العميل صهيوني والجاسوسة المغربية (1)

البارت 21

البارت 21 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚

اصبحنا و اصبح الملك الله 
كانت ناااعسة غارقة فحلم زوين جميل مابغاتش تفيق منو و تتصدم بالواقع لي ماكاينينش فيه اعز ناس ليها مي هادشي ماطالش بزاف ما هي الا لحظات حتى تخوا عليها سطل مثلج ديال الما ماعرفات باش تبلات ناضت قافزة كلها فازكة تعصباااات
جاد : صباح الخير ياكما نجيب لك الفطور لهنا؟!
ريماس : اليووم غانقتلك الحقيير .. مشات كاتزرب لعندو و موجدة قبضتها كايعصبها ماكاتحملش فيه شعرة يلاه بغات ضربو و هو يلوي لها يديها لور و زدحها مع الحيط حتى حسات بحنكها تبنج بقات كاتغوت و كاتحاول تتفك من يديه لي شدو لها يديها كي لقاط و كل شوية كايزيد يزير لها على يديها لي ملويها بحالا ناوي يهرسها نيييت
جاد : البارح فكوك من يدي اليوم غانشوفو شكون غايفكك ، دوي يا الحثالة انا جاد المريسي تهز عليا برهوشة ديال الخلا يديها؟؟؟؟؟ تربية لي ماتربيتيهاش انا غانربيك و نعلمك تهزي يديك على سيادك هاد اليد لي تهزات عليا اليوم نهرسها لدينمك .. بقا كايزير لها على يديها و هي كاتنطر ليه باغا ضربو و لكن ماعرفاتش كي دير ماعرفات مادير هو موراها كاتحاول ضربو برجليها من اللور تا حاجة مانفعات بقات كاتغوت على حر جهدها يديها كاتحس بيها غادي تتقلع من بلاصتها
جاد : زييدي غوتي مزااال ما سمعك حد
ريماس : طلق منييييي الحماااااااار غانندمك طلااااااااااااق
جهاد : ( بحدة ) جااااااااد طلق من البنننننت 
جاد : ماتدخلش خليييك بعيد .. مشا كايجري عندو جهاد جرو بعنف من كتفو
جهاد : ( بالغوات ) اخررر مرة تحط عليها يديك سمعتيييني؟؟؟ 
جاد : ( بإبتسامة استهزاء ) كادافع على برهوشة ههه صحبة زيينة هادي معاك
جهاد : واش طار لك العقل؟؟؟ شوف كي رجعتي لها حالتها و كون هرستيها اش كنا غانقولو لسي مصطفى ها؟؟؟؟؟؟ اش كنا غانقولو لسي رااضي لي وصانا عليها؟؟؟؟ 
جاد : ( بعصبية ) ماكايهمنيييش انا ماغاديش نضصر عليا البرااهش باش سيدك مصطفى يكون راضي .. فهاد لحظة لي كانو كايتغاوتو غفلاتهم ريماس و مشات هزات مقص مااضي و مشات كاتجري لجهة جاد ناوية تغرسو فيه حتى لمحها جهاد 
ريماس : ( غادا كاتجري ) غااااااااا نقتلك ا شمااتة اليووم نتهنا منك .. كون ماشدها جهاد كون غرساتو ليه فضهرو 
ريماس : طلللق مني وا ماتبقااااوش تشدوووني عليه باغي يحكرر علياااا شافني بنت و قال يترجل عليااا طلق مني ا جهاد طلللللق .. حيد لها المقص من يديها بصعووبة
جاد : طلقها طلقها نشوف اش غادير
ريماس : طااال زمان ولا قصار غانفيدهم فيك وحدة وحدة
جهاد : ( بالغوات ) سكتووووونا واش ماغانساليوش حنا من هاد المخاصمات عندكم الورث و دايرين عليه هاد الحالة؟؟؟؟؟؟؟
ريماس : صااااحبك قوليه يعطيني تيساع يبعد مني مايعااودش يوريني كمارتو
جاد : المقر ديال باك هادا؟ ولا مكتوب فسميتك؟ غاتشوفيني يوميييا بزز عليك 
جهاد : ريماس صافي ماوقع والو انا غانتفاهم معاه سبقيني لساحة تدريب .. هزات الحوايج ديال تدريب و خارجة كاتحلف فيه 
جهاد : ( بجدية ) جاد كانظن بلاش ماتبقا هنا تدريبها انا لي غانتكلف بيه ماناقصنا صدااع راس
جاد : هادي راه بلاصتها طبيب الحماااق ماشفتيهاش كي كاتجنن بوحدها؟؟؟ و تدريبها انا لي غانتكلف بيه سيدك مصطفى ماقالكش دربها على 2 مرات ( بحدة ) داكشي لاش خوييو سوقي و خليوني بيني و بينها و حتى حد مايتدخل 
جهاد : جااد ريماس ماشي حمقة البنت بااااقي مأثرة عليها صدمة
جاد : و انا مالي؟؟؟ خدمتي غانديرها و نشوفها دارت هاه ولا هاه حسابي غايكون معاه عسير
جهاد : حاول عليها و لو غير من الجانب الانساني
جاد : قلت لك ماتتدخلش و خليني معاك مزيان ، خرج يقلب عليها و خلا جهاد تما
......
اما عند ريماس مشات بدلات حوايجها فطواليط و مشات للمطعم لي تم قادات لراسها كاس ديال القهوة و مشات جلسات فكرسي جبدات الباكية ديال الكارو و بريكة شعلاتو و بدات تكمي و دماغها كايفصل تفكيرها تبدل بزااف لدرجة ولات كاتحقد بزااااف فين البنت لي كانت واخا كاتحقد كاتنسا سالات كاروها و خرجات للساحة تدريب لقاتو تم
جاد : على السلامة ا لالة كون زدتي تعطلتي شوية حسن
ريماس : الله يسلمك 
جاد : لا لا مزيااان تبارك الله و كاتزيدي تجاوبي
ريماس : بغيتيني نسكت مثلا؟
جاد : ها حنا غانشوفو واش هاد حلان الفم ديالك غاينفعك هبطي على واحد 100 طراكسيون و يا وييلك ماتكمليهاش .. بغات تتراد معاه فالهضرة مي هادشي ماغاينفعش حيت تدريبو مهم ليها تنهدات و هبطات كايحسب لها حد 20 و كايعاود يبدا فالعشرين ثانية بقاو على داك الحال حتى وصلات ل 60 بصعوبة بالغة 
جاد : ( بالغوات ) ماتحبسيييش .. كملات 20 خرا و هي كاتقطر بالعرق 
ريماس : ( بضحكة استهزاء ) بغيتي تحطمني خساارة ماصدقاتش لك هاد المرة بقات 20 و نسالي بلا ماتعدب راسك و تحسبهم انا غانحسبهم بلاصتك
جاد : ( بإبتسامة جانبية ) و شكون قالك باقا 20؟ واقيلا ماعندكش مع الحساب نبغي نبشرك باقا لك 40 
ريماس : كيييفاش اش كاتخربق نتا؟؟؟؟؟ باغي تتفلا عليا
جاد : مسالي باش نتفلا عليك؟ هبطي كملي 40 الا مابغيتيهمش يضوبلو .. هبطات و هي ساخطة ماكملات 20 غير بستة و ستين كشيفة مابقاتش قادة كتر مي خاصها تزيد 20 على الاقل غير تحطم ليه ديك نظرة لي داير ، بغات تكمل ديك ل20 يلاه هبطات باش تعاود طلع حتى حسات بشي ثقل على ظهرها مامخليهاش تطلع ... يتبع