امي فصليه فعانيت ( للكاتبه الاء حسين)

البارت السادس

البارت السادس
امي فصليه فعانيت
للكاتبه الاء حسين

شيخ عكاب/ ام فهد صيحيلي حزن
ام فهد/ حاضر هسه اصيحله ..حزن يمه حزن تعالي عمج يريدج
حزن/ حاضر خاله جايه رحت لشيخ عكاب و انه الدموع تجري ما يوكفن احس راح يكلي روحي وي ابوج وكفت كباله و انه امسح بدموعي تفضل عمي صايحني عمه ام قهد كالت
شيخ عكاب / بويه حزن انت سمعتي ابوج من اجه يصيح و يغلط و احنه ما بينه حيله
حزن/ فدوة عمو لا ترجعني لبوي ابوس ايدك خلوني خدامه هنا بس لا ترجعني لبوي
ام فهد/ هدي يمه هدي خل عمج يكمل كلامه
شيخ عكاب / بويه حزن انه ما اريدج خدامه انت بت ابن عمي اريدج جنه هالبيت
حزن/ بصدمه جنه عمو شلون
شيخ عكاب / تقبلين بفهد ابني زوج الج انه ما اغصبج على شي بنيتي
حزن/ بصدمه اباوع لم فهد و ارد اباوع لشيخ عكاب
ام فهد/ يااا شبيج يمه الشيخ يسالج تقبلين بفهد لو تردين لهلج عبن احنه كلنه لبوج هي مرة فهد و الا جان اخذج
حزن/ اذا اتزوج فهد اخلص من ضيم ابوي و مرته و هو فهد شبي الف وحدة تتمناه بس خاف هو ما يريدني و اهله غصبوا و يكرهني بعدين يا ربي ساعدني (بينه و بين نفسه)
شيخ عكاب/ ها بويه شو صافنه شني ما قابله لو ابالج احد و الله هسه اجيبه و ازوجج ياه انه اخاف الله ما اريد اظلمج
حزن/ لا لا عمي انه بس جاي افكر اي عمي فهد الف وحدة تتمناه و انه لو الف الدنيا ما الكه ناس بكرمكم و اخلاقكم
ام فهد/ هاا يعني موافقه
حزن/ بخجل اي خاله
شيخ عكاب / عيل فهد راح يجيب الشيخ يعقدلكم
ام فهد/ يلا يمه روحي حضري نفسج
حزن/ بس يا خاله ما اريد اذب الاسود و امي بعده اربعين كا طالعه كلبي ما يطيني
ام فهد/ لا يمه من كال ذبي روحي لبسي جادر صلاة ابيض على كد العقد
حزن/ ابتسمت شكرا خاله ما اعرف شلون اجازيكم

فهد / رحت جبت الشيخ تلكانه ابوي و اخواني بالباب
استقبلوا الشيخ و دخلنه الاستقبال و دخلت حزن لابشه مال ثلاه ابيض تم العقد و راح الشيخ

حزن/ كنت كلش خايفه و متوترة دخلت للاستقبال و ام فهد ويايه الشبخ بدة يقراء ايات و طلب موافقه الطرفين و تم العقد بسلام خلص العقد
ام فهد / مبروك عليكم يلا يمه يلا شيخ خل نعرف العىسان وحدهم يحجون شويه يتفاهمون
فهد/ امي طلعت الكل و طلعت بقينه اني و حزن
حزن تعالي يمي هنا اريد احجي وياج
حزن/ صار رحت كعدت يمه بس مو كلش
فهد / حزن زواجنه صار مفاجىء و لا اني متعود عليج و لا انت تعرفيني و متعودة عليه انت ابقي بغرفتج و انه بغرفتي لحد ما نتعود على بعض و الله كريم
حزن/ ابتسمت بوجه شكرا فهد
فهد/ على شنو تشكريني زيزو
حزن/ على كل شي و اسفه لان خليتك بهل موقف و انجبرت تزوجني حتى ابويه ما ياخذني
فهد/ اولا انه فهد ما عاش الي يجبرني على شي انه اخذتج برضاتي لو ما انه مقتنع بكلام ابوي جا ما خذتج و انت بعد منا و هيج جنه بالبيت حالج حال نسوان خواني ما اريدج ٢٤ ساعه بالغرفه تبجين
حزن/ ابتسمت ان شاء الله
فهد/ تم زواجنه انه و حزن و وضحتله كم شغله و ان شلء الله اكدر اسعده

حزن/ خل اعرفكم على اهل فهد مكان عمله فهد يشتغل مدير بشركه و عنده ٣ اخوة ايمن متزوج مها و عندة ٣ اطفال و مهيمن متزوج استبرق عندة ٥ اطفال و لؤي ما متزوج اصغر من فهد بخمس سنين مسافر برة من فترة طويله ما يقبل يرجع و اما ابوه و امه اطيب ناس شفتهم بحياتي عندة اخت وحدة اسمه منى متزوجه ابن عم فهد ايهاب و عايشه قريبه عليهم بيتهم بعد شارعين من بيت ابو فهد بعد العقد جنت اشوف مها تخزر بيه ما اهتميت اله كلت جوز هي هايه نظرته دخلت لغرفتي نزعت الجادر و لبست شال اسود طلعت لكيت مها و استبرق يسون عشه بس الي استغربته مها تحجي عليه
مها/ جابلنه وحدة من الشارع حتى ابوه ما يريده
استبرق/ اش شبيج لحد يسمعج
مها/ اووف لو اعرف شعجبه بيه جا ارتاحيت بت الفصليه
حزن/ ضحكت رغم الدموع تجري هلى خدي يعني حتى هنا ما خلصت من كلمه يت الفصليه يا ربي ساعدني
شيخ عكاب/ بويه حزن تعالي هنا
حزن/ امرني بويه
شيخ عكاب/ بعد ابوج باجر روحي انت و منى للسوك و اشتري نيشانج انت بنيه و من حقج
حزن/ لا يابه مشكور انه ما محتاجه شي
ام فهد / لا يمه اخذي لا تردين عمج هو حسبه ابوج
حزن/ و الله خاله هو ابويه ابويه ما سوالي زين بكد عمي عكاب
شيخ عكاب/ عيل تلزمي و باجر ترحين وي منة و اشتري كل الي تريدينه
حزن/ اخذت الفلوس و بسته من راسه
ام فهد/ تعالي وياي حزنونه
حزن/ اي خاله رحت وراه طبينه لغرفته طلعتلي صندوق وسط فتحته و طلعت منه ....
تابعوا البارت السابع انزله غدا ان شاء الله