الويكا 🔥 ( روايات ليبية )

حلقة 13🔥

الويكا

(13)

بقلم.. القطة الشريرة

الويكا.. حط التلفون وتنهد بتهبلني بتهبلني هالفرخه
هديل .. لا مستحيل الى سمعته يكون صح
قصدك أشرف خوك بياخد هديكا الشرشوحه
انا.. ف خاطري ع اساس انتي الى محلاك وتهبلي
سارة.. يابنتي توا كلمتني سلفتي واليوم بيان بنتها باش توتي روحك
انا.. اما وحدة هدي
سارة.. جواهر زبطيها
انا.. ايه عرفتها ربي يهنيها
الويكا.. السلام عليكم
كلنا وعليكم السلام
هديل.. موددددددددي
انا.. رهف ريما هيا عمكم جاء
رهف وريما جو يجرو
الويكا.. هيا يابنات
انا.. نسقد فيهم ردبالك من أختك يارهف واي حد يضربكم اضربوه تجوني تبكو نعطيكم طريحة
الويكا.. ضمي فمك ضمي وخشي داخل
انا.. 😒😒 درق وجهك
هديل .. قعدت توتي ف روحها
انا .. ياعمتي بنمشي نعاونهم
سارة.. لايابنتي ماتمشي وين خيرهم هما ماجوك لادارولك زيارة
انا.. كل واحد وع شن تربى
سارة.. ماتمشيش يدبرو روسهم
انا.. تمام خشيت للدار وكلمت مازن
مازن.. صباحو وكان صوته مش أوي
انا.. صباح الخيرات شن أخبارك اليوم
مازن .. الحمدلله
انا.. شكلك مريض صح
مازن.. لاوالله غير خدمة هلباااا
انا.. ماتعبش روحك وربي يعاونك
مازن .. تسلميلي يارب ليك وحشة
انا.. سكتت
مازن.. شكله تريحتي مني
انا.. لامش هكي بس مانعرفش شن نرد
مازن.. يضحك باهي لما نروح وريني فعل باهي
انا.. 😳😳ان شاء الله خير
مازن.. ردبالك ع روحك
انا.. حتى انت وصكرنا
مازن.. حط التلفون وهوا يتبسم
وجدي .. هذا وين نور وجهك
مازن.. وين نسمع صوتها نرتاح
وجدي.. هذا الحب شن يدير
مازن.. ايه لكن هيا مش واضح عليها انها تحبني ومش متقبلتني
وجدي.. بالك انت مش فارض شخصيتك ساكت وخلاص
مازن.. تعرفني انت من طول عمري مانحب ندوي هلبااا وغير هكي خايف نصارحها بمرضي وماتتقبل الموضوع
وجدي.. هكي انت عليك حق المفروض من الاول خبرتها
مازن.. اول مابنروح توا نصارحها
سارة.. بنمشي انا عندهم وانتو وتو رواحكم ع مهل هوا قبل بيديروه ف العشية لكن قالو ف الليل أحسن
انا.. تمام وانا بنحط الغداء ونغدي البنات لما يروحو وبعدين ساهل
هديل.. خشت للدار وسكرتها ومعاش طلعت ونسمع ف صوت السشوار
انا.. سمعت بالصلاة سبقت ع الجامع خشيت للمطبخ وحطيت الغداء اقسم بالله حاسة بالقداد منها هديل بس هوا القداد شن شكله وليش سموه قداد نحس فيه الى قالها مايعرف ينطق الياء بدل مايقول نحس يالقديد قال القداد والله دكائي هذا داهية نخاف يطلبوني ف الصين طلعت ليم القارص وصحن ملح وصحن فلفل احمر وبديت ناكل
الويكا.. خشلي ف المطبخ ناقصك كساحه راس وعناد تاكلي ف الملح
انا.. كنت لابسة سروال اسود وفانيليا حمرا ونسيت المصليه ف الصالة لما شفته حطيت الطربوش ع راسي وانت شن واجعك
الويكا..خدا ليمه وغطسها ف الملح
انا .. منزله راسي والخصله طايحة ع وجهي
الويكا .. جبدهالي خيرك ساكته
انا.. حسستني نهدرز معاك من قبل
الويكا..بنقولك سر
انا.. وأخيرآ بتعترف وقعدت نشوفله هياااا نسمع فيك
الويكا.. قعد يشوفلي ف عيوني ويتأمل فيا
انا.. ماتبيش صورتي هيااا قول
الويكا .. شي غير نتبرد
هديل.. من الممر مووووووودي
انا.. 😡😡😡😡
الويكا.. ياعيونه
انا..🤬😳 حقير
هديل.. اووومغسوووم ليمون
الويكا.. تكلمي عربي ف ناس لغتها ع قدها
انا.. 😒😒 بلبل ف الفرنساوي كان ماعندك علم
الويكا .. يضحك بالله شن
انا.. نشوفله نقولك نفشخلك دلاعة بالفرنسي
هديل.. ايه قولي
الويكا.. تعرفي عينك
انا.. الفرنساوي هوا عبارة عن الجمله ضيفلها حرف الغين اوالياء مثال نفشغلك دلاغة
الويكا.. يصفق 👏👏👏نهنيك وضرب ع الطاولة عيني عليك باردة الصلاة ع النبي عين حسود وفيها عود
انا😎😎😎 بش تعرف
هديل .. تشوفلنا
انا.. طبغآ الموضوغ مش شوغك
الويكا.. هذا واحد أقرج ياروح أمك مش فرنساوي
انا.. توا الاصلع متع باب الحارة فرنساوي صح
الويكا.. ايه
انا.. شن يقوللهم لما يبيهم يصكرو باب الحارة
الويكا..🙄صكغو باب الحغا
انا.. فرنساوي ولامش فرنساوي
الويكا .. سكت شوي فرنساوي
هديل.. طبعآ غارت لأن محمد منسجم معايا موووووودى نبي ليمون
الويكا .. قعمزي باه
هديل .. حطت كرسيها جنب محمد
الويكا.. كولي هي
هديل .. نننننناااااا وكلني انت
انا.. 😑😑🤢 جبت الليمونه وقسمتها بالنص ووجهتها شويا ع وجه هديل وعصرتها
هديل..🙈🙈 عيوني وقعدت تنقز
الويكا.. يشوفلي ودارلي👌وهوا مطلع لسانه دكرني ف أمي لما كانت تتحلف فيا
انا.. نضت وضميت الدنيا ونشوفله نبنظرات حقد
فات اليوم عادي جو البنات وغديتهم وحلينا الواجبات لأني مش حانفضالهم ف الليل
سارة.. السلام عليكم
انا.. وعليكم السلام
سارة.. حصلتي ف البنات ومادرتي شي
انا.. ساهل ياعمتي مادوريش
سارة .. خشت للمطبخ ونسمع فيها وووه هالنمل قريب يطلعنا من الحوش
انا.. طلعت للجنان وجبت رشادات صغار
سارة .. هدو شن بديري بيهم
الويكا.. السلام عليكم عزوز وينك اليوم
سارة .. كنت ف الحوسة عند حوش عمك
انا.. جبت سكر وفلفل أكحل صبيت السكر ودرت بحداه فلفل أكحل والرشادات
الويكا .. شن دير هدي
سارة .. يابنتي نوضي ع الصقع شن ديري
انا.. درتلهم خطة هالنملات توا بيجو للسكر وهكي بيشمو الفلفل الأكحل وبيعطسو ولما يعطسو يضربو روسهم ف الرشادات ويموتو
الويكا🤦‍♂️🤦‍♂️🤦‍♂️😂
سارة..ضحكتيني يعطيك الخير بري توا وتي دبشك
انا.. مش فكرة حلوة قصدكم
سارة.. اسألي عمك ناجي اختصاصه حاجات زي هكي
الويكا.. معناها مافيش عشاء
سارة.. توا نجيبلك من غادي
خشيت لداري ودوشت وسشورت شعري وقصيت قصتي لبست قفطان طويل بيج ومن فوق سيور كان بسيط درت مكياج ترابي وخليت شعري مفتوح
رهف وريما.. الله خالتي حلوة.. طبعآ رهف تتكلم وريما تعاود
انا.. لبستهم وساويتهم كأنهم بناتي
هديل.. لبست قفطان قصير اخضر وعريان ومكياجها أوفر وشعرها كله الفوق يعني مبالغة ف كل شي
لبست عبايتي وطلعنا وعمي ناجي هوا الى وصلنا لأن الويكا طلع
دعاء .. حبي انى نبي نقعد عند ماما خواتي غادي يديرو بالهم عليا
هشام.. وانا بتخليني بروحي
دعاء.. تحمل حبي والله مريضة
هشام.. حاضر
وصلنا لحوش باسط خو ناجي وكان ف هلبا ناس
انا.. قعدت نسلم عليهم
هديل.. حتى هيا مدايرة روحها اجتماعية وكلهم يضحكو عليها
كان الجو حلو وكنت منسجمه هلبااااااا
رهف.. خالتي ريما بلبلت روحها بالمية
انا.. نضتلها ولقيتها حالة بالمية
سارة.. نكلملك ناجي يروح بينا
انا.. لا اهو الحوش خطوة نغيرلها ونرجع
سارة.. وقفتلي قدام الباب
كانو الخوت كلهم ساكنين جنب بعض
انا.. خشيت للحوش وكان فاضي حولت العباية وقعدت نغيرلها مرة تانية تبي الحمام خبريني انا ندخلك
رهف.. حطت راسها ع السرير ورقدت
الويكا .. فتح الباب صوت حس الداخل
انا.. وقفت ولميت الدبش وكيف بنطلع من الدار نتلاقى مع الويكا
الويكا..😍🤤 قعد يشوفلي من فوق للوطة
انا.. حطيت الدبش ع رقبتي اشبح غادي
الويكا .. كان مانبيش 😈😈
انا.. دفيته ورجعت للدار وسكرتها
الويكا.. حط ايديه ع الحيط وقعد يضرب ف راسه ع الحيط معاش قادر نتحمللللل
انا.. حي البنات رقدو خلي نتصل بعمتي ونقوللها معاش بنرجع تصلت بيها ولقيت رقمها مقفل معناها نمشي نخبرها بروحي ونرجع لبست عبايتي وطلعت
الويكا.. وقفلي ع الباب ع وين
انا.. مادخلك
الويكا.. نزلي الوشاح ع عيوني وفتحلي الباب
انا.. بدون ولاكلمه ااااه دبت من نظراته
الويكا.. خش لداره وقعد يغير
انا.. نسيت خلي نقوله يقعد مع البنات لعند نرجع مرات يفيقو مايلقو حد فتحت الباب وصكرته ولقيت باب الدار متع ويكا مفتوح شوي وفتحت عليه قتلك ونصدمت بالشي الى شفته 😱😱😱
الويكا .. أطلعي البرا
انا.. خشيتله للدار وانا عيوني دموووع عشان هكي سيبتني
الويكا.. أطلعي قتلك وقعمز ع السرير
انا.. شفت الويكا قاعد ع السرير وكان لابس شورت وماسك رجله اليسار ف يده كان ماسك رجل صناعيه
يتبع