امي فصليه فعانيت ( للكاتبه الاء حسين)

البارت الثالث

البارت الثالث
امي فصليه فعانيت
للكاتبه الاء حسين
و دخلت شفت حزن بس ما مبين من وجه شي ما ضاله ملامح من الدم الحلك و الخشم يجرن دم و ابوه يملخ بيبه و الكل يتفرجون محد يدخل بس البيبيه تصيح حيل حيل بيه بت الفصليه
ما اتحملت دفعت ابوه و اجتي حزن ختلت ورايه و لازمه قميصي
حزن\ ابويه ضربني ضرب مو طبيعي و انه اصارخ من الالم بكل جسمي وجع ما حسيت الا احد دفع ابويه مني حسيت اجه منقذي شفت فهد ضميت نفسي ورا حسيته اماني و سندي
ابو حزن\ بصدمه فهد انت شجابك من صباح الله
فهد \هو انت هم تعرف الله
ابو حزن\ ولك فهد شني هل حجي
فهد \ التفتت الحزن و كتله  روحي غسلي و بدلي خل انروح
ابو حزن\ وين تاخذه
فهد\ اخذه الامه الي نايمه مستشفى من البارحه و محد بحاله
ابو حزن\ شوكت ترجعه
حزن\ فهد انه خلصت انروح
فهد \ يلا حزن امشي كدامي صعدي السيارة
ابو حزن\ مو احجي وياك شوكت ترجعه
فهد بصياح \بكيفي شوكت ما اريد ارجعه
ابو حزن\ ولك فهد شني بكيفك هسه اخابر ابوك و اكله على عمايلك و عدم احترامك
فهد\ اني احترم بس الي يستحق الاحترام
فهد عفته يدردم و صعدت السيارة شفت حزن و هي تبجي كتله حزن خويه اله 
اعالي صعدي ليكدام هسه الناس شتكول مصعد وياه بنيه تعالي هنا احسن
حزن\ بدون ما ارد نزلت و كعدت يمه ليكدام و مشينه بالسيارة و اني طول الطريق ساكته بس فهد يحجي وي ابوه على ابويه وصلنه المستشفى و صعدنه الامي جانت صاحيه و الممرضه يمه ركضت عليه و حضنته و ابجي هي هم كامت تبجي ويايه و دخل فهد
فهد\ دخلت لغرفه ام حزن شفتهم ثنينهم يبجون قهروني امه مسكينه عاشت حياته كله اهانه و ذل لان فصليه و تنتقلت الاهانه و الذل لحزن لانه بنت الفصليه الاثنين دفعوا ثمن خطا مو خطاهم
كتلهم شنو هل بجي و بست ام حزن من راسه شلونج خاله
ام حزن \ هلا يبعد اهلي مدري شلون اردلك معروفك هذا
فهد\ على بختج معروفيش هذا واجب عليه
دخل الدكتور بس وجه يوحي انو اكو خبر سيء

دكتور مناف\ اهلا شيخ فهد ممكن تجي ويايه شويه برة
فهد\ خير دكتور قلقتني
دكتور مناف \ نتكلم برة ايكون افضل
فهد\ اي اي تفضل دكتور طلعنه برة غرفه ام حزن كال الدكتور
دكتور مناف\ شيخ فهد المريضه مو تمام الي شاكين بي طلع مضبوط شكنه بمحله
فهد\ شنو قصدك بس لا
دكتور مناف\ اي اي بيه مرض السرطان بالرئه
فهد\ سمعت شي وكع التفتت و اشوف حزن جانت قريبه علينه الظاهر سمعت كلام الدكتور و اغمى عليه  ركضت شلته و دخله الدكتور فحصه كال ما بيه شي ضغطه هابط هسه بالمغذي ترجع تمام تقريبا ساعه الا يلا بدت حزن ترجع لوعيه
حزن\ فهد فهد امي راح تموت  و هي تبجي
فهد\ لا ما تموت ان شاء الله
حزن\ هي عنده مرض مو زين يعني ما تبقى
فهد \ دخل دكتور مناف
دكتور مناف\ ها حزن شلون صرتي
حزن\ و هي منهارة و تبجي مو زينه مو زينه
دكتور مناف\ انت لازم تصير ين قويه  علمود امج اذا انت ضعيفخ لهلدرجه امي مو يقويه و يساعده
فهد\ كلام الدكتور صحيح يلا صيري سباعيه و كومي اوكفي وي امج
دكتور مناف\ شيخ فهد تعال لمكتبي عندي وياك كلام مهم 
فهد\ حاضر هسه جاي وياك
رحنه اني و دكتور لمكته و كلي
فهد اني ما اكذب عليك ام حزن بالمراحل الاخيرة من المرض و ما بيدنه شي تبقى هي و رب العالمين
فهد\ دكتور يعني ما نكدر نسويلهعمليه او كيمياوي
دكتور مناف \ و الله يا شيخ لا عمليه ما يصير المرض ماكل كل رئاته الاثنين منتشر مريضه من زمان و ما حاسه على نفيسه او هي ساكته عن مرضه
فهد\ بقيت بصدمه شلون اكول لحزن هايه ايام امج الاخيرة اوووف يا حزن شكد تتحملين بعد قسوة
دكتور مناف \ اليوم راح نخرجه و انتو ديرو بالكم عليه بهاي ايامه
فهد \ ان شاء الله رحت اخذت حزن و امه و وصلتهم لبيتهم من الباب و رجعت البيتنه نمت احس  راسي راح ينفجر من التفكير كلت خل انام بلكت شويه انسى هل هم الي ما ادري منين اجاني