اعتذار ميت(انين عاشق )

الفصل السابع

انتهي الفلاش باك

كانت شمس تستمع بوجع وحزن هى تعلم أن ما يحدث عنها هى صديقتها وأنها لاتزال على قيد الحياة ولكن غموض ما حدث يجعل الصمت حليف الموقف

جاسر: شمس انت ساكته ليه انت في حاجه تعرفيها

شمس بتوتر : مش عارفه بس بكره الايام هتبين

جاسر: انا مش فاهم حاجه منك انت لازم تفهميني ايه اللي انت تعرفيه

شمس: صدقني كل حاجه تعرفها في وقتها بس لازم في حاجات اتاكد منها الاول و وقتها هتلاقيني انا اللي جايه وبحكيلك

جاسر: مش عارف بس من ساعة ما تعرفت عليكى اول مره وانا حاسس ان في حاجه غلط حاسس ان انا سمعت صوتك قبل كده حاسس اني اعرفك في حاجات غلط بتحصل ولازم افهم في ايه

شمس: اوعدك بكره هجاوبك على كل اسئلتك، تحب دلوقتى نروح على المكتب

جاسر: لا في ميعاد مع الدكتور لازم نروح عشان شوكت بيه هيعمل مشاكل لو ما مروحتش

شمس: انت ليه مش عايز تعمل العمليه

جاسر: تعرفي وقتها انا الوحيد اللي فرحت اني اتعميت لان فعلا الدنيا من غير نور مش عايز اشوفها هي فعلا كانت نوري ما تعرفيش انا باحبها ازاي تمنيت وقتها انى كنت مُت معها كنت بعشقها بس انا على طول حظى وحش حتى امي ما شفتهاش ولما اجي اسال شوكت بيه عنها بيتنرفز قوي مش عارف ليه حكايتي معقدة اوى وكبيرة

شمس: تعرف ان انت مش شبهه ، هو بحس انه قاسي بس انت انسان طيب محترم

جاسر: ممكن اعرف بقي انت ايه حكايتك وايه اللي خلاكي تقعي في طريق شوكت بيه

شمس: صدقني هاحكي لك كل حاجه بس في حاجات الاول لازم اتاكد منها يلا بينا عشان ما نتأخرش

جاسر: هستناكى يا شمس هستناكى تيجي تحكي لي وصدقيني لو في حاجه اقدر اساعدك هاساعدك

( رحلت شمس مع جاسر الى الدكتور وانتهي يومها القصير وذهبت الى منزلها مبكرا وكان في داخلها شعور بصدق جاسر وفجاه قطع شرودها هاتف من صديقها انس)

شمس: انس ازيك عامل ايه كنت لسه هاكلمك

انس: ايه يا بنتي فينك اختفيتي مره واحده يعني

شمس: انت عارف كل حاجه وعارف ايه اللي بيحصل معي غصبا عني نور عامله ايه

انس بضيق: تعبت معها شمس حاولت اقرب منها بس كانت كل مره بتصدنى بتقول لي احنا صحاب انت زي اخويا ، ومش عايزه تحس بيا مش عارف اعمل ايه

شمس: انا هاتكلم معها دلوقت واشوف الدنيا معها ايه وهاكلمك بس اوعدني انك تنفذ كل اللي هقوله لك ومش هتضغط عليها

انس بشك: انت في حاجه تعرفيها مخبيها

شمس بتوتر: لا ابدا بس مجرد شعور هاشوف نور هتقول ايه وهرد عليك ، سلام