امي فصليه فعانيت
للكاتبه الاء حسين
البارت العاشر
الى ان بيوم نزلت بعدني عالدرج و اسمعه يحجي وي ابوه ...... يابه انه اريد اتزوج ..... شني بويه مو معرس ..... بويه الشرع محللي و انه لا مسوي شي عيب و لا حرام ... ولك ابني اابنيه ما تستاهل تاخذ على راسه شريجه هي ما مفصرة وياك لو انه غلطان .... لا يابه حشاك من الغلط هي تبقى معززة مكرمة .... انه سمعت هالكلام و ركضت لغرفتي بجيت بجي لحد ما كلت بس يا ربي فدوة انه شمسويه بحياتي حتى هيج تجازيني يا ربي امتحانك صعب و انه بعد ما اليه قدرة اتحمل انه صحيح ما حبيت فهد بس هو سندي الوحيد انه وين اروح بعد ما ياخذ مرة على راسي يا ربي ساعدني ما الي احد اشكيله غيرك ... نزلت جوة كاني ما سمعت تمشي ايام و كان يوم خميس كنه كاعدين نتغدة جان فهد يكول ... يابه شصار على موضوعي باجر نروح نخطب مو .... شيخ عكاب حزرة و ضل ساكت جاوبته عمي انه ادري بفهد راح يخطب الف مبروك بس اريد منك طلب لا تردني .... الكل بصدمه شني بويه امري ... ما يامر عليك ظالم بس فهد بعد زواجه ما اريدة يوصل غرفتي و انت بعد فهمك كافي ..... شيخ عكاب باوع لفهد بنظرة عتب ممزوجه بغضب و رد عليه ..... تامرين فهد بعد يحلم يشوف ظفرج و انت روح طلع غراضك من الغرفه و ممنوع توصله ... لا عمو انه راح انزل لغرفتي جوة .... بكيف بويه البيت بيتج المكان التردي اخذي .... بست راسه و صعدت الم ملابسي و صعدلي فهد
فهد/ حزن
حزن/ باوعت على و رجعت الم ملابسي ما رديت
فهد/ مو دا احجي وياج انت شنو هل حجي الحجيتي شني ما تردين اوصل غرفتج انت مرتي و الي حقوق عليج
حزن/ ههه و الله ضحكتني مرتك اول شي عاملني مثل مرتك بعدين احجي لك انت تعاملني كاني وحدة رخيصه تاخذ حاجتك و تعوفني بمكاني مثل الجلب
فهد / (طراخ ) ولح طالت لسانج بت الفصليه لميتج من الشارع و جايه تعلين صوتج عليه
حزن/ اي اي انه بت الفصليه الفصليه الي طول عمره عايشه بضيم و ذل و عمره ما شكت اي انه بت الفصليه الي لميتني من الشارع بعد ما رماني ابوي اذا هو ابوي ما يريدني انت تريدني انه ادفع ثمن غلطه مو غلطتي و امي دفعت ثمن غلطه مو غلطه امي ارفع راسي بيه الفصليه مو عار الفصليه شرف و رفعه راس لهله و عشيرته منعت بحر دم على حساب حياته و حياه اطفاله انت شنو من بشر انت ما عندك احساس
ما احس الا الضربات من كل مكان تجيني و انه اصرخ ابوه و اخوانه يدكون عالباب و هو و لا يمه
غدا تكمله البارت العاشر تحياتي
