الويكا
(22)
بقلم.. القطة الشريرة
مروان.. توا انتي من وين جاتك فكرة نزوجو الويكا لتازيري
مزدة.. مش فكرة حلوة ماشفتش بوك كيف فرح
مروان.. ياودي إنتو الى يقدركم يجي يحاسبني
انا.. بابا بنمشي حوش هشام
ماما.. بتمشي والحوش مقلوب ضمي بعدين بري
انا.. ياريت يجيك زهايمر ع كلمة ضمي بس
بابا.. هههههه امك تنسى كل شي الا الكلمه هدي
انا.. لما نروح نضم وعد باهي
ماما.. مافيش مشي
هشام.. السلام عليكم
كلنا وعليكم السلام
انا.. بابا المفروض خداها منك نسخه المفتاح ديما فاتح وخاش لاإحم لاتستور
هشام.. كان ماتسكتي نجي نوريك وخش قعمز
انا.. خاطري نفتح الباب ونقول هشااام ونسلم عليك مش كل يوم مداير علينا طريق وتجي وقت الغداء بس
ماما.. ضمي فمك وتحشمي
بابا.. كلامها صح ترضاها حد يخش لحوشك ويفتح امتى مايبي الباب
هشام.. بوي خرباتك هالفرخه شكلها
انا وبابا نضحكو عليهم
هشام.. هذا الواصل ومن غدوة تبدي تمشي
انا.. الساعة كم
هشام.. ال9
انا.. هذا وين بديت نحلم الساعة 9
ماما.. والله تستاهلي ينقاصلك النوم
بابا.. شوفلها توقيت مسائي
انا.. اسمع كلام بابا
ماما.. ضمي فمك من طوله اللسان
بابا.. نوضي البسي وامشي مع خوك
انا.. جري لدار
الويكا.. مش عارف من وين طلع بوي بالمشية هدي
مهند.. ع اساس مش فرحان بتشوف تازيري
الويكا.. مش عارف والله
مهند.. بكري قاتلي نسرين انها خبرتها برجعتك لكن بدون ولاردة فعل كأن الموضوع مش هامها
الويكا.. مرات نقول أحسن كانها نستنى ومرات نخاف تكون نستني
مهند.. حتى انت وجعت قلبها البنت مرتين مش مرة
الويكا.. لأنى غبي
مهند.. سمعت انك رجعت شريت حوشك مبروك
الويكا.. ايه الحمد لله بالسيف عليا بعته لما كنت ف تونس
مهند.. ايه عارف
الويكا.. توا بنبدا فيه نبي نديره كيف مارسمته انا وتازيري وتخيلناه
انا.. الله يرحم ايام كانت الثلاجه معبية شكلايط وطورطات
هشام.. جبدني من شعري سكري الثلاجة وأطلعي من المطبخ
انا.. بديت تبان ع حقيقتك
دعاء.. ترضع ف بنتها ف الصالة طبعآ عندهم زوز بنات سبأ ونبأ
انا.. خيرك مادة البوز حوش خويا راه وجاية للفرخات الى يهبلو
هشام.. خنقني من رقبتي وطيحني
دعاء.. ايوا حبي زيدها بالله عليك
انا.. ياغبي المثل يقول انا وخويا ع بنت خالتي
هشام .. ماهو هكي المثل
انا.. نفس المضمون ياغبي
هشام.. مدلي يده نوضي
انا.. وانتي ماتعرفيش ان النساوين يدافعو ع بعضهم ولاتحسابي راجلي و بس توا غدوا يتزوج عليك تقعدي تدعي وماتخلي ماتقولي
دعاء.. شبحتله مايديرها
انا.. نضحك مسكينه انتي هذا هشام توا كان يقول لأمي نبي وحدة تانية دعاء معاش مهتمه وكبرت وشيانت
دعاء .. حطت بنتها هشاااااام
هشام.. تكدب وقعد يجري ورايا
انا.. خشيت لدارهم وسكرتها وخديت كل ارواجها وعطورها
فات اليوم عادي جدآ وجاء الليل
بابا.. وين تازيري
ماما.. خشت رقدت قالت باش تنوض بكري
انا.. نتقلب نتقلب توا الزرافة كان راسها عطوه للفيل كيف بتولي شن هاتخيلات هذا كله باش مانفكر ف محمد
الويكا.. وهوا يتفرج ع صورتي غدوة لو تلاقينا شن حاتكون ردة فعلك بتفرحي ولابتزعلي بتشوفي ف عيوني ولابتواطي راسك
ف الصبح
ناجي.. هيا نبي نوصل قبل الظهر
انا.. هيا باااي
ماما.. ضميتي دارك
انا.. والله نموت فيك حتى انا
بابا.. هههههه لاحول الله وطلعنا
مزدة.. مسرع فاتو هالسنين
مروان .. اي والله الدنيا تجري
مزدة.. نبي غير أمتى نوصل بس ونشوف الفرخة تازيري
مروان.. مزال حاجة ساعتين ونوصلو
انا.. وصلت للمركز وطبعآ سجلت ف كورس الحساب الذهني رغم ان حسابي جاف لكن نشغل روحي شويا
كان فى هلباااا اعمار وخش الدكتور وبدا الدرس
ناجي.. خدا تلفونه وتصل ببشير
بابا.. أهلآ أهلآ ان شاء الله مايموت حد اليوم بس
ناجي.. ههههه تي اسكت ياخارف
بابا.. غير شن دكرك بينا
ناجي.. ماتقوليش انت وين توا
بابا.. والله كيف مروح للحوش
ناجي.. فيه راجل جايبلك امانه هدا ليش اتصلت نتأكد انك ف الحوش
بابا.. تم انا كيف وصلت اول مايوصل رن عليا
ناجي.. تمام بارك الله فيك
انا.. هذا حساب ذهني ولاتنويم مغناطيسي عيوني مش قادرة نفتحهم
الويكا.. حاط ايده ع قلبه
ناجي.. وقف خلاص اهوا الحوش
سارة.. مشاء الله زادو بنو ع الدور التاني
ناجي.. شكله بيتزوج الشيباني الخارف
ونزلو من السيارة
ناجي.. يعيط من الشارع بشير يابشير ويخبط ف الباب بقوووة
سارة.. تحشم ع شيبتك الجيران يتفرجو
مزدة.. قرصت الويكا إرخي روحك هههه
الويكا.. قلبي بيطلع أقسم بالله
بابا .. فتح الباب ااووووو ياهلا ياهلا صار هوا انت ومشيتها عليا
ناجي.. حضنه وقعدو يسلمو
بابا.. رحب بيهم وخشو
ماما.. كلمت ميار باش تعاونها ف الغداء
سارة.. سامحينا لكن هالشيباني الخارف قال خلوها مفجأة
ماما.. لاعادي تتفضلو ف اي وقت
انا.. وأخيرآ تم الدرس عليك ملل خلي نكلم بابا يروح بيا ولقيته تام منه الشحن وووه عليك حظ توا بنكعب
ناجي.. وين تازيري قداش مستاحشها
بابا.. اليوم مشت للكورس
ناجي.. شن هوا
بابا.. تقرا تقرا
ناجي.. ربي ينجحها ان شاء الله
الويكا..كيف نعرفها قاعدة تحبني وسرح شويا وخطر عليه الخاتم لو كانت لابساته معناها تحبني مزال
انا.. دهشت وخشيت للمحل شريت مية وشكلايط
الويكا.. طلع وقعمز البرا وقعد يدخن ويتفرج ع الصغار يلعبو
انا.. شن هالسيارات شكله الجيران عندهم ناس بس ليش واقفين جنب حوشنا
الويكا.. خيرها عطلت وخش
انا.. فتحت الباب وخشيت ونسمع ف صوت هدرزة وضحك
غيث.. جدي خالتي توتو جت
بابا.. قوللها تعالي
غيث.. جاني يجري
انا.. دسيت الشكلاطة ف شنطتي جاء الهمجي
غيث.. خالتي يبيك جدي
انا.. شن يبي ومن فيه الداخل
غيث.. عندنا الناس
انا.. جدك هذا امتي بيدير عقل بس
بابا .. تازيري تعالي يابنتي
انا.. بابا شن تنادي فيا قدام الرجالة
بابا.. مافي حد غريب هدو أهلنا وناسنا
انا.. كنت لابسة سروال أمريكي وبلوزة خضرة داكنه ووشاح اخضر ف البيج
الويكا.. يمسح ع وجهه هيااااا
بابا .. خش قدامي خشي هيا
انا.. خشيت السلام حي عمي ناجي
ناجي.. ياهلا ياهلا ببنتي وناض يسلم عليا
انا.. دمعت والله ستاحشته الحق ومانتبهت للويكا لأنه كان مقعمز ف الزاوية جيهة الروشن
مروان.. وقف وسلم عليا
ناجي.. شن حالك يابنتي
بابا.. سلمي ع الولد وراك
انا.. ولد من وتلفتت ولقيته محمد
الويكا.. مدلي يده وف خاطره محلوة هلباااا وواك قداش مستاحشها
انا.. مديتله اطراف اصابعي وسحبتهم بسرعة مانبيش يحس انى مستاحشاته
وقعمزت شوية معاهم وقعدت نهدرز مع مروان وعمي ناجي وماحاولت نشوف للويكا بكل يحساب روحه كان بدا يهبل وشخصية بيطيحنى محلاه الزح
بابا.. خلاص نوضي خشي وانتي ماصدقتي قريب تقولي أعطوني ندخن
انا.. دخنت قبل مانخش
كلهم يضحكو وخشيت الداخل وسلمت ع مزدة وسارة وحق ماخبرتكم مزدة جابت وولد وسماه ناجي مازن
مزدة.. شن جديدك يابنت
انا.. والله الا كساد لاجديد لاقديم
مزدة.. مافيش كبيدة هنا ولاهنا
انا.. فيه الكرشة والبنكرياس
مزدة.. ههههه دارك حلوة تعرفي
انا.. انتي احلا
مزدة.. الدبدوب الأحمر يهبل
انا.. شفتله ورجعت شفتلها كان تعرفي هذا من هاديهولي
مزدة.. لاااااا ماتقوليش محمد
انا.. هزيت براسي هوا
مزدة.. ههههه ريت مايطلع منه قاعدة تحبيه
انا.. لا طبعآ
مزدة.. كذابه
انا.. بجديات مانكدبش
مزدة.. ترا إحلفي
انا.. مايحلف غير الكذاب
ميار.. خشت علينا وهيا جايبة النسكافيه
وكملنا هدرزة وضحك
الويكا .. مقعمز البرا ويدخن وبابا وناجي طلعو ومروان راقد
انا.. والبنات ركبنا للسطح وقعدنا نهدرزو
غيت.. تعالو ناخدو دبدوب خالتي نلعبو بيه
سيدرا .. حي عليك والله تقتلنا بعدين
رهف.. خالتي ماتقتل
غيث .. هيا نرفعوه ورا الحوش نلعبو بيه ونردوه
سيدرا .. هيا
غيث .. خش يجري للدار وخدا الدبدوب
انا.. توا نجي بنلبس توبي صقعت ونشوف غيث مطلع الدبدوب
سيدرا خالتي
غيث.. هروووب
انا.. غيث وقعدت نجري فيه وهوا طلع من باب المطبخ وانا طلعت وراه
غيث .. يجري وكان خايف ووقف ورا الويكا الى كان واقف ع الحيط ويدخن
انا.. خديت فرينو قوي
غيث.. عمي بالله عليك إحميني
الويكا.. يشوف لشعري الى كان مقصوق
انا.. ولاكأنه موجود هات الهم ياغيث
الويكا.. خدا الدبدوب صار اسمه الهم عاشت الاسامي ياهم
انا.. جيت بناخده منه بس هوا كبش فيه بقوة وقعد يرقيلي ف حواجبه
الويكا.. قولي من فضلك أعطيهولي
انا.. مانبيش نكلمه ونشوفله
غيث .. مشى من الجيهة التانية وهرب
الويكا..مش قتلك شعرك معاش تقربيه
انا.. حاولت نجبد منه الدب لكنه جبده بقوة وجبدني معاه وحط ايده ع خسري
انا..😳😳دفيته حيوان وخليه عندك الدب وقح ومشيت
الويكا.. حضن الدب اااااااه ياحبي
ف الليل وبعد مابعتلي الويكا الدب مع غيث تعشينا وغسلنا الماعين
بابا.. غدوة نمشو للصحرا نلقطو الترفاس
الويكا.. شن هوا الترفاس
ناجي.. غدوة توا تشوفه
بابا.. توا نخبرهم الداخل يوتو رواحهم
دعاء.. وهيا واقفه ع المزينه ف دار حي ارواجي وعطوري
انا.. كانو
دعاء.. امتى خديتيهم وانا نحسابهم خواتي الى خدوهم
انا.. هشام قاعد يجيبلك
ميار ومزدة.. يضحكو
ميار.. نوضو خلي نرقدو غدوة ورانا صحرا
انا.. باهي الى جيتو من زمان خاطري فيها
ف الصبح
لبسنا وفطرنا وتجهزنا
مزدة وراجلها وسارة ف سيارة ماما وميار وراجلها ف سيارة دعاء وهشام ف سيارة
انا.. كيف بنركب مع هشام
بابا.. تعالي اركبي معايا انا وعمك ناجي وكان الويكا هوا الى يسوق
انا.. بنركب مع هشام
بابا .. غير تعالي باش نلبسو عمك البهلول
انا.. ووواك منهم وكنت لابسة توتا وفوقها عباية
فاتت الطريق كلها ضحك وهدرزة لعند وصلنا
ناجي.. واخيرآ هواء نظيف
انا.. رفعت الصغار وبدينا نجرو ونلعبو وقعدت نوري فيهم كيف يطلعو الترفاس
الويكا .. قاعد ف السيارة مايبيش ينزل باش يقعد يتفرج عليا
كل مجموعه مشت بروحها
الويكا.. مش لابساته الخاتم معناها معاش تحبني بس الدبدوب قاعد عندها لكن حتى كان المفروض الخاتم ماحولاته
بابا .. تازيري بري جيبي السيارة
انا.. تمام هيا غيث امشي معايا
غيث .. ماني ماشي بنلعب
انا.. رجعت بروحي ووقفت ع السيارة وكانو رواشنها مظلمات حولت الوشاح ولميت شعري الفوق لأنه نفتح وطلعت زبدة الكاكو ودرتها ع فمي ودسيتها وفتحت باب السيارة وعيطت
الويكا.. يضحك هاااي
انا.. انت شن دير هنا
الويكا.. سيارتي وقاعد فيها
انا.. حاجة والله بلكة
الويكا.. طولت اللسان مانحبها
انا.. حاجة ترجعلك
الويكا .. كان ننزلك مايصير خير
انا.. طز فيك
الويكا.. عصب هكي هلباا ونزل من السيارة ومسكني من يدي
انا.. جبدت منه يدي ردبالك تمد يدك عليا مرة تانيه
الويكا.. هز براسه حاتندمي يافرخه
انا.. ط ز ف ي ك تازيري الى كانت تخاف منك ماتت
الويكا.. زيدي حانخليك ترعشي لما تسمعي بإسمي ف الجديد
انا.. مسكين انت عندك علم وقربت من سيارة هشام لقيتها مفتوحه وفيها المفتاح ركبت فيها ومشيت
الويكا.. مستأسدة بدت لكن توا تشوف ف الجديد
يتبع
أنت تقرأ
الويكا 🔥 ( روايات ليبية )
Любовные романыللكاتبة : القطة الشريرة تعتبر من اجمل الروايات العاطفية الليبية تدور الاحدات حول علاقة حب بين طرفين فما نهاية هذا الحب ❓
