Unicode
အချိန်ပိုင်းအလုပ်လုပ်တဲ့ ကော်ဖီဆိုင်ဆီ လှမ်းနေတဲ့ ရိပေါ်ရဲ့ခြေလှမ်းတွေက အရင်နေ့တွေထက်သိသိသာသာကို တက်ကြွနေတယ်။
အရင်တုံးကတော့ ဘာနေ့လဲဆိုတာ သိပ်ပြီးအာရုံမရပေမယ့် တက္ကသိုလ်နားဖြစ်တဲ့အပြင် ညလုံးပေါက်ဖွင့်တဲ့ ကော်ဖီဆိုင်မှာ ညဆိုင်းအလုပ်စဆင်းတဲ့ အချိန်ကစပြီး ရိပေါ်တစ်ယောက်သောကြာနေ့ကို တစ်ခြားနေ့တွေထက် ပိုသဘောကျမိတာ သိပ်တော့မထူးဆန်း။
သောကြာနေ့ဆို လောကကြီးကိုစိတ်ကုန်ပြီး အကုန်လုံးကို မီးလောင်တိုက်သွင်းချင်နေပုံရတဲ့ကျောင်းသားတွေလည်း ပါးသလို TGIFဆိုတော့ ညဘက်ဘယ်သူမှ ကော်ဖီဆိုင်သိပ်မထိုင်ကြ။
coffee dateဆိုပြီး ကော်ဖီတစ်ခွက်၊ ကိတ်တစ်စိတ်ကိုနှစ်ယောက် share စားတဲ့ စောက်ငမွဲအတွဲတွေလောက်ပဲရှိတော့ ရိပေါ်အတွက်အလုပ်ရှုပ်လည်း သက်သာတယ်။
တစ်ပတ်မှာ သောကြာနေ့ချည်း ၃ရက်လောက်ပါရင် အရမ်းကောင်းမှာပဲ။
ဒါပေမယ့် တကယ်တမ်းသောကြာနေ့ကိုသဘောကျရတဲ့ အကြောင်းအရင်းက သောကြာနေ့ည ရိပေါ်အလုပ်ချိန်စပြီး သိပ်မကြာခင်မှာ ရောက်လာတတ်တဲ့ မျက်မှန်အောက်ကမျက်ဝန်းကြည်ကြည်လေးနှင့် မှဲ့နက်လေးတစ်ခုက အဓိကတရားခံဖြစ်တယ်။
ကော်ဖီတစ်ခွက်မှာမယ်။
ကောင်တာနဲ့ မနီးမဝေးကစားပွဲမှာ ထိုင်ပြီး ပါလာတဲ့ စာအုပ်တစ်အုပ်ကို ဖတ်ရင်ဖတ် ဒါမှမဟုတ်ရင်ယူလာတဲ့ laptopနဲ့ အလုပ်လုပ်နေတတ်တဲ့ လူသားက ရိပေါ်ရဲ့ ပျင်းရိဖွယ်တစ်ပတ်တာအတွက် အကောင်းဆုံး အစိတ်အပိုင်းလေးပဲ။
☕💚☕
ဆိုင်နားရောက်ခါနီးလေ ပိုတက်ကြွလေ ဖြစ်နေတဲ့ခြေလှမ်းတွေဟာ ဆိုင်ရှေ့မှာရပ်စောင့်နေတဲ့လူကြောင့်တုန့်ခနဲ့။
ထိုသူကတော့ သူ့ကိုမြင်တာနဲ့ ဝမ်းသာအားရဖြစ်သွားပုံပဲ။
"သခင်လေး သူဌေးကတော်စောင့်နေပါတယ်"
မသိချင်ယောင်ဆောင်ပြီး လှည့်ထွက်ဖို့ပြင်ပေမယ့်...။
"မလိုက်ရင်အိမ်လခ..."
