اعتذار ميت(انين عاشق )

الفصل السادس

(كانت شمس كالضائعة تحاول جمع شتات أمورها وتحاول نسيان أوجاع جسدها وإخفاء جروح قلبها ولكن مثل هذه الصفحات من الصعب طويها لأن جراح الحبيب ليس لها دواء ومر اليوم المرير علي ابطالنا منهم المجروح ومنهم العاشق الضائع ومنهم المشتاق ومنهم المُحب في صمت )

في صباح يوم جديد استعدت شمس لتنفيذ خطة جديدة على أمل الانتقام وحسم الأمور
التقطت هاتفها مُحدثة جاسر

شمس: الو صباح الخير

جاسر: صباح النور شمس عامله ايه النهاردة

شمس :الحمد لله

جاسر: هتقدري تيجي النهاردة

شمس :ان شاء الله بس معلشي هتأخر ساعتين مشوار ضرورى

جاسر :اوك هستناكي علي البحر تعالي علي هناك

شمس: اوك وشكرا

ذهبت شمس وهي مرتدية بادلة سوداء وقميص ابيض ووشاح حول عنقها ورفعت شعرها برابطة شعر ووضعت قليل من مساحيق التجميل ونظارة شمس سوداء وتوجهت إلى فيله ريان وعند وصولها وجدت مروة ووعد جالسين

مروة بذهول :شمس !انتي هنا

شمس بلطف :ازيك يامروة ،ازيك ياوعد

مروة: الحمدلله انتي عامله ايه شكلك تعبان

شمس :انا كويسة

وعد اقتربت من شمس :مالك ياشمس في مشكلة

شمس بغرور: مفيش فين ريان يامروة

مروة :ريان نايم من امبارح فوق

شمس بصوت عالي تنادى ريان ...ريااااان...ريان ياعمراوي

وعد بصدمة :في اي ياشمس بتنادي كده ليه ايه اللي حصل

نزل ريان مسرعا بعد ما أيقن انه صوت حوريته
ريان وهو يقترب من شمس :شمس انتي كويسة

شمس بحدة :أقف عندك اوعك تقرب مني

ريان :انا أسف سامحيني انا.....

أوقفت شمس كلام ريان فهي لاتريد ان تعلم وعد شئ حتى لاتنسحب فقالت :اسف علي إيه انا اللي اسفة مش بحبك افهم بقى واللي حصل امبارح انا مش هنساه عشان بيقويني على قرارى انت انتهيت من حياتي وانا بحب حد تاني وهو متقبلني زى ماانا وموافق أبعد عني وخلي عندك كرامة

كانت كلام شمس مثل النيران بقلب ريان وكان يظن انها تنتقم من فعلته وفي نفس الوقت غمزت شمس لوعد حتى تتدخل

وعد: كفاية ياشمس مش معنى إن ريان ساكت يبقى مش عارف يرد وعموما انتي اللي خسرانه وريان جه اسكندرية بس عشان يتقدملي وخطوبتنا الأسبوع اللي جي وعلى فكرة انتي معذومة اول الناس

شمس محاولة التماسك :مش قادرة اقولك فرحتلك مبروك عليكي انسان ضعيف متردد مش عارف هو عايز إيه