نهوة خلفها حب

11

مساء الورد والياسمين حبايبي اسفه على التاخير واسفه لان البارات قصير بس والله مااكدر اكتب هذي الفترة كشغوله سامحوني  متابعه طيبه ولاتنسو التصويت

**الندم هو

  ان تقف امام الساعه وتناشد عقاربها بأن تعود للوراء؟!

كاعدين اني وريم بالغرفه ودخلت علينه خالتي

ام فارس بنات ام رشا اجت هي وبنتها ازورنه
زمرد وريم نصدمن

ريم : ماما رشا جيرانا ماغيرها شعدهن اجن و شذكرهن بينه هسه بعد هالسنين

ام فارس :عيب قابل نطردهن يالله نزلن بسرعه وطلعت

زمرد بصدمه :مو هي نفسها

ريم : اي

ريم :فارس نساه وصار يحبج واصلان هو ازوج وهي هم ازوجت كومي جهزي نفسج علمود اشوفج بعد ماجهزت زمرد نفسها ونزلت هي وريم دخلن للستقبال

زمرد ،ريم:السلام عليكم

ام رشا ،رشا :وعليكم السلام

سلمن على ريم وصلن الزمرد

ام رشا:منو هذي الحلوة
ام فارس هذي مرت فارس زمرد
رشا فكت عيونها من سمعت
ام رشا يمه صلوات يستاهل فارس جان نفسي يصير من نصيب رشا بس كل شي قسمه ونصيب

ام فارس: لاتكولين هجي بنتج شافت نصيبها وحياتها وابني صح بالبدايه رادها لرشا بس بعدين شاف زمرد وصارت هي مرته فارس مثل ماكلتي كل شي قسمه ونصيب

ام رشا بقهر:صح بنتي شافت نصيبها بس مايستاهلها
رشا اطلقت من كم شهر طلع
ام فارس:ليش يمه شبي وطلقج
رشا : أني طلبت الطلاق وخلصت منه مو زين يشرب ويضربني بس اني السبب وباوعت لزمرد تركت الشاريني ويحبني ورحت اخذت المايستاهل بس راح اصحح غلطتي ماترك شي جان اليه
ريم وزمرد منصدمات من كلامها

بعد ماطلعت رشا وامها ، بالغرفه ريم وزمرد

ريم : ديري بالج منها جيتها مو راحه

زمرد سمعتي شتكول

ريم:ماتستحي عبالها ترجع فارس تريد

زمرد :واذا صدك بعد فارس يحبها

ريم لاتفكرين هجي فارس يحبج وحتلو هي تريد ترجعه لاتسمحيلها انتي مرت فارس لاتنطيها فرصه تاخذ فارس منج

زمرد خايفه ترجع مشاعر فارس ويه جيتها

ريم :ارجع وكلج فارس يحبج بس انتي لاتنطيها فرصه تاخذ فارس منج لان مو خاليه جيتها بعد كل هذي السنين

فارس: مني الي رجعت بعد كل هذي السنين

ريم وزمرد تفاجئن بدخلت فارس

زمرد وهي تريد اشوف ردت فعل فارس :رشا جيرانكم قبل رجعت

فارس بدون تعبير : شلجن علاقه برجعتها يالله زمرد تعالي وياي

رشا وهي تبجي : يمه فارس خلاص راح من يدي 
أم رشا : اكو ألف احسن منه يتمنوج 
رشا : لا أنا أريد فارس 
أم نوال : هو تزوج خلاص شتردين بي شوفي حياتج
رشا وهي تمسح دموعها : مستحيل اخلي الي اسمها زمرد تتهنى بي فارس اليه ويبقى اليه
أم رشا : رشا اعقلي ما اريد مشاكل انتي بنفسج تركتي لفارس علمود تاخذين واحد مايستاهل
رشا: بس شوفي يمه شلون راح ارجع فارس اليه وخلي يتركها بنفسه

ام رشا:لاتسوين شي وتتندمين بعدين
رشا :لاتخافين ماتندم بكثر ندمي لان تركت فارس قبل
ام رشا :مااكول بس الله يهديج يمه وعافت رشا تفكر بطريقه ترد فارس لها

بعد مرور فترة ماكو شي فارس مامهتم بجيت رشا ولاسال عليها وزمرد طمئنت من ناحيته

زمرد جانت مسويه كيكه وحبت يضوكها فارس جاي تتكلم وياه اول ما دك تليفون طلع وعافها ستغربت من حركته بعد نص ساعه رجع للغرفه

زمرد منو اتصل بيك ليش هجي طلعت بسرعه
فارس صديقي
زمرد صاير شي فارس

فارس لاماكو شي

زمرد لااكو شي ضامه عليه وماتريد تكول
فارس وهو عصبي : انتي شبيج اليوم بس تحقيق فاتحه وياي امشي انام احسن شي

زمرد نزلت الكيكه ومكسور خاطره لان صيح عليها
صعدت تمددت بالسرير وتفكر (فارس مو طبيعي اكيد صاير شي مخلي هجي يصرف لان من ازوجنه ولهس ما صاح عليه لو عصب بس المفروض مايصيح عليه بس سوال سالته لان شفته مو على بعضه بس اكيد صاير شي بالشغل مالته زاعجه لو صديقه كله شي ازعجه لزم اقدر ضروفه اني نامت من كثر التفكير بتصرفات فارس

كعدت الصبح من النوم بدلت ملابسها جانت لابسه تراك تركوازي ولفه شعرها ونزلت صبحت على ام فارس وريم وجهزت الريوك وصعدت تكعده من النوم بكل برود كعد فارس حس بيها زعلانه من طريقة كلامها وياه كامت جهزت ملابسه دخل للحمام وطلع لابس ملابسه واجه لها جانت فاتحه الكنتور حضنها من وراء

فارس اسف حبي ادري زعلانه لان صحت عليج
زمرد بهدوء :لاعادي مزعلانه تفاجئه بيك لان ماسويت شي علمود تعصب

فارس: والله لو تعرفين شبيه جان عذرتيني
زمرد :كلي حبيبي ريحني وريح كلبك لاظل ساكت
فارس :راح اكلج بس مو هسه بس خلي هذي الفترة تعدي وكلج بس اهم شي ماريد ازعلين مني كل شي ولازعلج عليه

زمرد ببتسامه:لاتخاف مزعلانه ولاراح ازعل منك ابد
فارس :مدام هجي خلي ننزل نتريك لان وجهج يفتح النفس لو تردين اكلج الج ماعندي مشكله

زمرد بخجل نزلت قبله وهو لحكها يبتسم على خجلها