امي فصليه فعانيت ( للكاتبه الاء حسين)

بارت الثاني

امي فصليه فعانيت

للكاتبه آلاء حسين

البارت الثاني
حزن\ اباوع بعيون ابويه بحزن كلت هسه ياخذه بس لا عافنه و راح للديوان و بيبي شمرت دولكه مي على امي بس ما صحت هي و واكفه تحرك بيه بالعوجيه و تضربه على رجليه عافته و راحت اجت سومه مرت ابويه تكمل الغده و امي بعده على نفس وضعه بالمطبخ و اني  خاله راس امي بحضني و ابجي بسكته و احاول اكعده بس ماكو اي فايدة ما تكعد كمل الغده و بدوا ينقلون الغده و دخل ولد شاب اول مرة اشوفه باوع علينه و كعد يمي
فهد\ شكو شنو صاير له
حزن\ خويه فدوة امي هايه ما ادري شبيه اخذه للمستشفى فدوة
فهد \ يلا جيبي عبايته و تعالي ناخذه

فهد\ السلام عليكم انه فهد ابن شيوخ  عمري 35 سنه متزوج و مطلك ما اتفاهمنه و طلكته كنه مرة معزومين بيت ابن عم ابويه سعد علمود جيته ابنه منير بالسلامه من السفر صار وقت الغده و ابويه كلي روح مع ولد عمك انقل الغده اني رحت اول ما وصلت المطبخ شفت بنيه شابه تبجي و بحضنه مرة جبيرة بس مو كلش بالاربعينات تقريبا و محد بحاله الكل يباعون عليهن و يمرون كانو ما موجودين سالته شكو شصاير جاوبتني و هي خايفه هايه امي كتله جيبي عبايته و خلناخذه للمستشفى بسرعه هي كامت و اجتي لابسه عبايته و جايبه الامه لفيناه بالعبايه و شلته للمستشفى خليته بالمقعد الورة بالسيارة و الابنيه كعدت يم امه وصلنه المستشفى دخلناه للدكتور و اني والابنيه بقينه برة لان الدكتور يريد يفحصه سالته منو هايه الامريه ليش محد ماخذه للمستشفى و يباعون عليه و محد بحاله
حزن\ خطيه هذا الولد اخذ امي للمستشفى و بقى الدتور و الممرضه يمه و سالني ليش مغمى عليه و محد اخذه شنو القصه جاوبته و اني عيني بالارض
امي فصليه اكيد لو تموت محد ياخذه مستشفى او يسال عليه
فهد بصدمه\ انت حزن بنت سعد
حزن\ اي اني ليش
فهد \ لا ماكو شي بس ما توقعت  عمي سعد و اهل بيته هيج يتصرفون ما عدهم رحمه
حزن\ بعدني ما راده علي طلع البدكتور و رحنه نركض علي
فهد\ ها دكتور بشر
دكتور مناف \ و الله يا ابني الحمد الله حاليا زينه و رجعت لوعيه بس
حزن بلهفه و خوف \ شنو دكتور بس شبيه امي
الدكتور مناف\ و الله يا بنتي الرئه عده تعبانه و لازم نسويله شويه تحاليل حتى نعرف
فهد\ دكتور انت شاك بشي
الدكتور مناف\ و الله يا ابني شاك عده المرض الخبيث بالرئه خطوصا هي مع كحته دم
حزن\ لا دكتور فدون لا تكول هيج ما الي احد بعد امي
فهدد\ حزن اهداي شويه خل نفهم من الدكتور شنسوي
الدكتور مناف\ ابني هل يومين تبقى يمنه بالمستشفى لحد ما انخلص التحاليل و نطمان على وضعه
فهد\ براحتك دكتور سوي التشوفه مناسب
راح الدكتور  و حزن احسه نهارت بالبجي احاول اهداه اشويه بس ماكو فايده
حزن\ امي راح تروح مني ما الي غيره بهل دنيا
فهد\ لا تكولين هيج ان شاء الله تكوم بالسلامه و و بعدين عنج ابوج و اهلج ليش هيج تكولين
حزن \  انت ما تعرف شي اني ما عندي احد و الي اسمه ابويه يكرهني لاني بنت الفصليه عمري ما سمعت احد من اهلي يناديني باسمي كله بنت الفصليه 
فهد \ يلا خل ندخل نشوف امج و ارجعج للبيت
حزن\ ما اريد اروح للبيت ابقى يم امي
فهد \ لا لازم ترجعين و ان شاء الله باجر امر عليج الصبح اجيبج لامج
حزن\ اها تمام بس باجر تاخذني اشوف امي
فهد\ وعد فهد ابن الشيخ عكاب ما يخلف وعده لو على كص ركبته
حزن\ ابتسمت بوجه و شكرته رحنه صعدت السيارة و عيني على المستشفى لحد ما اختفت رجعت للبيت اول ما دخلت رحت لغرفتي اني و امي و نمت ما اريد اشوف احد من هل وحوش الي بس بالاسم اهل

فهد\ رجعت حزن لبيت اهله و رحت لبيتنه لان كانت العزيمه خلصانه سلمت على ابويه و كعدت
شيخ عكاب\ بويه فهد وين اختفيت اليوم الناس سالت عنك ليش رديت
فهد\ بويه لازم سعد ما سولفلك
شيخ عكاب\ ولك كول عمي شني سعد حاف
فهد\ بويه ما يشرفني اكول على هيج واحد ما يخاف ربه عمي
شيخ عكاب\ يااا شني بويه شصاير و اشوفك حمكان
فهد\ بويه انت سلمت الفصليه قبل سنين لسعد و كتله امانه مو لو غلطان
شيخ عكاب \ حشاك بويه ما غلطان بس شني السالفه
فهد\ بويه اليوم من كتلي روح انكل الاكل وي الولد رحت و اشوف الفصليه فاقده وعيه و بكاع المطبخ و بنيته الدموع اربع اربع مخليه راس امه بحضنه و هم يشوفوه و يتعدون جنه ما موجودة و هل بنيه حزن تتوسل بالوادم يساعدون امه و هم لا حياة لمن تنادي
شيخ عكاب\ يا منعول السلفه يا سعيد ما تخاف ربك
فهد\ بويه اخذت ام حزن و حزن و رحنه للمستشفى و حالته تعبانه رئه تعبانه و يمكن شاكين عده المرض الشين
شيخ عكاب \ انه بوك يا فهيد اي و شصار وين الحرمه هسه
بويه \ الحرمه بالمستشفى الدكاترة ما  قبلو يطلعوه حالته صعبه و حزن رحجعته لبيت اهله هل انذال
شيخ  اعكاب انه راح اخابر سعيد و اراوي شلون تصرف
فهد \ عفت ابويه يرزل بسعد و انه صعدت فوك لان كلش تعبان
حزن\ كعدت الصبح كلش  تعبانه و راسي احسه راح ينفجر و بيبيتي تدك بالباب راح تخلعه من الدك
بيبيه حزن\ ولج بت الفصليه وينج تعالن انت و امج نظفن البيت انكلب هوسه من ورة العزيمه
حزن\ فتحت الباب و دفعته كتله امي راح تموت بالمستشفى انت شمعرفج
بيبيه حزن \ اي و طبه مرض شعلينه احنه خليه هناك اخت كتال زلمتي
حزن\ اش اش انتو شنو من بشر ما تخافون ربكم 
بيبيه حزن\  هاي عليمن احنه ما نخاف الله ولك سعيد تعال تعال شوف بتك
حزن\ اجه ابويه يركض و جرني من شعري بدون حتلى ما يعرف شصاير
بيبيه حزن\ حيل بيج يبت الفصليه احنه ما نخاف الله اراويج اشلون ما نخاف الله

فهد\ كعدت الصبح ابوي ما موجود سالت امي كالت راح لفصل مو بالمحافظه بغير  محافظه و طلع من الصبح بست را س امي و رحت لبيت ابو حزن اول ما وصلت الباب سمعت عياط دفعت البابو دخلت