امي فصليه فعانيت ( للكاتبه الاء حسين)

تكملة البارت التاسع

امي فصليه فعانيت

للكاتبه الاء حسين
تكمله البارت التاسع

فهد/ يلا رايح
ام فهد/ الله وياك بعد امك
حزن/ شكد استحيت من كال شوفي نيشانه اباوع على مها و اهته اساور كامت تطلع من عيونهم شرار كانو يردون ياكلوني ام فهد دخلت لغرفتي و سدت الباب كالت .... ها يمه بشري شلونه فهد وياج ..... الحمد الله خاله زين ..... يمه انت صعدي ملابسج و غراضج بعد صعديهم بغرفت فهد بعد هي صارت غرفتج ... صار خاله .... لميت ملابسي كلهم و صعدتهم فوك رتبت الغرفه و عطرته لبست فستان اسود مخصل عالجسم و شال اسود نزلت لكيت فهد جوة كاعد يسولف مع شيخ عكاب ابوه و اساور لازكه بي شكد ما تستحي صحته ..فهد لو سمحت ممكن تجي دقيقه .... فهد جاي وراج .... دخلت غرفتي الجوة و دخل ورايه ..... فهد شنو اساور لازكه بيك ما تستحي ...... و اني شسويله هي كاعدة اكله كومي .... اي كله كومي اني رجال متزوج...... هههه لا والله انه الشيخ فهد تردين يكولون يخاف من مرته و بعدين بكيفي اكعد يمه يم غيره هذا الشي راجعلي انت ما الج دخل مفهوم ....... فهد شنو ما الي دخل انه مرتك و الي حك عليك ..... انت مرتي بس انه رجال بكيفي حتى اذا اتزوج ما الج دخل .... شنو تتزوج ..... اي الشرع محللي اربعه و انت مو من حقج تدخلين و بعدين شنو نسيتي الظروف التزوجنه بيه ... طلع فهد و انه بقيت مصدومه هذا شبي مرت ايام و فهد على حاله ما تغير ياخذ حقه مني و يطلع بدون اي كلمه ما يسمحلي اناقشه باي شي و اشا حجيت يعيرني بالظروف التزوجنه بيه و يوم بعد يوم يثبتلي هو كارهني و انجبر على زواجنه صحيح اني بديت احبه بس هذا ما يكفي و كل موقف يصير و انه انصدم لحد الان صار على زواجنه ثلاث اشهر و فهد يوم زين و عشرة لا الا ان ...... يتبع انتظروا البارت العاشر غدا
اكرر اسفي لتاخر بالنشر