دخلت لغرفة فهد لكت فهد بالحمام نتبهت موبايله موجود وهي بسرعه اخذته
فتحته دخلت على القائمه من وصلت للاسم حست قلبها راح يوقف من الخوف والتوتر وبسرعه نقلت الرقم لموبايلها خلت الموبايل بمكانه وطلعت من الغرفه
ركضت لغرفتها قفلت الباب وكعدت على السرير وبثقه لزمت موبايلها ومقررة تنفذ مخططها
فارس وهو بغرفته متمدد ويفكر اجا اتصال
صوت ناعم :الوو
فارس بصوت خشن : الوو من وياي
البنت :اكدر احجي وياك كلمتين
فارس : اعرفج اني علمود تحجين وياي
البنت :ياريت مااعرفك جان مو هذا حالي سمعتك راح اصير زوجي وتصلت امنع الماساة الي راح اصير
فارس متفاجئ:زمرد
زمرد :اي ياابن عمي زمرد الي نهيت عليها
فارس :منين جبتي رقمي
زمرد :مومهم منين جبت الرقم اريد اتكلم وياك
فارس : بخصوص شنو تكلميني مابينه كلام أني وياج
زمرد وهي تهدى نفسها : ياريت مابينه بس مجبور اكلمك المهم ممكن اعرف سبب التصرف الي سويته
فارس :قصدج على النهوة
زمرد شوي وتنفجر:اي
فارس :ماكو سبب بس بنت عمي وريدج
زمرد :عندك بنات عم هواي روح اخذ منهن شكو تجيني
فارس بكذب : مااريد الهواي اريدج انتي
زمرد: انت لو رجال صدك ماتجبر وحده تاخذك وتدري بيها تكرهك
فارس وهو عصبي :عبالج من تكليلي هجي اتراجع وكلج اي اني رجال وتركج متدرين بهذا كلامج تخليني اتمسك بيج اكثر علمود ادبج وعلمج شلون تحترمين وتحجين عدل
زمرد وهي تساوي روحها ماتخاف :ماراح تخوفني بكلامك هذا
فارس بعناده : مدام ماتخافين جا حضري روحج لراح تسمعينه باجر
وطبكه بوجهه وهي شمرت الموبايل وضلت تبجي
ثاني يوم الصبح نزلت تريد تروح للجامعة لكت ابوها وامها واخوانها جاي يتريكون
زمرد بهدوء :صباح الخير
الكل :صباح النور
منتظره اخوها فهد يوصلها
ام زمرد :تعالي اكلي شوي قبل لاترحين
زمرد :مااشتهي ماما بعدين اكل
فهد : يالله امشي
طلعت زمرد قبل فهد وصعدت شوي اجا فهد صعد ومشى والسيارة هادئ بس صوت انفاسهم قطع الصمت فهد
فهد:زمرد انتي بخير
زمرد بهدوء: اي بخير من نهوة ابن عمك
أنت تقرأ
نهوة خلفها حب
Romanceفتاة تجبر على الزواج من ابن عمها الظابط الذي تكرهه جدا لان يتدخل في حياتها من الطفوله
