الويكا 🔥 ( روايات ليبية )

حلقة 26 🔥 النهاية 🔥

الويكا

(26) والأخيرة

بقلم.. القطة الشريرة

الويكا .. حط يده وبدا يحاول يفكها ومعرفش كيف وزاد قرب عليها
هديل.. ستغلت الفرصة وباسته
انا..😱😱😱😱😱ف ملعبي وبين جمهوري
هديل .. دفت محمد حي شن درت نسيت انك متزوج
الويكا.. وقف وقعد يمسح ف فمه انتي شن هوا الى درتيه
هديل.. وقفت وتشوفلي هوا الى قرب عليا
انا .. طبعآ مانبيش نكسر ماعيني حطيتهم ع الطاولة وبدون ولاكلمه قعدت نشوفلهم ووقفت قدام محمد
هديل.. بتسمت بخبت
انا.. نتلفت ونعطي لهديل كف ومزال طابعتله الروج وعطيتها طريحه وجبدتها مش شعرها
الويكا.. يجبد فيا خلاص قتلتيها
انا .. نجر فيها من شعرها انتي كيف فكرتي ف الموضوع مجرد تفكير
هديل.. يامحمد ساعدني
الويكا.. لف ايديه ع بطني ورفعني الفوق وبعدني عنها
هديل .. شادة شعرها المريش وتبكي
انا.. كنت بنرجعلها بس محمد وقف قدامي خلاص فوتيها درتي فيها اللازم
هديل.. تبكي وتعيط
انا.. اخر مرة نشوفك قريبة ع راجلي والا أقسم بالله حانفضحك قدام العيلة ونخليهم يعرفو انتي شن مدايرة
هديل.. راجلك هوا الى تحرش بيا
انا.. هدي مزال تكدب تي وخر وحق ربي لما نقتلها
الويكا.. هدي مريضه فوتيها
انا.. وانتي تتكلمي ع راجلي ماتنسيش انك مش بنت وعندي سكرينات لعملتك السودة والقصة كلها عندي كامله يامتع جهاد
هديل.. تشوف بصدمة
انا.. بعد بنكلمها بس
الويكا.. كلميها من هنا
انا.. سمعتي ولانعاودلك القصة انا نقولها ليك العبي بعيد عني لأنى ندير اي شي وكل شي كان نحطك ف راسي وماتحسابيني بنقول نسترها وحرام ومايجي لا نفضحك وقدام الناس كلها ويناري ع بوك الى معروف شن بيصير فيه
هديل.. لابالله عليك سامحيني انا اصلآ غدوة راجعه لأسبانيا ومش حاتسمعي حتى بإسمي لكن ماتقوليش لحد
انا.. تمام بس لو حاولتي تلعبي حاتندمي صدقيني
هديل.. قعدت تبكي
انا.. قربت منها ومديتلها يدي نوضي أغسلي وجهك وغيري دبشك ودخلتها لداري وعطيتها دبش وغسلت وغيرت وتصلت بخالها وروحت
انا.. المصايب تجيك وانت واقف ف مكانك
الويكا .. يشوفلي وسرحان فيا محلاك وحق ربي ف الأول قتلتيها وبعدين هددتيها وبعدها طلعتيها من حوشك مستورة
انا.. خديته من يده ودخلته للحمام
الويكا.. خيرك وشن نديرو هنا
انا.. ولاكلمه مش تحساب كان ماهزبتك جنبها معناها انت مظلوم وفتحت الشيشمه وقعدت نغسله ف فمه ودرت الصابون ف يدي وقعدت نحكله فيه
الويكا.. هذا فمي مش طنجرة
انا .. ولاكلمه وجبت التايد درته ف فرشه الاسنان وقعدت نحكله
الويكا.. اي اي ااااي
انا.. اقعد باش يموتو الجراثيم
الويكا.. خلاص يابنت
انا.. اصبر وجبت الكلوركس
الويكا .. لاهكي هلباااا
انا.. شوية بس
الويكااا .. لاااااااااااااا اطلعي قدامي هيا
وطلعني اول مرة نطلع بدون ماحد يقولي ضمي
فاتو الأيامات
وانا عايشة حياتي سعيدة وهديل روحت وفعلآ معاش سمعت بسيرتها مهند ونسرين تزوجو اما رحمه قعدت مكسدة
الويكا.. خش وهوا مضايق ويعرج وقعد ع الصالون وحط ايديه ع راسه
انا.. خيرك شن فيه يامحمد
الويكا.. فوتيني وأطلعي من قدامي
انا.. خيرك قولي شن بيك
الويكا .. فوتيني قالها بعياط
انا.. سيبته ورجعت للمطبخ هذا شكله بيتزوج عليا وبدا يدير ف الحركات بش يبي نكد عليه ويقولي انتي تنكدي عليا
الويكا.. مش وقتها بكل وحول رجله الصناعية الى كانت مايله
انا.. خلي نرفعله مية مصقعه بالك يهدا وكيف طلعت نشوف فيه يحاول يوقف ع رجل وحدة ومشيت نجريله وسندته عليا
الويكا.. سيبيني وكان مواطي راسه
انا.. حبي انارجلك وسندك وكل مابنشوفك بطيح بنسندك ولو تأخرت وانت طحت حانشد بإيدك ونوضك ومستحيل نسيبك
الويكا.. نكره فكرة اني انسان ناقص وعاجز
انا.. مافي حد كامل ياحبي والعجز ف العقل مش الجسم نقولك سر
الويكا .. شن
انا.. عندي تشوه خلقي
الويكا .. وهوا مستغرب وين
انا.. ف بطني
الويكا.. خيرني مانتبهت
انا.. مش الغمازات تشوه خلقى
الويكا.. يقولو
انا.. خلاص عندي غمازة ف بطني
الويكا.. ههههه اسمها سرة ياذكية
انا.. انت اسمها سرة متاعك انى اسمها ابو سرة
الويكا.. بايخه زي وجهك
انا.. 😒😒عدو الجمال
الويكا..ههههه وهكي قعدنا نهدرزو لعند وصلته للدار
وفتحتله ع اليوتيوب وقعدنا نتفرجو ع ناس رغم اعاقتهم لكن حققو انجازات كبيرة
انا.. تعرف حبي حسيت روحي انى المعاقة مش هما
الويكا.. فعلآ والله وحسيته كأنه بدا يتقبل ف الموضوع
بعد فترة سافر محمد مع خوه مروان لتونس عشان يركب رجل تانية
سارة .. تازيري ياتازيري
انا..نعم ياعمتي
سارة.. خشي لدار مازن وجيبيلي البطانية الكبيرة من الدولاب
انا.. تمام صح ليا قريب اسبوع ف حوش اهل محمد لكن ولامرة تجرأت نخش لدار مازن فتحت الباب وخشيت كان كل شي ف مكانه السرير الدولاب صوراه تفكرت الفترة الى كنت عايشة فيها معاه نظراته كلامه تصرفاته وبدو دموعي ينزلو طلعت البطانية من الدولاب وشفت للدار نظرة اخيرة الله يرحمك ويسامحك يامازن
سارة.. صحيتي يابنتي
انا.. فجأة حسيت بدوخه ومش عارفة شن
ف العشية
مزدة.. خيره وجهك هكي ولا مستاحشه لحمادي
انا.. مش عارفة حاسة روحي دايخة وبنرجع حشاك
مزدة .. عيطت حي حاامل
انا..😳😳😳
مزدة .. نوضي نمشو للصيدلية نجيبو جهاز الحمل
انا.. تمام لبسنا ومشينا
بابا .. ياصليحة وخش وهوا يعيط ياصليحة
ماما .. خيرك شن فيه خلعتني
بابا .. طلعو اسامينا ف القرعة وبنمشو للحج
ماما.. تزغرط وفرحانه
بابا.. الحمد لله
انا.. وريت الجهاز لمزدة
مزدة.. حضنتني مبروك ياقلبي
انا.. مش عارفة نزعل والا نفرح بس ماتخبري حد بنديرها مفجأة
مزدة .. تمام
كانت الايام تمر وهيا طويلة وانا نراجي ف محمد يرجع
سارة.. خيرك يابنتي أقعدي استقبليه معانا وروحو بعدين
مزدة.. معليش ياعمتي خليها هيا تبي تروح
سارة.. خلاص براحتها
انا.. مش مصدقة اليوم مروح
مزدة.. رفعتي حاجاتك
انا .. ايه كل شي رفعته
مزدة.. تمام ربي يسهلك
انا.. تسلمي يارب
رجعت للحوش وتيت كل شي
الويكا ومروان .. السلام عليكم
سارة.. وعليكم السلام وسلمت عليهم
ناجي.. حمد لله ع سلامتكم
الويكا.. كان يدور فيا بعيونه
وقعمزو يهدرزو
انا.. وصلني مسج من مزدة راجلك رجع قريته وقعدت نقز وقلبي يدق شطبت كل شي ولبست قفطان ابيض للركبة ومعاه صندل وخليت شعري مفتوح وودرت شوية مكياج
الويكا.. نستأدنكم انا توا
سارة .. اقعد تعشا
الويكا.. مانبي شي غير النوم
مروان .. ناجي مدله مفتاح السيارة غدوة جيبها
الويكا .. بعون الله وطلع
رحمة.. تحكي مع احمد ولد خالتها وتضحك وجوها حلو
احمد .. رحمه انا نحبك
رحمه .. وهيا ساكته
احمد.. خيرك سكتي
رحمه .. شن بنقول
احمد.. تحبيني والا لا
رحمه .. نموت فيك
احمد.. حبيتك من قصة صاحبتكم لما قعدنا نحكو جميع
رحمه .. انا بعدك بثلاته ايام
احمد.. ههههه مجنونه
الويكا.. فتح الباب حبي ياحبي وينها حبي
انا.. جيته نجري حبي
الويكا.. وهوا فاتحلي يديه نطيت ف حضنه
انا.. ستاحشتك معاش فيه مشي لأي مكان من غيري
الويكا .. ياقلبي وقعد يدور بيا اخر مرة وعد
انا.. نحبك
الويكا.. نموت فيك ياقلبي محلوة ولابسة الابيض طالعه عروس
انا.. عروسة تراجي ف عريس الغفلة
الويكا.. تعالي تعالي للدار
انا.. ماسكه ف ايده ومتحمسة لردة فعله
الويكا.. خش للدار وفتح الضي وكانت الدار مزينه بصور الصغار والبالونات مكتوب عليهم الويكا احلا بابا
انا.. نشوفله كيف متفجأ وقرب من السرير ومسك المرضعه وكانت جنبها بطاقة
الويكا.. يقرأ ف البطاقة بصوت عالي نقولك سر انا جاي بعد 9شهور يابابا ونزلت دمعته وف نفس الوقت يضحك
انا.. وحاتكون احلا واحن بابا
الويكا .. ياروحي انتي وحضني وفاتت عليا ليلة حلوة
بعد مرور سنة
سنة حلووة يامازن سنة حلوة يامازن سنة حلوة سنة حلوة سنة حلوة يامازن
جبت ولد ومحمد سماه ع خوه مازن وحتى انا وافقت ع الأسم
ماما وبابا جو ع خاطر مازن وحضرو عيد ميلاده
ناجي .. شيخ وماشي للحج وجاي تغني سنة حلوة
بابا .. انا عشان حفيدي نرقص حتى الرقص
ناجي.. هههههههه
رحمة .. تزوجت هيا واحمد وليهم ثلاته شهور
نسرين ومهند عندهم بنوته
مزدة ومروان.. زاد عليهم ولد
عيد ميلاد مازن درناه ف الحوازة
انا.. خاطري ف البرتقال
مزدة.. ماتقوليش بتركبي
انا.. مش مبعدة ف وحدة قريبة نشوف فيها
مزدة.. هيا بسرعة
انا .. ركبت وكيف بنجبدها مسك فيا الغصن ف رقبه البلوزة لاااااااا
مزدة.. ان شاء الله حصلتي
انا.. 🥺🥺 ايه
الويكا .. شاد مازن ويلعب فيه فجأة شاف لمزدة وهيا تشوف للشجرة اكيدا تازيري الفوق وقرب منهم
مزدة.. جيت وربي جابك مرتك حصلت
الويكا.. ياريت نقدر نخليها الفوق حاصلة
انا.. لو انت قرد مش معناها كلنا زيك
الويكا.. خودي مني الولد
مزدة.. رفعاته منه ومشت بيه عند جداته
الويكا .. ركبلي
انا.. نشوفله بطلي الخارق
الويكا.. حبي الهبلة
انا.. الغصن هذا يحبني ديما مكرش فيا
الويكا .. لاهوا يحبني انا لأنه عطاني فرصة نقعد مع حبي بروحنا وقعد يبوس فيا
انا.. توا يجي حد
الويكا.. اسس وقعد يبوس فيا نحبك ياقردتي
انا نموت فيك
الويكا .. طلع الخاتم من جيبه شوفي
انا.. حي وين لقيته
الويكا.. ف دولابك ولبسهولي المرة هدي بجديات تحوليه نقتلك
انا حاضر
الويكا نحبك ونموت فيك
النهاية
ولو كان لي ألف حياة سأحبك في كل حياة ألف مرهه💜💭...
If I had a thousand lives I'll love you in every life a thousand
times.
ان شاء الله تكون عجبتكم وحبيتوها ولنا لقاء ف رواية جديدة وشكرآ ع تفاعلكم وكلامكم الحلو ❤❤❤❤😻😻😻