قدر أنت لسه مش مصدقه إني عمك
نظرت قدر إلي سليم الذي وجدته ينظر لها نظره احتقار
قدر:لا يا عمي مصدقه بس أنا قلت إني مش هينفع أفضل هنا أنا خلاص عرفت أن ليا عم واكيد هبقي اطمنك عليا
عاصم:لا يا قدر أنت مسؤله مني من النهارده أنت الامانه إللي سابها لي علي ولو كانت والدتك عرفتني انك موجوده من زمان مكنتش سيبتك تبعدي عني ابدا يلا اتفضلي معايا عشان تطلعي اوضتك ثم نظر إلي داليا:جهزتوا اوضه يا داليا
داليا وهى تنظر لقدر بسخرية:لا والله ملحقناش هي ممكن تنام في اوضه ليلي وبكره نبقي نوضب لها اوضه
سليم: آه فعلا اوضه ليلي مش هتفرق كتير ده ممكن تكون احسن من البيت إللي جبناها منه
عاصم وهو ينظر لسليم وداليا بغضب:انتم بتقولوا إيه طبعا مستحيل قدر تنام في اوضه الشغاله
نظرت قدر لسليم وداليا:عادي يا عمي أنا ممكن انام في اي مكان وفعلا ممكن تكون اوضه الشغاله احسن من بيتي وده شئ ما يقلش مني
ابتسم سليم ابتسامه سخريه: أنا هطلع اوضتي بعد اذنكم
عاصم: أنت هتنامي مع ريم في اوضتها
ريم: وأنا موافقه أنا كان نفسي من زمان يكون لي اخت او اي حد في البيت إللي كله رجاله ده
داليا:ما ينفعش ريم بتسهر تذاكر طول الليل ومش هتعرف تنام منها
قدر:خلاص يا عمي أنا ممكن اوضب الاوضه بنفسي
داليا:براحتك الاوضه فوق في الدور الثالث ثم هتفت بإسم الخادمه:ليلي
ليلي:افندم يا هانم
داليا:طلعيها الدور الثالث الاوضه اللي جنب السلم
ليلي:تحت أمر حضرتك
عاصم:بلاش الاوضه دي يا داليا
داليا: والله مفيش اوض فاضيه غير دي باقي الاوض مش جاهزين وبعدين دي اوضه كبيره وتليق بقدر بنت علي
عاصم: ماشي يا داليا ثم نظر إلي ليلي
عاصم:وضبي الاوضه يا ليلي عشان قدر هانم هتقعد فيها
داليا:ليلي مش فاضيه
قدر:خلاص يا عمي أنا هوضبها مفيش مشكله
صعدت قدر مع ليلي إلي الطابق الثالث ولم تكن تعلم أن هذا الطابق خاص بسليم حيث انه يمكث فيه بمفرده ولا يسمح لأحد أن يصعد إليه والغرفة التي أخبرتها داليا عنها هي غرفه خاصه جدا بسليم ولا يستطيع احد ان يقترب منها
ليلي:اتفضلي الاوضه اهه وأنا هجيب لحضرتك فرش للسرير والمكنسه وحاجات عشان تنضيف الاوضه
قدر: تمام
دلفت قدر إلي الغرفه ولكنها دهشت منها فأثاث الغرفه راقي جدا والفراش كبير ولكن يبدوا ان احدا لم يدخلها منذ زمن فالأثاث ملئ بالغبار والأرض
أتت ليلي واحضرت لها الأشياء وانصرفت وبدأت قدر بالعمل فقامت بالضرب علي الفراش وعلي الكراسي لاخراج الغبار منها
*____________&___________&___________*
عند سليم
كان يجلس في غرفته شارد بذهنه يفكر في الماضي
Flashback
فتاه: أنا سلمتكم الشنطه خلاص والقضية هتخلص
شخص: والفلوس هتبقي عندك
فتاه: لا إحنا اتفقنا أنكم تبعتوها علي الحساب إللي قلت لكم عليه
شخص: بعد القضيه هيبقي المليون جنيه في حسابك
فتاه:لا مليش فيه أنا عايزه الفلوس قبل القضيه أنا عملت إللي انتم عايزبنه القضيه بقي تخلص او لا مش مشكلتي
Back
تنهد سليم بمرارة ثم خرج من شروده علي صوت قادم من الغرفه المجاوره لغرفته
سليم: وبعدين معاكي يا داليا كام مره أقول لها مفيش حد يطلع هنا برده بتتعمد تستفذني
خرج سليم من غرفته وتوجه إلى الغرفه الأخري حيث ان الجناح يحتوي على غرفتين فقط
فتح سليم الباب بقوه ثم هتف: أنا مش قلت قبل كده مش عايز حد ينضف الاوضه دي
ثم صمت عند ما وجد قدر
سليم: أنت بتعملي إيه هنا
قدر:بوضب الاوضه إللي هقعد فيها ده اذا كان حضرتك معندكش مانع
سليم: اوضه إيه إللي هتقعدي فيها لا طبعاً اتفضلي انزلي تحت ومش عايزك تطلعي هنا تاني
قدر:داليا هانم هي إللي قالت لي علي الاوضه دي وعمي عاصم كمان
سليم: وطبعا دي فكره داليا هانم
قدر:والله معرفش هما قالوا لي اطلع هنا طلعت ولو سمحت اتفضل عشان اخلص شغلي
سليم: بقولك إيه ما تتعبيش نفسك في التنضيف لأنك مش هتقعدي هنا ثم تركها سليم وهبط إلي الأسفل فوجد خالد ومالك يجلسوا
سليم: بابا فين يا خالد
خالد:, في المكتب مالك يا سليم في حاجه حصلت
تركه سليم وتوجه إلي المكتب فوجد داليا وعاصم يجلسون
سليم: ممكن اعرف يا داليا هانم أنت عايزه توصلي لايه
داليا:مش فاهمه قصدك إيه
سليم:مش فاهمه طيب أنا أقولك ليه قولتي للي إسمها قدر دي تطلع الاوضه إللي فوق وتقعد فيها
داليا: لأن مفيش اوض جاهزه في البيت غير دي وباقي الاوض عايزه فرش وعايزه توضيب
سليم: وأنت مالقتيش غير الاوضه دي في القصر كله
داليا: والله أنا قلت ان مفيش اوض جاهزه وأنها تنام مع ليلي كام ليله علي أما نوضب اوضه ونجهزها والدك إللي رفض
سليم: أيوه طبعا أرفض واظن أنا قلت قبل كده ان ده بيت قدر ثم نظر إلي سليم:معلش يا سليم كام يوم بس وأحنا هنوضب لها اوضه تانيه ومش عايزك تقول علي قدر تاني إللي إسمها
سليم بامتعاض: ماشي يا بابا مش هقول كده علي قدر هانم
ثم تركهم وانصرف
هتف خالد باسمه: سليم سليم
لم يرد سليم أو يلتفت له ثم صعد إلي الاعلي وتوجه إلي غرفت قدر
مالك:هو سليم ماله
خالد:مش عارف
عند سليم
فتح سليم الباب بقوه
فزعت قدر:هو أنت ما اتعلمتش تستأذن قبل ما تدخل
سليم: اسمعي يا حلوه أنت هتقعدي هنا بس للأسف هتقعدي غصب عني
قدر: أنت بتكرهني ليه
سليم: أنا مش بكرهك لأني اصلا مش شايفك ولا وجودك ليه لازمه عندي
قدر:,والله الشعور متبادل
سليم: طيب تمام بما أن الشعور متبادل فأنا مش عايز أشوفك ولا اسمع صوتك هنا في الدور ده وعلي فكره وجودك هنا مش هيطول وهتمشي مش من الجناح بس لا من القصر كله
قدر بتحدي:ده في أحلامك يا سليم بيه أنا هنا قاعده مع عمي وعلي ما أذكر أن البيت ده بيت أبويا وعمي يعني بيتي وليا فيه اكتر منك
سليم: أما نشوف كلام مين إللي هيمشي ثم تركها وانصرف
قدر وهي تحاول تقليده: مش عايز أشوف وشك ولا أسمع صوتك لا دا انا إللي هموت واشوفك دا أنت البعد عنك غنيمه
*________&_________&___________*
في منزل سميحه
حسن: أنت بتتكلمي جد يا ماما
سميحه:ايوه يا حبيبي خلاص اطمن علي قدر وفوزي ده مش هيقدر يعمل لها اي حاجه اصل عاصم باشا ده كان ظابط كبير اوي زمان وعنده شركه حراسه يعني عنده حرس كتير وكمان عنده نفوذ كبير اوي
حسن:طمنتيني يا ماما الحمدلله بس لما نحب نشوف قدر هنعمل ايه
سميحه: أنا هبقي أروح لها واديها التليفون بتاعها ونبقي نكلمها ونروح نزورها كمان
مضت الليله واتي الصباح
*________&____________&__________*
في منزل عاصم كان الجميع يجلس علي مائده الإفطار ولكن لم تنزل قدر
عاصم: آمال قدر فين
داليا:تلاقيها لسه نايمه
عاصم:طبعا تلاقيها تعبت من توضيب الاوضه
داليا:هي إللي طلبت محدش غصبها وبعدين يعني ما اعتقدتش أن كان فيه خدامين بيخدموها في الحاره إللي كانت عايشه فيها
عاصم:داليا التزمي حدودك أنا قلت مش عايز اسمع اي حد بيغلط في قدر
زفرت داليا: آسفين يا عاصم باشا ليك ولقدر هانم
هتف عاصم علي ليلي:ليلي
ليلي:تحت أمرك يا باشا
عاصم: اطلعي قولي لقدر هانم أن الفطار جاهز
ليلي: حاضر يا باشا
صعدت ليلي ثم هبطت بمفردها
ليلي: قدر هانم بتعتزر أنها مش هقدر تنزل
عاصم:ليه
ليلي: لأنها محرجه عشان يعني لبسها إللي لابساه هو إللي كانت بنتضف بيه الاوضه ونامت بيه
نظرت داليا نظره اشمئزاز
داليا: معلش مش مشكله ايديها لبس من عندك يا ليلي
عاصم:روحي أنت يا ليلي ثم نظر إلي داليا: وبعدين يا داليا
داليا: إيه أنا قصدي أنها جسمها زي جسم ليلي واكيد هتلاقي هدومها مقاسها
عاصم:ممكن تطلعي من موضوع قدر ده خالص ثم نظر إلي ريم:لو سمحت يا ريم هاتي اي طقم جديد من عندك وطلعيه لقدر وقولي لها ان عمك عاصم إللي باعته ليكي
ريم: حاضر يا بابا أنا عندي كام طقم لسه مش اتلبسوا
صعدت ريم واعطت الملابس لقدر وهبطت قدر ونظر لها الجميع بإعجاب حتي سليم للحظه نظر لها وتاه في جمالها ولكنه تدارك نفسه
سليم: بعد اذنكم أنا رايح الشركه
بعد قليل انصرف الجميع إلي عمله وظلت قدر وحيده تشعر بالملل ثم توجهت إلي المطبخ
قدر للعاملين في المطبخ:اقدر اساعدكم
ليلي:العفو يا قدر هانم
قدر: بلاش هانم دي علي فكره أنا شاطره جدا في المطبخ وبعرف اعمل اكل حلو اوي
ظلت قدر تعمل في المطبخ لوقت طويل
ليلي:كفايه كده يا قدر عشان ما تتعبيش نفسك وعاصم بيه لو عرف هيزعل
قدر:طيب أنا هطلع الجنينه شويه
كانت قدر تجلس علي الارض في الحديقه حتي شعرت فجاءه بيد تضع علي فمها ويوقفها وياخذها الي خلف القصر حيث يوجد اسطبل خيل
كانت قدر تحاول أن تخلص نفسها من يده ثم رفع يده من عليها ونظرت له وفزعت عندما وجدته فوزي كادت تصرخ ولكنه وضع يده علي فمها
فوزي وهو يهددها بالسلاح: أهدي كده يا حلوه عشان ما تضريش نفسك
ثم رفع يده من علي فمها
قدر: أنت عايز مني ايه
فوزي: اوعي تكوني فاكره أنك لما تيجي هنا مش هعرف اوصلك لا دا انت بتحلمي
قدر: امشي بدل ما اصوت والم عليك كل إللي في القصر
فوزي: اسمعيني كويس أنا همشي بس أنت هتجيبي من عمك نص مليون جنيه
هنا وصل سليم إلي الإسطبل حيث ان هذا الإسطبل خاص به ولا يقترب منه غيره
وقف سليم يستمع لحوارهم دون أن يشعروا به
قدر: إيه نص مليون جنيه ازاي هجيبهم
فوزي:ماليش فيه لازم تعوضيني عن الجوازه إللي باظت
قدر: أنا مش هعرف اجيب المبلغ ده كله
فوزي مهو يا إما المبلغ يا إما أنت عارفه
ثم تركها وانصرف
جلست قدر علي الأرض تبكي حتي سمعت صوت سليم:الرخيصه هتفضل طول عمرها رخيصه
قدر بفزع: إيه أنت بتقول ايه
سليم:مقدرتيش تبعدي عنه ليله واحده راجعه تتفقي معاه انك تديله فلوس طبعا عشان تعوضي الجوازه إللي باظت
قدر:لا أنت فاهم غلط
سليم: للأسف أنا فاهم صح أنت حسيتي ان لعبتك هتتكشف قولتي تقلبي قرشين مننا وتخلعي بس أنا بطمنك مش هتقدري توصلي لأي حاجه أنا توقعت اي حاجه منك الا أنك تكوني بالرخص ده
قامت قدر برفع يدها لمحاوله صفع سليم ولكنه امسك يدها:لا بقولك إيه مش عشان قلت لك مش بمد ايدي علي بنات هتتجنني تاني أنا ممكن في لحظه انسي كل حاجه واندمك علي اليوم إللي رفعتي ايدك عليا فيه ثم هتف بصوت عالي: أنت فاهمه
نزعت قدر يدها من يده: أنت ما تقدرش تعمل معايا اي حاجه وأنا مش هسكت لك تاني وأنا مش رخيصه أنت إللي
قاطعها سليم بمسك زراعها:اخرسي
دفعته قدر فسقط علي الأرض واصطدم بالحائط وركضت قدر إلي الداخل فزعا من سليم ولكنها اصطدمت بخالد فظنت انه سليم فصرخت ثم سقطت فاقده الوعي بين يدي خالد