نهوة خلفها حب

19

هذا البارات هديه لكم لان طلبتو مني ولان صارلكم فترة تنتضروني
راح يصير كل اسبوع النشر او حسب طول البارات
اذاطويل كل سبوع واذا قصير بين يوم ويوم اوك حبايبي متابعه ممتعه ستمتعو ولاتنسون التصويت 😍😍😍

اكثر مايؤلمني في غيابك
وجود شي في داخلي يذكرني بك

بعد مرور ثلاث اشهر

بغرفه فهد وريم

فهد ريم حاولي ويه زمرد اني مااكدر احجيها حالهم ماعجبني

ريم: حاولت ماكو فائده ترجع اله بس اجبرتها تقابله وتحجي وياه لان مايضلون هجي

فهد :وهي قبلت تقابله وتحجي وياه على الاقل اذا شافت حاله تحن وترجع الة

ريم :اي قبلت تريد اتصل اني بفارس لو انت تكله

فهد :لااني خلي اتصل بي وكله

اتصل فهد بفارس كله على زمرد تريد اشوفه وتحجي وياه
فرح فارس من سمع بيها تريد اشوفه وقرر يأخذه هو من الجامعه مالتها وكل الفهد راح ياخذها من الجامعه
ومن فرحته ماكدر ينام اخير زمرد حنت عليه وقررت تشوفه وتحجي وياه

بالجهه الثانيه زمرد الي اعصابها خايفه ومتوتره من مواجهه فارس صارلها شهور ماشيفته شتاقتله كومه بس ماتكدر تعترف

اتصل بيها فارس كلها اني بالباب اذا خلصتي طلعي

طلعت من الجامعه وشافت فارس واكف توترة وحنت وشتاقت لجياته من جان يوصلها ويجي ياخذها من الجامعه انتبهت من تقدم من يمها درت بنفسها جانت صافنه عليه اجها يمشي بسرعه

فارس الي جان وكف اباب الجامعه قبل طلعتها بساعه يوم شافها ماعرفها لان الحمل مغيرها ويوم عرفها راح لها بسرعه ولزم يدها توترت وخجلت بنفس الوقت من لزم يدها كدام الطلاب بس فارس ولاهتم بااحد وكعد يمشي وياه يمن وصلها يم السيارة وصعده بيها ورجع لزم يدها وهي ماعترضت

فارس ببتسامه :شلونج زمرد
شخبارج

زمرد وهي مشتاقتله ومشتاقه لمساته وشلون يلزم يدها :الحمدلله تمام وانت شخبارك

كيف فارس من سالت عليه : على الله حالي يابنت عمي

زمرد حست بغصه من كلامه :نحجي هنا لو بالبيت

فارس :لاهسه انروح لمطعم

زمرد بس هزت راسها وماعترضت

بالمطعم

كعد فارس بمكان معزول محد بي ومحد ينتبه لهم وكعدت كباله زمرد كعد يباوعلها معقوله الله كاتبلنه نلتقي وانتي حامل جنت اتمنى هسه اني وياج نحتفل بحملج

زمرد بخجل من نظرات فارس لها:فارس اكلتني بعيونك خلينه نحجي لاتباوعلي هجي

فارس مايكدر يشيل عيونه عنها :مشتاقلج بكد رحمت الله

زمرد نزلت عيونها
كام فارس من مكانه وكعد على رجلي وخلى ادي على بطنها
فارس: اكلج مو بطنج جبيرة اخاف موزين عليج نروح للدكتورة نشوف شنو السبب

زمرد فرحت من هتمام فارس لها وذايبه بالمساته على بطنها : اي اكيد حجمها طبيعي لان حامل بتؤم

فارس فتح حلكه بصدمه :شنو تؤم كولي والله

زمرد بضحكه على شكله :والله
من فرحته حضنها وباسها بين عيونها مامصدك راح يصير عندي توم مو واحد وذكر

فارس بحزن :بس ليش محد كلي بيج توم لو هم انتي موصيتهم محد يكلي مثل حملج

زمرد بقهر: لابس محد يدري مخليتها مفاجئه بس انت تدري

رجعت بتسامه فارس :الحمدلله بنات لو ولد

زمرد ببتسامه : انت شتريد

فارس بفرح :بنات مثل امهم ودنك باس خدها

زمرد :بنيه و ولد

فارس بمزح : الحمد لله البنيه اليه والولد الج
زمرد بقهر:ثنينهم اطفالي مستحيل اتخلى عن واحد بيهم

فارس: واني مو حرام عليج تحرميني منهم

ممكن ترجع لمكانك خلينه نتكلم

فارس رجع كعد بالكرسي مالته

بدت بالكلام زمرد

زمرد:مااريد نعذب نفسنه ونعذب اطفالنه ويانه خلينه اولاد عمه وبينه احترام اذا مانجح زواجنه مو اول ناس حنا نطلق
فارس :مستحيل يازمرد اني احبج ومستحيل اطلقج خليني بس افهمج
زمرد بعصبيه شوي :اي حب تقصد وشنو تفهمني مستحيل اصدكك بعد الي سمعته والي شفته ماصدك شي منك

فارس: طلاق ماطلق ليش هجي اسوين بينه رحميني يابنت عمي مو كافي بعد
خلاص كافي تعذبين نفسج وتعذبيني ليش هجي جايه اسوين بينه الاطفال شنو ذنبهم يعيشون امهم بمكان وابوهم بمكان انتي عشتي بين اهلج بحب ليش تردين تحرمينهم من هذا الحب

كلامه جان مقنع همه شنو ذنبهم يتحملون اذا فارس ماحباني بس مو معناتها احرمه منهم
فارس يحاول يقنعها :رجعي اذا مو علمودي علمود الاطفال ترة ثنين مو واحد هذوله ماتكدرين وحدج

زمرد بعد تفكير : بشرط
فارس بأمل ترجع :شنو هو شرطج
زمرد: اذا ارجع مالك علاقه بيه رجعتي بس علمود أطفالي مايتربو بعاد عنك
فارس سكت

زمرد شكلت

فارس ابتسم بهدوء اهم شي راح ترجع وياه :شوكت تردين اجي اخذج

زمرد :شوكت ماتريد بس هسه خلينه نرجع لان تاخرت

فارس :مو قبل مانتغده طلب الغده وتغدوا وجان فارس يوكل زمرد غصب واذا رفضت يقول مو الج لطفالي بعد ماخلصوا وصل زمرد لبيتهم وكلها حضري نفسج بالليل اجي اخذج

دخلت للبيت كلت لاهلها راح ترجع لفارس وفرحولهم اهلها لمت أغراضها

لليل اجا فارس لها من راد ياخذها ابوها كله هذي زمرد اذا اجت مرة ثانيه دمعتها بعينها انسى انت ابن اخوي ومالها رجعه الك سمعت يافارس لازعلها زمرد من سمعت كلام ابوها راحت حضنته مسح دموعها وكلها ديري بالج على نفسج يالله روحي لبيت رجلج بس لاتنسين هذا بيتج هم ودعوهم وراحو