العميل صهيوني والجاسوسة المغربية (1)

البارت 45

البارت 45 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚

من مور ما قاليه أبراهام شنو عرف زادت تأكدات شكوكو 
#Flach_back
أبراهام : ميستر أرسلان الجاسوسة لي سيفطوها لينا دوك رباعة المكلخين باقي لحد الأن الشك واش ماتت حيت البارح وصلاتني خبار خرا من مور مادرنا لازم باش تبقا تجينا خبارهم
أرسلان : كانسمع؟!
أبراهام : ديك العاهرة لي ماتت ماشي هي الجاسوسة 
أرسلان : كاتلعب معايا دابا؟!
ابراهام : ( بتوتر ) لا حاشا ا سيدي ولكن راه تلاعبو بينا و دارو لينا تمويه
مالك : الجاسوسة الحقيقية وصلونا جوج خبارات عليها اول خبار وصلنا بلي قتلوها فاش عرفونا كانقلبو و الخبر ثاني بلي فعلا سيفطوها 
أرسلان : ( دار إبتسامة خبث ) 
ابراهام : غادي نعاود نهبط للمغرب و نتأكد بنفسي 
أرسلان : ( كايدور الفردي فيديه ) عارف لا تعاود هادشي اش غايوقع؟!
ابراهام : ( كايبلع ريقو ) عارف ا سيدي 

#عودة_من الفلاش_باك

كان جالس فبلاصتو المعتادة فسطح المقر داير رجل على رجل و فجنبو مالك .. مراقب تداريب و تصرفات الجميع من هاد البلاصة شافها اول مرة فاش جات .. بانت ليه ريماس و اسوار عاد جايين كان سابقها و هي موراه دايرا كاسكيطتها ... قادر يقتلها بدون مايرمش ليه جفن غاتقولو علاش مزال صابر عليها؟ حيت بكل بساطة ماشي المغرب هو دولة الوحيدة لي عندو عداوة معاه كاين دول اخرى و هو واخا ملهي مع المغرب الا و ان تركيزو على الأعداء لاخرين باقي هو هو ولا قتلها ماغاديش يعرف من اينا جهة هي .. هو ماشي غير عندو شك و انما متأكد هي جاسوسة ولكن شكون سيفطها؟ خاصو يعرف و ماشي صعيب عليه
اسوار : ( مخنزر ) طلقينا خلاص ماعنديش غير نتي .. وصلو لحدا المجموعة لي غادي يدربها مشات تخشات بيناتهم بأمر منو شنو زعما غير كتفها مضروب غادي يزكلوها؟ تدريب هو تدريب و هادا ماشي كأي تدريب و خصوصا عند اسوار معرووف قاسي فتدريباتو و ماكايرحمش 
اسوار : تهزو عندكم 15 دورة على ساحة .. فاش نقولكم دورات راه ماشي دورات صغار هادو دايرين اضعاف دورات لي فالمقر فالمغرب ، عاودات هزات عينيها ضوراتها على ساحة لا مافيهاش هادا ناوي يقتلها مشات كاتجري مع دراري لاخرين و اسوار سابقهم كايجري و هو ضاير لعندهم باش يشوف شكون لي كايتفلا ضربو 5 ديال دورات بداو كايلهتو و العرق كايستقطر منهم و هو مراقبهم واحد واحد زادو 5 ديال دورات بداو كايلواو واحد من مور واحد ماكايفيقهم غير تقرفيد ديال اسوار ، ريماس واخا هكاك باقا شادة راسها حالفة ماتستسلم و هادشي كايرجع لطبعها معروفة من صغر ماكاتستسلمش مرة كايقولهم فيتاس مرة كايقولهم يجريو بشوية باش مايعياوش دغيا بقاو 2 دورات كايبان لك بنادم كايجري بحال زومبي كل واحد كايتلاوح على لاخر ريماس تقطع لها نفس كاتحس بقلبها غايسكت ماقدراتش تزيد كتر بدات كاتقلل السرعة ماحسات حتى نزل عليها بضربة للقرفادة زعزعها من بلاصتها
اسوار : ( بالغوات ) يلاه يلاه طلقينا 
ريماس : ( كاتلهت ) صافي عييت مابقيتش قادرة 
اسوار : ( مخنزر ) فاش غايكون العدو تابعك و نتي هاربة بلا سلاح ديك ساعة قولي ليه لا تسنا نرتاح عاد نكملو ( بصراخ ) طلقييييينا ... تفزعات و كملات الجري و هو موراها غير كاتبغي تتقل رجليها كايدفعها .. سالاو 15 دورة كلشي تجبد لك فساحة كي سردين حتى قفزهم صوتو
اسوار : ( بالغوات ) تهزووو عليا من هنا ماجايبينكمش تنعسو ... كلشي ناض قاد الوقفة كاتبان ريماس وسطهم بحال داك الجندي لي كايكون قليول و ضعيف و خصوصا ان المجموعة لي جات فيها مافيهاش البنات 
اسوار : تبعوني ... ( مشاو موراه حتى وقف قدام واحد الحيط عااااالي و عرييض خارجين منو حجيرات بدا كايشرح لهم ) كل مرة غادي يتسلقو 20 عندكم 3 دقايق و يا ويييل لخراني لي غايبقا متوخر فيكم العقاب كايتسناه مفهوووووم؟؟؟
الكل : وييي مون شااااف ... مشات ال20 اللولة بقاو 2 ماوصلوش للفوق فالوقت عزلهم بوحدهم تا يدوز لهم .. بقاو غاديين على هاد الحال كل مرة كايدوزو 20 و كايبقاو شي وحدين منهم موخرين ... يتبع