اريد تفاعل متابعه لحسابي ليصلكم كل جديد من كتاباتي متابعتكم تشجيع لي مع تحياتي
القصه كامله
احببت مجرم
للكاتبه آلاء حسين
لسلام عليكم رفل من سكنه كربلاء شكلي حلو عيوني جوزي و مربربه بيضه عمري 19 سنه من اتزوجت ابن خالتي راكان كانت بالبدايه حيالتنا كانت حلوة بعد اربع اشهر من الزواج صرت حامل و جبت ابني حسن و بعده ابني حسين زوجي تغير عليه من صرت حامل بابني حسين اكثر من مرة اسمعه يخابر و يواعد بنات واجهته اكثر من مرة كان ينكر او انت الاصل و هن نزوة الى ان اجه اليوم الي كشفته على حقيقته كنت يم اهلي اخويه وصلني لبيتي من دخلنا اني و ابويه للبيت شفته زوجي مع وحده بفراشي منظر مقزز ابويه اتعارك وياه رجعت لبيت اهلي و كلهم اني ما اريده و طلكني هو اخذ الجهال كال اذا تفكرين تكولين اريد الجهال انشر صورج
رفل \شنو يا صور
راكان\ صورتج و انت نايمه كلت اضمهم للوقت المناسب و هسه اجه وقتهم ولدي امي تربيهم
رفل\ انت شكد نذل تصور مرتك
راكان \ شنو انت تريدين تاخذين ولدي تربيهم تربيه مو زينه اني اربيهم
رفل\ انت شلون تربيهم مثلك يطلعون تريد
راكان\ اسوة راسج اني ولج
رفل \ اخذوا جهالي من حضني و اني اصيح فدوة رجعوهم خطيه جانوا صغار كتن حسن عمرة سنتين و حسين سنه بجيت و لطمت عشت ليالي و ايام و اني ابجي و انوح ما اكدر اخذهم ختف على شرف اهلي ما اريد ينزل راس ابويه بنفس الوقت اموت باليوم الف موته على اطفالي مرت ايام و اني ما شايفه اطفالي حاولت اكثر من مرة اشوفهم بس كان راكان و امه يطردوني و ميخلوني اشوفهم صارت بيه حاله نفسيه كمتما اكل و اطلع من الصبح للعصر اوكف قريب على باب بيت راكان لعل بالصدفه اشوف اطفالي اهلي اخذوني الاكثر من دكتور و علويه بس ماكو فائده كمت ما انام واذا نمت اشوف كابوس انو صاير شي الاولادي و اكعد اعيط قرر ابويه نرجع للناصريه لان احنا كان اصلنه ناصريه و كل كرايبنه بالناصريه فترة و رجعنه للناصريه باع ابويه بيت كربلاء و اشترى بيت بالناصريه احنه حالتنا الماديه مو هلكد و احنه 4 بنااااااات اخواتي كلهن اصغر مني يدرسن مسؤليه و صرف خطيه ابويه كام ما يلحك علينه و اني كنت هوايه اضايقهم بالمصرف كانو يوميه موديني لسيد او دكتور بدون فائده فقررت بعد ما اروح لاي احد و الله يشافي جروحي كما قررت اشتغل حتى اساعد ابويه و ادور شغل اني خريجه سادس علمي فتريت هوايه لحد ما لكيت شغل بصيدليه الحمد لله بدات اشتغل بالصيدليه تغيرت نفسيتي شويه بس لحد الان الكوابيس تجيني مرة و اني رايحه للصيدليه طبكت عليه سيارة و اخذوني ما اعرف وين لان شادين عيوني و حلكي حاولت افتح ايدي ما كدرت رابطيني حيل مشينه تقريبا 6 ساعات نزلوني و شمروني بغرفه فتحوا اديه و عيوني الحمد الله متت كمت ما احس باديه مرت يومين و اني بالغرفه كانو ايجيبولي الاكل و يرحون و كان اكو حمام داخل الغرفه اجه عليه ولد ملثم اخذني نزلني جوة لان هم كانو حابسيني بغرفه فوك نزلني جوة شفت ولد شاب كاعد و الي حوالي كلهم ملثمين
