وستجد كل مايذكرك بي الأ انا
لن تجدني
بعد شهريين من روحت زمرد لبيت اهلها رجع فراس من السفر دخل فارس للغرفه ويتخيلها موجوده بكل مكان
راح على كنتور ملابسها وظل يشم ريحتهن
وهو يفكر شنو سوت بيك هاالطفله يافارس لهذرجه ماتكدر بدونها وهو جاي يتلمس ملابسها ويشمهن
لكه دفتر بناتي طفولي ضخم شكله قديم
قبل لايفتحه ويقرا المكتوب بي كلبه يوجعه كام حس راح يكتشف شي زمرد ماردت يعرف بي
فتحه اول صفحه لكه بيها شخابيط و مكتوب بخط مامرتب عدل مكتوب
لهسه اذكر اليوم الي عمي محمد مات بي صح صغيرة بيها بس مايروح من بالي .....
جانت خالتي ام فارس نايمه على الكاع والنسوان مغطينها جانت مريضه وتبجي هواي
اني هم بجيت هواي هواي لان شفت ماما والنسوان يبجون حتى بابا شفته بجه
بس فارس مابجى ابد بس جان شايل ريم طول اليوم وريم تبجي اجيت اريد اخذه منه بس دفعني اني اجيت اخذ ريم منه لان شفته تعبان وريم اكيد جوعانه ردت اخذه لماما توكلها لان مااكلت من زمان
صفحه ثانيه
اليوم فارس ضربني لان لكاني لعب ويه اولاد خالتي
وكلي مرة الثانيه اذا لكيتج تلعبين وياهم اموتج
اصلان مو اول مرة يضربني تعودت دائما يلكه سبب علمود بس يضربني لو يضوجني
الصفحه الثالثه
واني وراجعه من المدرسه لكيت فارس واكف ويه اصدقاء بالباب اصدقاء راحو بس هو لحكني وضربني وكلي بعد اذا شفتيني واكف ويه واحد لاترفعين راسج لااكسر الج وتمشين وانتي مدنكه سمعتي وتعالي ليش حجاب ملابسه اذا شفتج بعد بدون حجاب هذا شعرج اقصه الج سمعتي عدل
بس اني ماسكتت وكتله مالابس وشتريد اسوي انت لاابوي ولااخوي وشردت قبل لايلزمني
بس من رجعت للبيت رحت لماما وكتلها على حجاب تشتريلي بس اذا شفت فارس انزعه علمود مايشوفني سمعت كلامه خلي ينقهر شوي
وماما بيومها تفاجئت لان طلبت لابسه كم مرة طلبت البسه ورفضت مااحب لابسه بس هسه ختلف فارس طلب مني الابسه ومااكدر ماااسمع كلامه لان هذا فارس تعرفون شنو فارس
وصفحه وراء صفحه تذكر زمرد فارس بيهن
والي اغلبها فارس مايذكرها اصلان
بس صفحات زمرد مليانه بإسم واحد وهو فارس
والدفتر يتكلم عن حداث صارت بينه وبين زمرد والي اغلبها فارس ناسيها وكل الي جانت اساوي زمرد لفارس مغلفة بالعناد والكره لانها خايفه من فارس ومن تصرف فارس اذا سمع تحبه واغلب الصفحات تبدي بمشاكلهم وعنادها وتنتهي بضرب فارس لزمرد
ومن بلشت زمرد تلقب فارس (بالمعقد )
وفارس يلقبها(بالعنيده )لان دائما تعانده
وقلب صفحه اخرى بدا الخط يصبح اجمل ومرتب اكثر وبدا التغير بي عدد الصفحات صار لكل صفحه تاريخ والوقت واغلبها بالليل
أنت تقرأ
نهوة خلفها حب
Romanceفتاة تجبر على الزواج من ابن عمها الظابط الذي تكرهه جدا لان يتدخل في حياتها من الطفوله
