ي فصليه فعانيت
للكاتبه الاء حسين
البارت ١٤
ما احس الا واحد حضني دير وجهي لؤي .... شبيك لؤي لحد يجي .... عادي مرتي و بكيفي ما مسوي شي حرام .... راح لؤي و اني ما ةغرف ليش ابتسم طبت مها ..... ها عيني شبيج خبله و تضحكين وي روحج .....٠مها عفيه انه ما محاجيتج اني لا تحاجيني ...
لؤي/ من تقربت لحزن احس نفسي صرت احبه لا اعشقه حبيته اعجابي بيه قبل الزواج تحولةحب و عشق بعد الزواج بس المشكله مها و فردوس ايد ما جازن منه و دائما اكو مشاكل
حزن/ مشاكلي مت مها و فردوس نفسه حتى بعد ما تزوجت لؤي ما قلت بالعكس زادت دائما مها تسمعني حجي انو اني نسيت فهد و تزوجت اخو و هكذا مرة اسمع صوت عرك بالديوان كلنه كمنه نياوع من شباك المطبخ كان الديوان مبني خارج البيت دخل مهيمن كام يحجي لان واكفين نباوع دخلنه بالهول دخل لؤي عيونه شرار هو و شيخ عكاب ..،..
شيخ عكاب / شلون بشر ما يستحي بعد كل هل سنين جاي يهد
ام فهد / خير شيخنا قلقتنه شنو صاير
شيخ عكاب / هذا سعد ابو حزن جاي ياخذه يكول شني ما كتولي من زوجتوه مرة ثانيه
ام فهد / يااا هم حكه الزلمه كا اخذنه شورة
لؤي/ يممممه شني حكه هو مو ذبه هسه جاي يريد يصير مسؤول عليه
شيخ عكاب/ اي ابني غثبن علي ما يدخل انت زلمته و مسؤول عنه و حلجه ما يفتحه
مها/ ما وراج بس المصايب بت الفصليه
لؤب/ ولللج احترمي نفسج انه هوايه سكتتلج بس انت مو مال احترام
مها/ شني بويه انه مجذبه هي مو بت الفصليه لو نكتله ما يطلعله واحد وراه
مهيمن / كافي هيب هلحجي مها
حزن/ النقاش كل شويه يشد و يصير حامي و انه ما اسوي شي بس دموعي على خدي مثل النار احس بصدري بركان و يريد ينفجر يا ربي ما مقسوملي الراحه ... ثعدت لبست تراك نيلي و بي كتابه بيضه نمت دخل لؤي ..... حا حبي كاعدة .... اي .... تعالي بحضني ..... نمت بحضنه و انه احس نفسي راح انفجر من البجي .... كافي حياتي شنو عالبجي .... هىء هىء .... ولج كافي كطعتي كلبي و الله لو اعرف اموت ما اخلي ابوج ياخذج ..... لا تكول هيج اسم الله عليك من الموت يومي قبل يومك .... حياتي لو اموت ما اخلي احد يمس شعرة منج .... انه منو الي من بعدك اسم الله عليك ..... نمت بحظنه غفيت ما ادري بنفسي كعدت ثاني يوم لؤي موةيمي بدلت و نزلت صبحت على عمتي و سالته على لؤي كالت راح وي شيخ عكاب لكعدة بغير محافظة اوووف ضجت كملت الشغلةالعليه و صعدت سبحت و لبست زي هندي اسود و ذهبي نزلت كعدت يم عمتي بالخديقه ما احس الا ابوي و اخواني فتحوا الباب و طبو شافوني
خالد اخو حزن/ تعالةبويه هايه كاعدة هنا ..... روخوا لزموه شمتانين ...
حزن/ اخواني و ولد عمي جروني و اخذوني الخجيه او فهد كامت تصيح و تلطم بس ما بيده شي هم زلم بسلاح و هي مرة وحده محد بالبيت مها و فردوس واكفات يم باب المطبخ بس يباوعن اخذني ابويه سحل من شعري حتى الشال وكع و صعدني بالسيارة
ابو حزن/ ولج ك.. ة سا.... ه نزلتي راسي تتزوجين مرة ثانيه ام الرجوله
حزن/ انه بس اسمع ما اكدر احجي يمكن يموتني اذا حجيت وصلنه للبيت و كاني واصله لمشنقتي نزلني ابويه و اخويه خالد و الباقين يمشون وراهم دخلوني البيت و انه بس ابجي بسكوت تلكتني بيبيتي و مرة ابوي ضرب و شتم .... بت الك.... بت الكلبه .... الخ من الغلط و الافشار بس من سومه مرة ابويه كالت انت يمكن بت حرام ما طالعه علينه لا بشكلج و اخلاقج انت بت حرام شوفي منو ابوج هنا اني ما نحملت كتلهم امي شريفه اشرف منج و من عشيرتج هنا ابوي ضربني ما اعرف بشنو على راسي بعد ما حسيت بشي ....
في بيت شيخ عكاب
ام فهد / السلام عليكم .... هله و عليكم السلام شلونج حجيه ..... ةلحمد لله انتو وين ... راح نوصل صاير شي ..... هااا لا بس اسال عليكم .... ام فهد امت مو على بعضج احد صايرله شي ..... تعالو و اسولفلكم مع السلامه ... مع السلامه ... غلقت السماعه
مها /من اكول بت الفصليه ما وراه بس المشاكل محد يقبل
فردوس / مها مو وقت هالحجي
مها / يمعودة ملينه من السكوت جبتوه من الشارع و لبستوه براس فهد و نوب لؤي خلي تولي
ام فهد / يكتي ولج خل يجي شيخ وةيعرف يكص لسانج
لؤي/ انه ناغزني كلبي و من ام خابرت ابوي و كالت تعالو قلقت اكثر وصلنه البيت ورة الظهر طبينه تلكتنه امي تبجي و مخرطه خدوده
شيخ عكاب/ شكو يا مرة احجي .... حزن يشيخ عكاب ....شبيه .... ابوه اخذه
لؤي/ انه بدون وعي ركضت شخطت السيارة لبيت سعد وصلت بيتهم دفعت الباب و طبيت ... ولك سعد اليوم اطيح حظك ... انت شلون تجي بيتي و تتجاوز عليه ..... و لك انت شلون تدخل بيتي و تاخذ مرتي بدون علمي ....
حزن/ مر وقت و انه بغير عالم صحيت اشويه افتريت بالغرفه هايه غرفتي انه و امي مسويها مخزن انجيت على كواني تمن ما ادري طحين و كعدت افكر بلؤي يا ترى من يرجع هم يسال عليه لو يكول خلصت منه
لؤي/ على اصواتنا انه و سعد و ولدة فجاة سمعت حزن تنادي باسمي تخبلت بالزايد ...
حزن / سمعت صوت لؤي اي اي هو حبيبي لؤي كمت ادكتوعالباب و اصيح لؤي لؤي حبيبي تعال و الله راح اموت ما حسيت الا مرة ابويه داخله عليه و ضربتني و كعدتني بالكاع ...
سومه زوجه الاب/ ولج والله اذا اسمعلج حس تشوفين نجوم الظهر بنت الفصليه ام الرجوله سنه على وفاه رجلج اخذتي اخوه
حزن/ انت شعليج محروك كلبج على فهد لو عليه لو علىةلؤي لو تريدين ترجعيني هنا اظل خدامه مثل ما سويتن امي خدامه ...... يتبع
