نهوة خلفها حب

22

-مابك !
-قلبي يؤلمني !
-لماذا !
-خيبه وراء اخرى وموت على قيد الحياة !

"وإذا سالوك عني قل لهم هي
الفتاة الوحيده التى احبتني وصبحت دمانها وأنا كسرتها "

لقررو هذا الاسبوع عملية زمرد

طلعت هي وريم للزيارة ويشترن اغراض الاطفال الناقصه

بالطريق وتصلت بيها نور اخت رشا ريم كلتلها لاتردين عليها بس زمرد ماسمعتها وردت عليها

تغير وجهه زمرد و بسرعه اتصلت بفارس بس فارس مارد عليها اتصلت مرتين
وريم تسالها شكو ماجواب بس تبجي وخذت ريم ومشت

اخذن سيارة وصلن لعنوان بيت اخذته زمرد من نور

بعد مانزلن من السيارة

ريم وهي خايفه : زمرد بس فهميني شكو شرادت نور منج شعدنه اجينه هنا

زمرد : فارس ياريم فارس هنا

ريم : شعند فارس هنا وليش اجينه بيت منو هذا

زمرد : بيت رشا هذا

ريم بصدمه : فارس شنو يساوي هنا يم رشا

ماردت عليها زمرد تقدمت ادك الباب

فتح الباب فارس وطلعت وراء رشا

فارس نصدم من شاف زمرد : زمرد

زمرد دكت الباب وغمضت عيونها تمنت مااشوف فارس بس مو كل الي تتمناه يتحقق

زمرد اول ماسمعت صوت فارس فتحت عيونها وبسرعه نزلن دموعها من شافت رشا واكفه وراء : اي زمرد الغبيه الي بكل مرة ترجع تضحك عليها وتكسرها

فارس: زمرد فاهمه الموظوع غلط اجيت بس
زمرد: شنو بس مايحتاج كل شي واضح وكفتك انت وياه شرحتلي كل شي

ريم وهي تبجي : فارس شعندك هنا

فارس: انتن شعدجن هنا وشعرفجن بالعنوان هذا

ريم : سال رشا هي خلت اختها تتصل بزمرد

فارس من سمع هجي دار على رشا وتقدم منها

فارس وبعصبيه ضرب رشا : اليوم موتج على يدي أنتي هواي تجاوزتي حدودج فقد السيطرة على نفسه وظل يضرب ويرفس بيها وهي تبجي وتصرخ وريم تحاول توخره وكل مره فارس يدفعها عنه بقوه ويرجع يضربها

ريم وهي تبجي:فارس عوفها راح تموت بيدك امشي شوف زمرد وين راحت

فارس وخر عن رشا بعد ماسمع اسم زمرد من ريم

فارس زادت عصبيته : عساها تموت أنتي ما شفتي شسوت خسرت زمرد بسببها

طلع فارس وريم كعدو يشوفون زمرد وين راحت

بالنسبه لزمرد بعد الشافته ابيت رشا طلعت مصدومه مامصدكه فارس كدر يرخصها بكل مرة تثق بي ويرجع فارس يكسر ثقتها بس هذي المرة مستحيل اسامحه لفارس فارس بتصرفه هذا خسرني للابد وهذا اذا جان يريدني فارس
اني غبيه غبيه بكل مرة اثق بي بسبب حبي اله هجي اصرف وياي