امي فصليه فعانيت ( للكاتبه الاء حسين)

البارت الخامس عشر والأخير

امي فصليه فعانيت
للكاتبه الاء حسين
البارت ١٥ و الاخير

لؤي/ ولكم هايه حزن تصيح ... دفعتهم ردت اطب بس لزموني و هم هوايه ما اكدرلهم فجاة اختفه صوت حزن .... طلعت من بيتهم و توجهت الى بيتنه دخلت ابوي جان كاعد بالباب و قلق ....
حزن/ انه حجيت هيج و مرة ابويه ضربتني ضرب و اجه ابوي هم ضربني ..... شكو شكو .... تعال تعال شوف بتك ام الرجوله تجاوز عليه ..... ما ادري الضرب منين يجيني ضربوني لحد ما ملوا و راحو مرة ابوي سومه قفلت الباب وراه و انه بقيت اون من الالم ما اعرف جسمي يوجعني من الضرب او كلبي الي جرحه يزيد يوم بعد يوم و الله انه بعد ما اتحمل ....
لؤي / من وصلت ابوي كام ..... ها بويه وين جنت .... يابه انه رحت لبيت سعد و سمعت حزن تصيح باسمي فدوة يابه كلي شسوي ..... سعد راح الم اولاد عمامنه و نسوي كعدة ..... بس يابه خايف لا يسوون بيه شي .....لؤي يابه و الله هذا الشارب ازينه اذا ما جبته الك .... بست راس ابوي و صعدت للغرفه شمرت سترتي و كعدت عالجربايه افكر ندك الباب ....
مها / لؤي تعال تغدة ...... امشي ولي انه بحال غدة .... اسمعه نزلت و تدردم اسمعه تحجي على حزن ما تحملت نزلتله ....ولج مهاااا ....
ام فهد / خير يمه خير شكو تصيح
لؤي/ مهااا قسما بالله اذا جبتي طاري حزن على لسانج اكصه افتهمتي ...
شيخ عكاب / شكو بويه شمالك تصيح على كيفك احجي وي مرة اخوك
لؤي/ يابه خلي تحترم نفسه و تظب السانه
شيه عكاب / مهيمن ضب مرته يبوي
مهيمن/ حكك علي يابه و انت لؤي يخوي امسحه بوجهي
لؤي/ انه عفتهم و طلعت افتر بالسيارة ما اعرف وين اروح ضايج و احس الدنيا سودة بوجهي احسه صغيرة بكلبي نار لو طلعت تحرك العالم كله معقوله انه احب حزن هالكد .......
حزن / مرت يومين ووانه بالمخزن يمكن اكل مرتين انطوني و فضالتهم يعني حتى بالاكل يذلوني تفكيري كله بلؤي معقوله نساني او ما يريدني ليش بعد ما اجه اوووف يا ربي ساعدني و الله اشتاقيتله صح كم يوم عشت وياه بس حسيت بامان عمري ماوحاسته قبل ....
لؤي/ مرت يومين و ابوي خبر الكل بالي صار و ما رضوا على سعد اليوم الكعدة ننجمع بمضيفنه انجمع الكل و بدا النقاش .....
شيخ عكاب/ فصليه خذناه كبل سنين يطرده هي و بته بالشارع و المرة مريضه تحتضر انه اخذت البت و امه عاشت يمي جم يوم و ماتت الام و هي ابوه ما يريده زوجته ابني المرحوم فهد ....
الكل / الله يرحمه و يسكنه فسيح جناته
لؤي/ مشكورين بارك الاه بيكم
شيخ عكاب/ اي بويه نرد لسالفتنه بعد ما مات فهد هو عندة علم ليش ما حجه و كال اريده ترد اليه ليش هسه من تزوجت صار مسؤول عنه
سعد / طبعا احجي بت يوميه بحظن واحد نزلت راسي
ابو سعدون ( من العمام ) / عيب هالحجي يا ابو خالد (سعد)
شيخ عكاب / بويه انتو حاضرين و اريد تحكمون بالحق هو تخلا عنه من قبل لا ياخذه فهد و كل هالاشهر ما سائل عليه
ابو جبار( من العمام ) / و الله يا شيخ عكاب كلامك عالعين و الراس صح و سعد مو من حقه يحجي
لؤي/ اشتدد المناقشات و سعد يلعلع اخر شي تجاوز علينه ما تحملت هجمت علي ضربته بوكس و العالم تفاككنه
ابو مسلم( جبير العمام من بعد شيخ عكاب ) / كافي شو ما عدكم احترام للجبير
لؤي/ اسف يا عمي بس ما تشوف حجيه
ابو مسلم/ اي يبوي و انه ما راضي علي و انت سعد تفصل اللؤي
سعد / والله فلس ما انطي بصياح
لؤي/ انه ما اريد فصل اريد اشرط شروط ينفذهن
ابو مسلم/ كل الي تكوله يصير
شيخ عكاب/ اي وليدي كول شتريد يجرالك
لؤي/ اولا يرجع حزن ثانيا ينسى عندة بنيه لو شيصير ما يدخل بيه لو يشوفه بالشارع ما يسلم عليه ثالثا يعتذر من ابوي على تجاوز
شيخ عكاب/ انه ما اريد اعتذاره بس ماةاريد اشوف وجه بعد بمنطقتي
ابو مسلم / ها سعد شكلت
سعد / ها اي هاي هيه
الكل / يلا على بركه الله نروح نجيب حزن
لؤي/ راح ابوي و ابو مسلم حتة يجيبون حزن و انه انتضر على نار كل ساع اوصل باب الحوش و ارجع احس الوقت ما يمشي .....
حزن/ جنت كاعدة ابجي جان ينفتح الباب خفت يضربوني مثل كل يوم ضميت راسي بين رجليه و كمت اتوسل بيهم ما يضربوني .... فدوة لا تضربوني و ةلله بعد جسمي ما يحمل ضرب الله يخليكم ....
شيخ عكاب/ لا تخافين بنيتي كومي وياي ..... عمو فدوة اخذني .... اي بعد عمج جاي اخذج ....اخذني عمي و ويا رجال صعدني بالسيارة من ورة و انه حالتي يرثى لها ملابس مشككه من الضرب و راسي مجروح يجري دم عمي شيخ عكاب و الرجال الوياه عمي يسمي ابو مسلم يحجون على ابويه من شافوا حالتي وصلنه للبيت و اشوف لؤي واكف بالباب من بعيد وصلنه نزلت و ابو مسلم سلم و راح طبيت اول ما دخلت الطرمه لؤي اجاني و حضني انه ابجي و هو يبجي حتى عمتي ام فهد طلعت تبجي ويانه شالني صعدني فوك
لؤي/ شفت سيارة ابوي من بعيد احس كلبي طار اول ما نزلت ابوي غطاه بعباته و دخلت للبيت سلمنه على ابو مسلم و راح بعده حزن بالطرمه و حضنته ما٤ تحملت كانت حيل تعبانه كوة تمشي شله و صعدت فوك كتله دخلي سبحي و حضرتله ملابس انطيتهم اله من الباب و كعدت عالجربايه انتظره
حزن/ سبحت و اؤي انطاني ملابس زي هندي لون نيلي لبسته و طلعت شفته كاعد عالجربايه كعدت يمه و دموعي تجري كانه بركان
لؤي/ كعدت يمي و تبجي كل دمعه كان سكين و تدخل بكلبي جريته لحضني و نومته على صدري زادت دموعه ..... كافي حبي لا تشلعين كلبي
حزن/ مو بيدي ما عندي حظ كل ذنبي امي فصليه انه شنو ذنبي اتعير امي ما سوت شي غلط بالعكس ليش ندفع الثمن احنه
لؤي/ كافي حياتي خلص كلشي و بعد محد ياذيج .... تعالي اداويلج جرح راسج
حزن/ لؤي عاملني بكل حب و داوالي جرحي نومني بحضنه حسيت بامان و نمت ما دريت بروحي ......
لؤي/ نامت حزن خطيه نامت نومه عميفه كانه طفله بقيت اباوع بوجه بسته براسه و نمت كعدت بالتسعه نزلت فردوس سوتلي ريوك و كعدت بغرفه امي اكل
ام فهد / ها يمه وين حزن ..... نايمه يمه .... اي خطيه هم شمسوين بيه الله لا يوفقهم ..... لا تجيبين طاريهم يمه خلي يولون .... طبت مها
مها / ها عريس جا وين ست الحسن .... احترمي نفسج .... ولج مها كافي عوفي حزن بحاله .... عمه انه شكلت ..... لا ما كلتي شي ..... يمه رجاءا حزن تعبانه اذا ظلت مها هيج انه اخذه و اطلع ... لا يمه استهدي بالرحمن ....
لؤي عفتهن غسلت صعدت فوك حزن بعده نايمه نمت يمه خليته بحضني و بقيت افكر اخذه و ارجع اسافر
حزن/ كعدت شفت نفسي بحضن لؤي .... صباح الخير ...صباح النور شنو هل نوم هذا .... تعبانه صار يومين ما نايمه مرتاحه و لا حاسه بامان .... ها يعني بحضني تحسين بامان .... لا تحجي هيج استحي ...
لؤي/ مرت ايام و عايش احلا حياة مع حزن و هي اشوف الفرح بعيونه قررت افاتح ابوي بمضوع السفر
لؤي/ يابه يمه اريد احاجيكم بموضوع ..... اي ابني كول .... يابه انت تعرف انه خلصت عمري مسافر و ما اكدر اعيش هنا اكثر اريد ارجع الالمانيا .... بكيفك ابني بس حزن .... يابه اكيد اخذه ويايه و انه ان شاء الله اكمل اجراءات السفر و نطلع سويه .... بكيفك
حزن/ لؤي سوالي جواز و فيزة و كمل اجراءات السفر و قررنه نسافر حضرت جنطنه و نزلهم هو و انه امشي وراه و الفرحه ما سايعتني سلمنه على الكل و رحنه للمطار و سافرنه ✈ وصلنه دنيا غير و الناس غير كل شي يختلف لؤي عنده شقه بس صدك مال عزابي هوسه من وصلت لحد يومين انظف حياتنه جميله لؤي ما مقصر ويايه بشي و صار عندي ولد و بنيه توام سميناهم فهد على اسم اخو و منقذي و فرح عكس اسمي ردة و الى هنا و تنتهي قصتي و لا تتصورون انو بس الفصليه تعاني لا حتى اولاده و بناته حتى الاب يضوج منهم لان خوالنه هم سبب موت احد اهله و شكرا لمتابعتكم حزن تتابع تعليقاتكم