اعتذار ميت(انين عاشق )

الفصل الاول

الفصل الأول من رواية إعتذار ميت(انين عاشق )
⚘سلاما على من قال لهم الحب وداع وتأكلت قلوبهم بالاحزان
سلاما على حب ضائع لم يكن يوما مكتوبا في الحسبان
سلاما على حبيب اخذته مني الأقدار
سلاما لك ياحبيب لم تكن قدري ولكن كنت اختياري⚘

(في فيلا ريان العمراوي بداخل غرفة المكتب)

شمس بتردد :انا اسفة ياريان مش هقدر اكمل

ريان بذهول:مش فاهم انتي بتهزري صح

شمس بحدة:لأ مش بهزر انا اكتشفت إن احنا مجرد اصدقاء وبس اللي بنا تعود

ريان وبدأ الغضب يتملك منه:انتي اتجننتي إحنا بنحب بعض والنهاردة كان المفروض هفتحك في الخطوبة

شمس بسخرية:كمان خطوبة كل ده ريان انا مش هنكر اني كنت مشدودة لك بس عشان حسيت بالشفقة عليك انت وضعك كان صعب وانت صعبت عليا

ريان بغضب:اطلعي بره يا شمس قبل ماافقد اعصابى انتي شكلك تعبانة ومش مستوعبة انتي بتقولي ايه

شمس :انا واعية لكل كلمة بقولها ياريان انا علي الأقل ماخونتكش زي غيرى انا بصرحك بحقيقة مشاعرى مش مشكلتي انك حبتني بكرة تنساني

ريان:انتي اللي بتقولي كده نسيتي كلامك وبعدين انا مش محتاج لشفقتك ياشمس و مش هموت من غيرك

شمس :انت إنسان ضعيف ياريان وهتفضل ضعيف مش هتقدر تكمل حياتك بس دى مشكلتك مش مشكلتي

غضب ريان وامسك ذراع شمس بقوة قائلا بتحدي...هتشوفي ياشمس مين ريان العمراوي وهكمل حياتي ومن غيرك ودلوقتي من غير مطرود

وقفت شمس متأملة وجهه لآخر مرة بحزن ثم أسرعت بالخروج قبل أن تخونها مشاعرها

ريان جلس مصدوم متذكر ماضيه من عام

فلاش باك

(فى يوم قارس البرودة وعاصف بالرياح والأمطار كان يمشى ولايعلم اين يذهب يتذكر جراحه متمني ان ينتهي من غدر الزمن والأحباب وفاق من شروده عندما اصطدم بسيارة سوداء نزلت منها فتاة كالحورية ولكن كانت في مخيلته مثل الهلاك فجراحه جديدة ومحتاجة دواء ،هتفت له صاحبة الوجه الملائكي انت بخير فخانته قواه وفقد وعيه متمني لوفارق الحياة )
في المستشفي

شمس:طمني يادكتور هو كويس

الدكتور :اطمنى إصابته بسيطة مجرد كدمة بس عنده إنهيار عصبي عشان كده فقد الوعي

شمس:شكرا يادكتور ممكن اشوفه

الدكتور: طبعا اتفضلي

دلفت شمس وبداخلها الف سؤال تتأمل ملامح هذا الوجه الحزين وتسأل في نفسها من انت ؟ولما كل هذا الحزن؟ وانصدمت حين فاق صارخا خاينة ابعدي عني فتراجعت للخلف فى ذهول و دلف الدكتور ليعطيه مهدئا حتى رجع لنومه ولكن شمس أيقنت انه مجروح جرح صعب الشفاء )