اعتذار ميت(انين عاشق )

الفصل الثاني

غدر الزمن ولا الأحباب المهم انغدر بي سواء من زمن غير زماني او احباب فاتوني وباعوني حزني ملى الدنيا ودموعى هي فيضان في حياتي لا أتذكر أيام فرحى لأنها شبه معدومة ولكن للحزن عندى كتب وعناوين وكل عنوان ليه صاحب كان عندى حبيب ولكن أصبح جانى وفي كل حكاية كنت انا المجني عليه انجرحت من كل علاقات الحياة وأصبح الظلام هو سيد حياتي يازمن مش زماني ويااحباب نسوا ايامي جرحتوني وانا من كتر الجراح أعلنت انهزامي اتمني لو انهزامي يكفيكم بس واضح انكم في انتظار وفاتي يارب حقق أمانيهم وابعدني عن دنياهم وخذني لدنياك الحق فيها هو اللي سايد وابعدني عن دنيا الباطل اخذت فيها جرح وأسى ولا شوفت يوم فرح في حياتي وذنب إيه يا ربي إن طبعي للغدر كاره واحب اشوف الفرح في عيون أحبابي وانسى الفرح في حياتي حبيتهم وهم لآهاتي عنوان ولدمارى أساس

(ذهب ريان وجرحه فى القلب ساكن ولكن وصف شمس له بالضعف خلق له هدف يقاتل من أجله اما شمس فكانت تدرك بداخلها ماتفعل لتجعل ريان يتخطى محنته ونجحت في ذلك ولكن ماذا عن الآلام المميتة بداخلها جلست شمس تتذكر ماضيها)

فلاش باك

بعد مرور يومين من الحادثة

نور :كفاية بقي ياشمس خيلتيني اقعدى بقى

شمس: انا غبية ازاى النمرة متبقاش معايا

نور بسخرية :هو كان معاه موبايل ده استلف موبايلك

شمس بفرحة :برافو عليكي فكرتيني

نور في بالها اتجنت رسمي ياعيني

نور :أي خدمة

شمس :أنا إزاي نسيت انه كلم صاحبه من عندى انا هكلم صاحبه وأسأل عليه

نور: فكرة حلوة بس هتقوليله ايه يااختي

شمس :هتشوفي

التقطت شمس هاتفها وبحثت حتى وجدت الرقم المنشود و اتصلت به

هيثم: الو

شمس :الو

هيثم :مين معايا

شمس :انا شمس الاجهورى صاحبة الحادثة مع ريان من يومين

هيثم :اها افتكرتك ريان حكالي عنك

شمس :بجد قالك ايه ها

هيثم😅 :فهمتيني غلط هو قالي على الحادثة

شمس بخجل من الموقف😊🙈:انا كمان قصدي كده علي فكرة

هيثم :طيب تمام في حاجة اقدر اساعدك

شمس: هو ريان عامل ايه دلوقتي

هيثم :الحمد لله احسن من الأول

شمس: طيب انا كنت عايزة اكلمه اطمن عليه

هيثم :انا اسف بس ريان مسافر ومش عارف هيجي امتى