نهوة خلفها حب

12،،13

الكتمان:
اشبه بالنزيف الداخلي

لايلاحظه احد ولكن المه داخلي

يرهق صاحبه لحد الهلاك

بدت تصرفات فارس تتغير عبالي بسبب الشغل بس كام يجاوز عليه ويغلط مو مثل قبل جان اذا يزعلني بسرعه يصالحني هسه كام ينام وكلما يجي اتصال يطلع ويعوفني واخر مرة لان اريد اعرف شنو سبب التغير صحت بصوت عالي ضربني وكلي اخر مرة اسمعج تعلين صوتج عليه بس كل هذا وكول فارس يحبني لزم اصبر عليه اكيد صايره مشكله. وياه

صار المغرب نزلت جهزت العشه كلهم كعدو بس اني مااكلت افكر بتصرفات فارس وشنو السبب الي غيره وخلى هجي وياي نتبهت ريم وخالتي عليه سلوني ليش مااكلت كتلهم مااشتهي نتبهت عليه رفع راسه

بس محجه شي كملو كمت عزلت المطبخ وغسلت المواعين وصعدت دخلت للغرفه جهزت ملابسي ودخلت للحمام سبحت وطلعت لابسة دشداشه قصيرة وشغلت التدفئ لان بدت الدنيا تبرد مالي خلق شعري امشطه لفيته بهمال دخل جايب بيتزا صاحلي تعالي اكلي جبت الج من برا كتله بهدوء تعبت نفسك مااشتهي اني رحت اريد انام جرني كعدني بحضنه
وكلي مو قصدي امد يدي عليج بس عصبتيني باسني دفعته وكمت رجع جرني ورجعني لحضنه ويضحك يبوس بيه ويكول اول مرة اشوف بنيه حتى وهي زعلانه حلوة ورجع يتساسف مني كتله اريد اروح لاهلي ارتاح كم يوم يمهم كلي لااوديج الصبح ورجعج بالليل هذا اكثر شي مااكدر انام و انتي مو يمي تعالي اكلي وخلي احضنج ونام جبرني اكل ونمت بعيده عنه جرني خلني بحضنه وراسه بركبتي هذا مكانج لاتبعدين مو عتذرت لو تردين اتوسل بيج وخذ الي يريده ونام وخلاني ابجي الليل كله هذا مو فارس فارس الي بدايه زواجي ماجبرني هسه يجبرني كعد لكاني كاعده وعيوني حمر من البجي كلي شبيج انتي مخبله شوف عيونج شلون صارن وكعد يبوس بعيوني ماريد تنزل دموع منهن اذا تحبيني من شفت هتمامه وحبه مبين كمت اشهك كتله الله عليك كلي شبيك شنو الي غيرك هجي

كومي غسلي وماكو شي لاضلين توهوسين مو تردين تروحين لاهلج نامي علمود اخذج الصبح وحضني ونام ونمت وياه

كعدت الصبح كمت حضرت نفسي وجهزت ملابسه وكعدته ونزلت صبحت على خالتي وجهزت الريوك وكتلها اريد اروح لاهلي خالتي كالت تعالي تريكي كتله لااتريك هناك عند اهلي مااشتهي هسه
بعد ماوصلني فارس لاهلي ماقبل ينزل كال من اجي بالليل ادخل نزلت سلمت على ماما وبابا واخواني وتريكت وياهم واتصلت بخواتي علمود يجن لان قريبه بيوتهن هدى علي جابها لان زوجها مو هنا بالشغل ودعاء زوجها رتاحيت وياهن و تونست لليل دزلي شبعتي اجي اخذج كتله تعال ربع ساعه ودخل عاي كال فارس اجه دخل نص ساعه وطلعنه منهم دخلت لكيت خالتي بغرفتها نايمه بس ريم تباوع فلم سلمت عليها وصعدت دخلت للغرفه نزعت ملابسي وتمددت

دخل للغرفه كال باجر تجي خالتي وبناتها حضري نفسج كتله شمدريك كاله امي كالت هزيت راسي راسا نمت لان مانمت هواي كعت الصبح دخلت للحمام غسلت ونزلت اجهز الريوم كملته صعدت كعدته نزل ودخلت الريم كعدتها وسالتها على خالتها كتلتلي شنو تحجي لاتهتمين بس مادري ليش هجي كلتلي بعدين اسالها نزلت طلعت شنو راح اسوي للغداء وكملت كل شي صعدت دخلت للحمام اسبح علما يجون طلعت لابست دشداشه لون كركم فيزون ومرتبه حلو ماما خيطتها اليه وخليت مكياج وسحبت شعري نص شلته بالقراصه ونص خليته شوي وسمعت اجو نزلت سلمت عليهن وكعدت وياهن شوي دخل فارس سلم على خالته وجنتها ماشالت عينها عليه احس تباوعلي من اباوعلها تبتسم ندست ريم شبيها هذي كلتلي هذي نور الي كتلج عليها اي شبيها باوعتلي وترددت كتله احجي شكو كالت اصير اخت رشا مااخذا ابن خالتي فتحت عيوني شلون كتلها من شوكت تدرين كلتلي من زمان وبعده ماحجينه شي لان كمت اجهز بالاكل ولحكتنه وضلت اسولف وتحجي مبينه حبابه وطلبت رقمي ونطيته لها لليل راحو واني كملت شغلي وصعدت ارتاح تعبانه شوي دزتلي رساله كاتبه هذا رقمي اني نور