نهوة خلفها حب

24

عندما قالت أحبك

قشعريرة سرت بجسدي
وزلزلتني حين نطقتها اول مرة
احتجت الى اربع دقائق
لخبرها بعدها
بأنني (احبها )ايظأ

اليوم كله عليها وهي نايمه وكانت فرصة خالتي تدخل اشوفها صارت تبجي وتكلمها لان مشتاقه لبنتها طلعت وتركتها خلي تأخذ راحتها ويه بنتها
دخل عمي وياه اني اخذت ريم اوصلها لان ماتريد تتاخر على الاطفال
ريم: شكد اظل على هذي الحاله
فارس وعينه على الطريق : والله مدري
ريم : والله اني خالتي وجعت قلبي وهي تبجي رادت تحظن زمرد بس خافت منها ومارضت
بالبدايه استغربت الموقف بس من عرفت
فاقده الذاكرة رتاحيت بس والله كنت مشتاقه احضنها ..واتحمد
لها بالسلامه..بس هي مااطتنه فرصه
فارس : مع الايام ان شاءالله تتحسن وترجع زمرد الي تعرفونها
ريم : ان شاءالله بس صدك ليش انت
بالذات رضت تقرب يمها

فارس فرحان وفرحتي بقلبي حسيت اني
ملكت الدنيا كلها يوم مارضت بس بيه حسيت اني ارتويت من بعد
عطش طويل هد حيلي: مثل ماقالت الدكتورة يمكن لان كنت
اكثر واحد تسمع صوته لهذا السبب بس مع مرور الايام
تهدى وتبدى تذكر
ريم : يارب وترجع زمرد الي نعرفها
فارس من غيراقتناع بالدعوة.. لانه لو صارت اني الي راح اكون بمكانهم
جزء مني مايريد ترجع ذاكرتها لانه راح تذكر ويرجع كرهها اليه
والجزء الثاني يريدها ترجع بصحتها وسلامتها ترجع لاهلها ولاطفالهم ترجع حتى لو راح يدفع ثمنه بعدي عنها :امين
ريم : بس انتي تدري اذا رجعت ذاكرتها راح تذكر شنو سبب الحادث وراح تتغير ردت فعلها

فارس بقهر: اهم شي سلامة زمرد ما يهمني ردت فعلها

ستو وصلها للبيت وطفى السيارة .. الا يشوف اتصال من عمه
خفت لاصاير شي لزمرد : الو
ابو زمرد : فارس تكدر ترجع للمستشفى
فارس بخوف": اي بس زمرد بيها شي
ابو زمرد : لا تخاف مابيها شي بس تريدك
فارس:إن شاء الله عمي

سد من عمه الخط
وشغل سيارته وصل للمستشفى.. وركضت على غرفتها.. سمعت صوتها تبجي وصيح
طالع. من الغرفه وصوت خالتي تهدي بيها والكل يحاول يهدي بيها وهي
تصرح وتطلب منهم يوخرون عنها وتصيح باأسمي ماتحملت فتحت الباب بلا شعور كان
كل همي اخليها تشوفني اخذتها بحضني مااريد اسمعها تبجي مااريد
الخوف الي بصوتها من شفتها وشلون واقفه بطرف الغرفه ولامه على نفسها
وتبجي اول ماشافتني فزت وجت تركض وشمرت نفسها بحضني..
حضنتها لو اكدر ادخلها بصدري وظمها عن الكل وتكون بس اليه محد غيري يشوفها
ولا اريد احد يشاركني بيها. اتمنى اشيل كل هالخوف منها واحميها من الكل
ومن العالم كله صرت امسح دموعها :شبيج يروحي ليش هجي مسويه بنفسج
زمرد بصوت مبحوح من البجي : ليش رحت عني ليش عفتني مو كلت ماراح تعوفني
فارس ملكت الدنيا كلها من كلامها حضنتها حيل لصدري وهي بادلتني الحضنه ومسحت ع راسها : مافتج بس رحت اوصل اختي ريم تذكرتيها
وانا لهسه دافنة وجهي بصدره حركت راسي : لا مااذكرها
ومااريد اذكر احد ولااريد اشوف احد. طلعهم فارس مااعرفهم
ماااريدهم الله يخليك وخرهم عني
فارس رفعت راسي وباوعت لعمي.. وبنبرة فهم عليه منها: عمي اخذ خالتي وروحوا ارتاحوا ان شاءالله بعد ماترتاح..
وتهدى.. وانتم بعد تهدون كل شئ يكون بخير..
ابو زمرد يلزم ام زمرد: يلا خلي نمشي من ترتاح نرجع نشوفها
ام زمرد وبجيها يقطع القلب : اريد ابقه يمها ماريد اعوف بنتي ماصدكت اشوفها كدامي
وهي كاعده بعدني ماشبعت منها
ابو زمرد بحنان : بنتج بخير وكلها كم يوم وترجع مثل قبل وحسن
احنا اطمنه عليها.. قومي قومي خليها ترتاح وقلبها يرتاح من
هالخوف
ام زمرد تقوم" : واني ماذبحني غير خوفها مني تخاف من حضن امها
ابو زمرد : ان شاءالله مايطول يالله خلينه نمشي دار على فارس : مااوصيك
يافارس زمرد بمانتك
فارس واني لهسه حاضنها خجلت عل الوضع واني قدام عمي ستوني انتبه
على نفسي : ان شاءالله بعيوني