جاسر بغضب :ليه مقولتيش الكلام ده ليا وقتها
نور بعيون دامعة :كنت بحسبه بيختبر حبى .
جاسر بضحكة سخرية :يختبر حبك مين شوكت بيه انتي متعرفيش حاجة
نور: مكنتش اعرف انه هيحاول يموتنا بالطريقة دي
جاسر: لحظة واحدة بتقولي ايه يحاول يموتنا
نور: اكيد هو اللي عمل كده
جاسر :مش للدرجة دى يانور هيقتلني انا
نور: انا بخمن معرفش بس فى حاجات كتيرة مش مفهومة
____________***************_____________
في المول
وعد :ازيك ياشمس
شمس :الحمد لله انتي عامله ايه وايه اللي حصل عشان تقابلينى
وعد: في موضوع يخص ريان لازم اقولك عليه بس الأول ممكن اسألك سؤال
شمس: طبعا اتفضلي
وعد :هو انتي ممكن ترجعي لريان؟!
شمس بحزن :اطمني انا وريان حكايتنا انتهت بس ده ميمنعش اني هفضل احبه واحميه لآخر نفس في حياتي
وعد :حتي بعد مااقولك الاسرار اللى عرفتها
شمس: اسرار ايه ؟قولي ياوعد
وعد: انا عرفت سبب العداوة بين مراد العمراوي وشوكت المصرى
(سردت وعد حديثها مع والدها لشمس)
شمس: كل ده بس فى حلقة مفقودة
وعد :مش فاهمة
شمس: ازاى حور ماتت؟ ومراد بيه مخبى ليه على ريان؟ وليه شوكت بيحاول يبين أن في علاقة بيني وبين جاسر؟ وياترى جاسر يعرف ؟ فى حاجة غلط لازم أعرفها
وعد: عندك حق فى حاجة غلط
شمس :المهم تخليكي جنب ريان ياوعد وحافظي عليه وانا هعرف الحكاية كلها ريان مش لازم يحصله حاجة ياوعد
وعد :كان في حاجة كمان
شمس :ايه تاني ياوعد
وعد بقلق :فرحي انا وريان كمان شهرين
احست شمس بدوار وسقطت فاقدة الوعي
وعد بهلع: شمس....شمس بلييز حد يساعدني
تجمع الناس وحاولوا إفاقة شمس وبدأت تسترد وعيها
شمس بتعب :عايزة اروح
وعد: لازم نروح المستشفي
شمس :من فضلك يا وعد عايزة اروح بس
ساعدت وعد شمس على النهوض واخذتها في سيارتها إلى البيت
وعد :انا اسفة ياشمس
شمس :بلاش تتأسفي وخلي بالك منه
وعد :شمس بس....
شمس :مفيش بس ارجوكي امشي قبل مااضعف واقولك سبيه
أنت تقرأ
اعتذار ميت(انين عاشق )
Romanceالجزء الاول من سلسلة انين عاشق ذهب ريان اليها وجدها عند البحر و خصلات شعرها الصفراء تتطاير مع الهواء فنادي عليها بصوت مبحوح وكانه فقد النطق:شمس.. شمس شمس التفت الى الخلف بوجهها البريء ولكن كان مصفرا هزيلا شمس :اطلب طلب اخير وانا عارفه انه مش من ح...
