اعتذار ميت(انين عاشق )

الفصل الرابع

في فيلا مراد العمراوي
فى قاعة الطعام

كانت مروة بجانب ريان علي مائدة الطعام واروى بجانب مراد يتناولون طعامهم في صمت

ليقطع مراد الصمت قائلا :جهزى نفسك بكرة يامروة عشان قراية فتحتك

مروة بضيق :لأ يابابا انا مش موافقة

أروى بلئم :ليه كده يامرمر ده خالد بيحبك وهيحافظ عليكي

مروة بغيظ: قصدك بيحب فلوسى

مراد بحدة :بعدين معاكي يابنت احترمي نفسك

مروة :يابابا حرام عليك كده

ثم نظرت إلى ريان نظرة رجاء

مراد :حُرمت عليكي عشتك كلامي واضح وانتهي الموضوع

ريان بكل هدوء :مروة حبيبتي خلصي فطار وأجهزى عشان هننزل يومين اسكندرية نغير جو

مروة بفرحة: حاضر ياريان أنا خلصت أكل ثواني هلبس وأحضر الشنط

مراد بغضب :انت اتجننت عايز تغور غور انت مروة مش هتروح في مكان بكرة قراية فتحتها على خالد

توقفت مروة بحزن مكانها

ريان: ايه ياحبيبتي وقفتي ليه كده يالا روحي وأجهزى

مراد انتصب بوقفته مكانه وصاح بريان: انت بتتحداني ياكلب

ريان وقف غاضب :اوعك تغلط تاني فيا ومروة مش هتجوز من نصاب وانا المسئول عن اختي وانا اللي بقولك مش هكرر كلامي تاني وبلاش تجبرنى انسى انت مين يامراد باشا عشان هتبقى انت الخسران

أروى بخبث :اهدى ياريان خالد بيحب مروة ولا انت غيران عشان حبيبة القلب باعتك

ريان بصوت عالى غاضب: انتي بالذات ماسمعش صوتك بدل مااخرسك طول العمر

أروى بدموع التماسيح تاركة مائدة الطعام قائلة: دى مش عيشة اه يا ربي عملت ايه عشان يتعمل كده فيا

مراد ذهب خلف أروى ليهدئها قائلا ...حسابك تقل ياريان اصبر عليا

ريان صعد لغرفته لتحضير شنطته وصورة شمس في أعماقه

(ولكنى سأهمس لكي مع كل نبضة من قلبي وسأقول أعشقكي مع كل نفس يخرج منى وسأردد بإني مدمن لعشقكي كلما اقتربت منكى أكثر فإني عاشق لحبيب يهوى عذابى)

فلاش باك

ريان :شمس لازم نتكلم مع بعض

شمس :بس انا مش عايزة اعرف حاجة عن الماضى

ريان: عرفتي إزاي اني هكلمك على الماضي

شمس :عيونك بتتكلم قبل منك علي طول وده اللي شدني ليك من اول مرة اشوفك

ريان بذهول: أول مرة!طب شفتي ايه وقتها

شمس :شفت جرح ووجع مش عادى وخصوصا لما صرخت في المستشفي بخاينة وقتها عرفت انك مجروح في اطهر العلاقات