الويكا 🔥 ( روايات ليبية )

حلقة 24🔥

الويكا

(24)

بقلم.. القطة الشريرة

الويكا.. بندير روحي كأني ماسمعت شي وجبدني من يدي ودخلني للدار وطلع وسكر عليا بالمفتاح
انا.. محمد ونخبط ف الباب افتح بلا جو
الويكا.. بدون ولاكلمه
انا.. حي كان مايطلع حتى هذا مريض محمد ونخبط ع الباب بقوووة
الويكا.. توا تشوفي الويكا الى كنتي تقوليله طز فيك شن بيدير فيك وفصل الضي عن الحوش
انا.. نعيط بصوووت عالي يامحمد وقريب نطلع من الباب
الويكا.. قعمز ف الصالة وقعد يضحك
انا.. يعنى الا نبكي ليلة الدخلة الناس الطبيعية مسميتها ليلة العمر الا انا بنسميها ليلة الحزن وووه عليا ياربي وقعدت نقول لاحول ولاقوة الا بالله وفعلآ حسيت بأمان توا كان سكتت اكيدا بيجي
الويكا .. خيرها سكتت كان ماجتها سكته قلبية وناض فتح الباب وكان مولع الفلاش وكان موجهه ع السرير
انا.. جيت من وراه وقعدت نضرب فيه بالكعب
الويكا.. يامجنونه اااي
انا.. تحساب روحك بتخوفني كان درت هكي
الويكا.. درا التفافة ومسكني من يدي ودفني ع السرير وجاء فوقي ومسك ايديا الفوق
انا.. قعدت نحاول نفك روحي لكن ماقدرتش
الويكا.. تأسفى ع كل كلمه قلتيها الفترة الى فاتت نسامحك ونعيشو مبسوطين
انا.. ف احلامك فوق ماانت غلطان جاي تبيني نتأسف
الويكا.. معناها الليلة حاتباتي ف الظلام وبروحك
انا.. صح خفت بس مشكلتي نحب العناد اي عادي الظلام ولاوجهك
الويكا .. تمام توا نشوفك لوين بتوصلي وتوا ينفعك العناد
انا.. حاينفعني ووواجد
الويكا.. طلع وسكر الباب
انا.. الى قاعد يصير معايا اكيد لأنى ماسمعت كلام امي لما قاتلي ضمي الحوش
الويكا.. فرخه تصكر ف دماغها لكن مش عليا انا
انا.. توا نوريك وقاعدة نبكي اليوم لعبتها عليا بس الأيام بينا يا ويكا
قعدت نبكي لعند رقدت
ف الصبح نضت ونشوف ف الضي من الروشن عرفته صبح بس اما ساعه مانعرف وقعدت نتفرج ع الدار الله محلاها امس ماخلاني نشوفها جبدت الشنطة وطلعت منها لاوازمي كلها وخشيت دوشت الحمد لله مداير حمام ف وسط الدار كان هذا راحة ليل
الويكا.. راقد ف الصالة
انا.. فتحت دولابه من طول عمري كان حلمي نكون مصممة ازياء وجاء الوقت المناسب طلعت دبشه كله وجبت المقص وقعمزت ع السرير القميص هدا كان نرده نص كم يبدا حلو وبديت ع بركة الله السروال هذا جيهة قصيرة وجيهة طويلة موضه الربيع 2030
الويكا.. نقلب للجيهة التانية وشاف للساعه وكانت 8.30وناض طلع البرا وولع دخان زعما شن صاير فيها
انا.. صوته ناض نضت جري ورجعت الدبش ف مكانه
الويكا.. رجع الضي وفتح الباب
انا.. 😒😒 وكنت لابسة روب ابيض وقصير
الويكا..🤤🤤🤤🙂
انا.. نضت وكيف بنطلع حطلي ايده ع الباب
الويكا.. الناس شن تقول ف الصبح
انا.. ربعت ايديا ومابيتش نكلمه
الويكا.. نكلم فيك
انا.. نشوفله من فوق للوطة 😷😷
الويكا.. معناها مزال ماتأدبتي ورجع سكر عليا الباب
انا.. حيوان الولد هوا
الويكا.. واقف ع الباب ويضحك
انا.. وواك جيعانه بنموت
الويكا.. الأكل جميل وقاعد يغني بصوت عالي
انا.. يعطك سمسام يامحمد لازم نفش غلي فيه وقعدت نحك ف راسي فكري فكري ايوا لقيتها خديت شيشه عطر وحدفتها ع الحيط وقعدت نعيط
الويكا.. جا يجري وفتح الباب
انا.. طايحه ع الارض ونبكي
الويكا.. قرب مني شن فيك خيرك
انا.. دفيته وهربت وسكرت الباب بالمفتاح
الويكا.. يخبط اقسم بالله كان ماتفتحي تشوفي شي عمرك ماشفتيه
انا.. نغنيله يادنيا يادوارة اغنية محمد حسن اكيد تعرفوها ومشيت للصالة ولقيته مداير سفرة مشكلة وبديت ناكل
الويكا.. باهي ياكلبه توا تشوفي
انا.. كبر الخط بالله عليك باش نشوف كويس
الويكا.. خلي نخش ندوش وحسابها بعدين وفتح دولابه وطلع سروال امريكي اسود ومعاه تشيرت وطبعآ لانهم مطبقات مانتبهى انا شن درت فيهم
انا.. لميت السفرة وخشيت للمطبخ الله محلاه مدايره زي ماقتله بالزبط وفتحت التلاجة واخيرآ تلاجتي بروحي ومعبيا وقعدت نفتح ف الباب ونسكر محلاه هالشعور وقعدت نتلمس ف الغاز الله غازي لاطبيعي وقعدت نضحك حوشي بندير شن نبي وقعدت ندور ف الحوش وانا طالعه من المربوعه نلقى محمد واقف قدامي
الويكا.. كان لابس تشيرت كم فيه وكم مقطوع من جيهة الكتف وسروال رجل فيها ورجل كأنها شورت
انا.. نانسي عجرم عندي اهلين حبيبة
الويكا.. نقز عليا ومسكني من شعري تلعبي معايا انتي صار
انا.. عيب اليوم جمعه استر ركبيك رايحات زي جبهة هديل
الويكا.. شده الضحك ماتقعديش تنسي
انا.. حبيبي صباحية مباركة
الويكا.. مباركه لامسعودة نهارك احرف مني
انا.. بديت نبكي والله حرام عليك تعاملني هكي عروس وحابسها عارفة انا ان العصفور يحبس لجماله لكن ماتخليني نمشي نحرق وجهي ونبطل سمحه
الويكا.. سخفتيني والله قدامي للدار وقعد يجبد فيا
انا.. ياويلك من ربي دخلت امراءة النار ف هرة لانها حبستها ياويلك وقعدت رافعه ايديا لسماء يارب خود حقي منه يارب اهوا الى اسمه محمد يارب والى لقبه الويكا يارب
الويكا.. دفني خشي واسكتي
انا.. اهو دفني توا يارب خوده اخد عزيزآ مقتدر
الويكا.. فنص فيا
انا.. خفت ياجبان ترا اعترض ع كلامي
الويكا.. واقف وساكت
انا.. كيف طلعت من الدار انت
الويكا اشر للروشن وطلع مفاتيح الحوش من جيبه
انا.. قربت منه وبسته ع خده شكرآ حبي عطيتني الحل خلاص برا وسكر الباب توا نقفز من الروشن
الويكا.. وهوا يتلمس ف مكان البوسة وحاتقعدي ف الجنان
انا.. من قالك حانطلع بالروب ونقعد نعيط للناس ونقوللهم راجلي لزني ويقعدو يتفرجو عليا وهكي تجي الشرطة ويجوك جمعيه حقوق المراءة وكل الجمعيات الخيريه وحاينزل اسمك ف جميع وسائل الاتصال الاجتماعي وع قناه 218 ويبدو يدعو عليك النساوين هوا دعوة 40شخص مستجابة لابال نساء ليبيا كلهم خليهم مع دعاهم السمح الساحق والماحق والاسهال والزهايمر حتى السحارات بيحطو صورتك ف القبور
الويكا.. حط ايده ع فمي ودفني ع الحيط خلاص اس اسسسس صداع انتي لنم
انا.. نتسخف بعيوني
الويكا.. بطلي
انا.. نغمض ونفتح
الويكا زاد ضغط ع فمي بطلي
انا.. هزيت براسي بمعنى تمام
الويكا.. حول يده وبدا يقرب ف وجهه وكان بيبوسني
انا.. وووه بطني من الخوف بتبدا دير ف الأصوات ودفيته وهربت لدار وسكرتها بالله سكرها طقتين
الويكا .. يحك ف راسه مجنونه وغبيه توا بنكلمهم يجيبو الكلب بنحطه ليك هنا كان فكرتي تنقزي من الروشن
انا.. الحوش الى فيه كلاب ماتخشله الملايكه ساد انت
الويكا .. كي بيفتح الباب رن الجرس
انا.. واخيرآ جاء الفرج
الويكا.. كيف بيفتح وشاف لروحه تي وواك قريب طلعت هكي وخشلي ف الدار
انا.. غطي كتفك ياحيوانه
الويكا.. اطلعي افتحي الباب
انا.. اكيدا هدينا الى يلقطو ف الحيوانات الضاله
الويكا.. يضحك وضربني بالوسادة نوضي
انا.. لبست عبايتي وطلعت منو
مزدة.. افتحي
انا.. فتحتلها
مزدة .. صباحية مباركة ياحبي
انا.. مباركة دارت حادت وماتت خشي تفضلي
مزدة.. وين العريس
انا.. ماقتلك حبي مدلعني وجابلي نانسي عجرم
الويكا .. يسمع فيا جايبلك امك
مزدة.. استغفر الله خيره هذا
هديل.. بابا نبي نمشي لليبيا
رجب .. وخير ان شاء الله شن فيها
هديل.. يومين بس
رجب .. كان ماعرفت السبب ممنوع المشي
هديل .. حكتله
رجب.. تمام لكن حايمشي معاك عمران خوك
هديل .. تمام موافقة
يتبع