مساء الخير حبايبي اسفه على التاخير
واسفه اذا لكيتو اخطاء ترة مارجعته البارات لان خفت تاخر عليكم متابعه طيبه ولاتنسو التصويت ليش تخلوني كل بارات اذكركم
***وكيف لغيابك ان يزيدني تعلقآ بك ؟!
*******أحبأ هذا ام جنونآ
فارس جنت احب وحده من زمان كلما اكلها اريد اجي اخطبج تكلي مو هسه وبعد وكت اخر شي سمعت ازوجت كرهت الحب والزواج بس بعدين امي ظلت تكلي تريد ازوجني واول ماحجتني امي على زمرد رفضت وكتلها مااريده بس بعدين فكرت لان طلع ابوي جان مكلم عمي من زمان اول مانولدة زمرد كال اذا كبرت اخذه ومن سمعت بيها احد خطبها ماادري شنو صار بيه وكمت نهيت عليها كدامهم
وهي ماقصرت اتصلت بيه وكعدت تهيني عبالها انهي النهوة ماتدري بهذا كلامها خلتني اريدها اكثر علمود ادبها على حجايتها و بيوم العقد طلبو مني ادخل الابسها الذهب ماردت ادخل بس امي طلبت مني ودخلت وسلمت اول مارفعت عيني وشفتها احس صعدت الحرارة بجسمي مادري اصار بيه من شفتها تمنيت مارفعت راسي وشفتها صارت عيني بعينها
معقوله هذي زمرد الطفله العنيده نصدمت بجمالها لان صح جنت اشوفها بس مااركز بيها وهسه شفتها مادري احس كلبي الكل راح تسمعه من كثر مايدك خاصتن بالفستان وتسريحتها رافعه شعرها كله مخليه ملامح وجهه بارزة الي يشوفني يكول اول مرة اشوفها
بس الصراحه كل عمري اباوع لزمرد حالها حال ريم بس هسه لا هي زوجتي
حاولت شكد ماتكدر تعاند تتصل علمود اتراجع بس ولاوحده خلتني اتركها بعد ماشفتها تريدني اتركها تحلم
وبيوم الزواج من رحت اخذتها ولزمت يدي يدها الصغيرة بيدي عبالك لزمت بنتي مو مرتي
بعد ماوصلنه نزلتها وهي مجلبه بيه مثل الطفله تخاف دخلنه وبدت اقربنه تهوس من دخلتها ومن رفعت البركع حسيت بس اني وياه ماكو احد يمنه والصوت ختفى من راسي شفت حوريه شكلها احلى من يوم العقد بالبدله البيضه وزيدتها جمال فوك جمالها سبحان الراسمها من دخلت للغرفه كتلها إنتي حالج حال ريم بس ماادري اذا اقنع نفسي بهذا الكلام لو لها اقنعها بس اني مااريد اجبرها على علاقه وياي وجوزت وستفزتني بكلامها ماادري شلون خنقتها وعفتها وطلعت ما اريد اصرف تصرف وتندم عليه بعدين بعد ما هديت رجعت للغرفه لكيتها واكفه تريد تنام ماقبلت تنام وياي على السرير كلتله تنام واني انام على القنفه بس تمنيت ترفض وتخليني انام وياه بس مانمت ضليت طول الليل افكر بيها وبوجوده وياي بالغرفه وشلون أتحمل هي كبالي بدون مااسوي شي بس لزم اخليها تتعود عليه مااكدر اجبرها عليه وشوف الكره بعيونها واني كو لزم نفسي عليها اول مرة بنيه هجي تجذبني وياريت اي وحده زمرد الي تكرهك يافارس بس مااطلع فارس اذا مااخلي بدل الكره حب اشوف بعيونها
نسيت اكلكم كلما تنام اجي ابوس بيها ماخليها تحس من تتحرك ارجع لمكاني همزين نومها ثقيل ماتكعد بسرعه بس اخر فترة كمت احضنها من تنمام مادري شلون اخر مرة نمت وماكعدت بس على صوتها وبعد ماحاولت اقنعها مااقرب منها بس انام ومن ضحكت اخذت كلبي بضحكها واخير راح انام واني مرتاح لان زمرد بحضني مادري شسوت بيه بحركاتها بعفويتها هذي زمرد من زمان لو اني جنت اشوف بس عنادتها
وكمت اتقرب يمها وحاول اخليها تتعود عليه ومن قررت اسافر ردت تاخذ وقتها تفكر بعلاقتنه وقبل لااسافر اجت تسالني بس اني نظري على شفايفها شلون تتحرك من رفعت راسها واخذت شفايفها احس مااكدر اسيطر على نفسي بعد وخفت عليها وبتعدت عنها وعافتني وشردت
مرة كعدت الصبح لكيتها جاي اجهز نفسها كتلها اجهز نفسها اني اوصلها حاولت تعارض بس ماخليتها
أنت تقرأ
نهوة خلفها حب
Romanceفتاة تجبر على الزواج من ابن عمها الظابط الذي تكرهه جدا لان يتدخل في حياتها من الطفوله
