الويكا
(4)
بقلم.. القطة الشريرة
ام مازن .. معليش ياصليحة نبيك ف موضوع
صليحة .. تفضلي
أم مازن .. بصراحة مش عارفة كيف بنبدأ
صليحة.. ان شاء الله خير
ام مازن ..خير هوا ولدي مازن عجباته تازيري وقالي أخطبيهالي
ماما.. وين بنلقو خير منكم توا نسألها ونرد عليك إن شاء الله
ام مازن .. بالله عليك ماتضغطي عليها لو موافقة باهي ولو مش موافقة الله غالب مافيش نصيب وقعدو يتناقشو
بابا.. واقف البرا تازيري ياتازيري
انا.. نعم يابابا
بابا .. حضني تي وينك انتي فايتتني بالطويل وقعدنا ع الكراسي البرا كنت لابسة توتا بودرية وشعري كله الفوق
انا.. مش فايتاتك لكن زحمه وانت لاهي مع عمي ناجي
بابا.. باهي شن الجو العام
انا .. كساد بلا الفرخ هشام
بابا.. هههههه صار توا عرفتي قيمته
انا.. نبي نمشيله أمي كشخت فيا
بابا.. هيا نرفعك
انا.. والله راجيني نلبس
بابا .. ماتلبسي شي انتي ف السيارة والسيارة مظلمه ماحد يشوف فيك
انا.. ماصدقت وكيف فتح بابا الباب تلاقينا مع مازن كيف سكر باب السيارة وخشيت ورا بابا
بابا .. شني يامازن تبي شي
مازن .. الوالدة موصتيني ع شوية حاجات جبتهملها
بابا .. تازيري خودي منه الحاجات وأعطيهم لخالتك
انا.. نقرص فيه من يده متع اسكت
بابا.. تي خيرك تقرصي هذا زي خوك هشام راه
مازن .. توا نتصل بيها تطلع مادورش
بابا .. تمام اركبي انتي
انا .. جري فتحت باب السيارة وسكرته
بابا .. يضحك
مازن .. ف خاطره مجنونه
انا.. توا يابابا معقولة تقولي خودي الحاجات من الولد وانا شعري ع الشارع راهو كبرت انا
بابا.. لكن عندي انا مازلتي صغيرة
انا.. لايابابا لازم تقتنع اني كبرت خلاص
بابا.. حاضر وانتي قريب تضربيني
انا.. تبي طلعني بنت عاقة صح
بابا.. أهو وصلنا لحوش خوك انا نخبطلك ونمشي وانتي أهجمي
انا .. موافقة
أنت تقرأ
الويكا 🔥 ( روايات ليبية )
Любовные романыللكاتبة : القطة الشريرة تعتبر من اجمل الروايات العاطفية الليبية تدور الاحدات حول علاقة حب بين طرفين فما نهاية هذا الحب ❓
