صلى على النبي تلات مرات
Part 10
#########
لارا .....لارا .....لارا
لارا بفزع:غيث !!!
فيروز بأستغراب:غيث!!!ماله غيث
لارا بصت حواليها بأستغراب:غيث فين هو مش طلب أيدى
فيروز بصدمه: نعم!!!!!!انتى بتقولى اى !
لارا:غيث فين
فيروز:غيث فى اوضته هههه انتى شكلك سرحتى وفكرتى فيه ههههه عادى هتتعودى يا حبيبتي كل مره بيحصل كده مع اى شغاله جديده
لارا:يعنى انا كنت بتخيل
فيروز:ايوى يا حبيبتي ههههه على العموم انا جايه اعتذر منك
لارا بأستغراب: تعتذرى لي؟؟؟؟
فيروز بحرج:عشان طريقه كلامى الصبح معاكى انا اسفه بس كنت مضايقه
لارا:ولا يهمك المهم أنه طلب ايدك شكله بيحبك بجد
فيروز بحزن:بيتهيلك كريم مبيحبش حد بياخد كل حاجه تحدى وبعدين انتى عرفتى منين اللى حصل الصبح
لارا:اصل بصراحه يعنى كنت جايه انديكى وسمعت كلامه معاكى عشان كدا قولتلك كده بس هو بيحبك بجد انتى مشفتيش شكله وهو خايف عليكى لما الحج عثمان قال على الاتفاق رغم انى مش فاهمه نص كلامكم واتفاق اى بس كريم بيحبك وخاف لضيعى منه
فيروز:ممكن يكون بيعمل كده عشان عمى هو عاوز يجوزنى لكريم اصلا
لارا:انتى غبيه يا بت انا بفهم العيون كويس وكريم كان بيبصلك بحب هو بيحبك بجد وخايف تضيعى منه حاولى تفهمى ده كويس بدل ما يزهق منك قبل ما ما تتجوزوا
فيروز بخضه:هو ممكن يزهق منى
لارا:ايوى طبعا لو فضلتى بغبائك ده هيزهق
فيروز:يامرى يامرى اعمل اى
لارا بأستغراب:أهدى يبنتى انا هقولك تعملى اى ؟!
فيروز:جولى
:تجولك اى !!!
فيروز ولارا بصوا لقوا غيث واقف قدامهم
فيروز خافت ليكون غيث سمع كلامهم
ولارا سرحت فى عيون غيث تانى منبهره بيه نزلت عيونها بسرعه لما لقت غيث بيبصلها
غيث:تجولك اى ؟؟؟
فيروز لمحاوله الهروب منه:حاجات بنات يخوي
غيث وهو يطالع لارا مش مصدق أن دى خدامه شكلها يجول اميره إنما خدامه دى مناسب ليها ولنفسه:بجا العيون الجمر دى خدامه ازاى يابوى ازاى دى جشطه وبعدين يا غيث انت اتجننت ولا اى دى مجرد خدامه عندك وبعدين زيها زي ورد انبهرت بجمالها وطلعت بتخدعك وتخونك زيها زى ورد كل الستات صنف واحد
فيروز لحظت اخوها شارد ب لارا ولارا باصه فى الارض بوجه احمر من الخجل
فيروز:روحت فين يخوى
غيث بعد أن أنتبه لذاته:مروحتش يالا اجهزى بسرعه عشان هنروح سرايا دياب
فيروز:حالا نكمل كلامنا لما ارجع يا لارا
لارا بخفوت:حاضر
فيروز مشت بسرعة ولارا لسه هتمشى
غيث:استنى
لارا بأستغراب:نعم!!!!
غيث:انتى منين
لارا:من المنصوره
غيث بشك:متاكده !!
لارا بقلق منه:ايوى
غيث:طيب يالا روحى
لارا مشت وغيث فضل واقف يبص عليها لحد ما اختفت من امامه★★★★★
فى اوضه فرحه
فرحه قاعده على السرير حزينه بتفكر: وبعدين يا فرحه مصيرك هيكون في سرايا دياب خلاص ازاى يا بنت الناس وانتى جلبك مع حد تانى ازاى لو حصل نصيب واتجوزتى واحد من ولاد دياب هتعمليه ازاى وانتى جلبك مع حد تانى ازاى يا فرحه ازاى يارب يارب
الباب خبط
فرحه مسحت دموعها بسرعه اللى نزلت من غير قصدك منها :ادخل
رحاب دخلت واقعدت قدامها
رحاب: طبعا انتى مفكره دلوقتى انى برميكى فى النار انا مش كده يا فرحه مش انا اللى أضحى بسعاده بنتى عشان خاطر العداوه دى
فرحه:امال اى !!
رحاب:فرحه انا لو عندى شك واحد بس فى الميه أن حياتك فى خطر هناك مستحيل اعمل كده بس انا متاكده انك هتكونى بخير هناك روحى انهارده يا بنتى وشوفى الأمور هترث على اى ولو مرتحتيش هناك وشكيتى أنهم هيعملوكى وحش جولى يا بنتى وانا هتصرف ها يا فرحه جولتى اى
فرحه بعد أن ارتاح قلبه قليلا من حديث أمه:حاضر هروح يما وربنا يستر
رحاب:يارب يا بتى
★★★★
فى سرايا عيله دياب
الجميع مجتمع عيله شرجاوى وعيله دياب
يجلس عثمان وبجواره اسماعيل وغيث ونعيم وكريم ويقف خلفهم تقف فيروز وفرحه
وعلى الجهه الاخرى يجلس حسان وبجواره على وخالد ومالك وعز وخلفهم تقف سريم وساره
عثمان:شيخ حسان احنا جايين انهارده عشان ننهى الخلاف ده جه الوقت اللى العداوه تتنهى خلاص وغلط زمان مش هيتقرر تانى ابدا جولت اى يا شيخ حسان
حسان:مفيش مانع يا ولدى بس انا عايز اطمن على بتى
عثمان:بنتك بخير ياعم الحج ومحدش يجدر يجى جنبها واحفادك جدامك اهم فرحه ونعيم
عز بص للبنت اللى عثمان جال عليها فرحه لقها هى هى نفس البنت اللى سرقت جلبه بس ازاى اسمها فرحه وإسمع حد بيجولها فيروز ازاى
حسان قام وسلم على فرحه ونعيم بحب وهما ارتحولوا اوى بيان عليه راجل طيب زى ما رحاب قالت
حسان بحب:عاملين اى يا ولاد
نعيم: الحمدلله يا جدى وانت
حسان:بخير يا جلب جدك وانتى كيفك يا فرحه
فرحه بخجل: الحمد لله
حسان:اخيرا شوفتكم فيكم شبه كبير جوى من رحاب
على:يا اباه أجل الكلام ده دلوجتى لحد ما نتفج
حسان:ماشى يا ولادى واقعد جنب نعيم وفرحه
خالد:طيب يا حج عثمان انتو قررتوا مين من عندكم
عثمان:ايوى نعيم
نعيم بص لعمه وفهم وساره بصتلهم بخوف شديد من القادم
نعيم:انا طالب ايد بنت خالى خالد ساره
خالد بص لساره وبص لنعيم: والله ياولدى انا معنديش مانع كفايه انك تربيه الغاليه اختى
حسان:وانا مش هلاجى احسن منك يا ولدى لبنتى
عثمان:العروس عندها اى مانع يا حج
خالد:انا من رأى أن نعيم يتحدث مع ساره لوحدهم شويه عشان ميحصلش مشاكل
غيث:احسن حل
ساره لمعت فى بالها فكره من دهب تطفش بيها نعيم خلاص وتفضل جنب عز
مالك:ساره
ساره:نعم يخوي
مالك:خدى نعيم جوه
ساره:حاضر يخوي اتفضل معايا
نعيم قام معاها
حسان: واحنا يا ولدى عايزين فرحه ولدى عز
فرحه كل ده حطه عيونها فى الأرض ومشفتش مين عز ده اللى بيتكلمه عليه
غيث بص لعز باستغراب
كريم همسله:اطمن ده ابن خالها مستحيل يعملها حاجه
عثمان:مفيش مانع وانا موافجين
على:خد بنت عمتك يا عز و اتكلم معاها عشان ميحصلش مشاكل
تراقص قلب عز فاخيرا سيحصل على من اختارها قلبه
فرحه سبقته: ملوش داعى يا عمى انا موافجه ومفيش مشاكل انشاء الله
استغرب عز منها كثيرا فهى حتى الآن لم تعرف بصرها لكى تراه موافجه أكده من غير متعرف عنه اى حاجه
حسان:بس يا بنتى لازم تتعرفى عليه
فرحه: هتعرف عليه بعد العرس يا جدى عادى وانا موافجه
خالد:خلاص على خيره الله اخيرا المشاكل هتتحل امتا تحبوا العرس
اسماعيل:بعد اسبوع إنشاء الله عرس جماعى
على:خلاص يبجا مالك وسريم وعز وفرحه ونعيم وساره
اسماعيل: وكريم وفيروز
عثمان:على خيره الله
عند نعيم وساره
نعيم واقف هو وساره فى حديقه السرايا بعيد عنهم
ساره بدون اى خجل:بص انا مش بحبك ولا هحبك أنا بحب واحد تانى غيرك عشان كده انت هتدخل وتقولهم اى حاجه عشان الجواز ده ميتمش
نعيم بصدمه من كلامها فقد كسرت قلبه:اى!!!!انتى عارفه انتى بتقولى اى انا لو دخلت وقولت حاجه زى دى هتحصل عداوه اكبر واحنا جايين انهارده عشان ننهى العداوه دى وانتى عايزه تولعيها اكتر
ساره:يعنى اى انت عايز تتجوز واحده مبتحبكش
نعيم ببرود:عادى مش فارق معايا كده كده هتحبينى وهنتجوز
ساره:انت مجنون انت واحد صعيدى عايز تتجوز واحده بتفكر فى واحد غيرك
نعيم ببرود مصطنع:قولتلك عادى انا موافج يستى
ساره بجنان من بروده: انت واحد مجنون اكيد ازاى تقبل حاجه زى دى
نعيم:انا موافج يستى ملكيش دعوه انتى ويالا انا هدخل اجولهم أننا اتفاجنا خلاص وسأبها ودخل
ساره:اى الحمار ده يارب يوم ما اقع اقع مع واحد زى ده طيب وعز انا مستحيل احب حد غيره لازم اخلص من البلوه ده بس ازاى ده انسان بارد اكيد مش هيفرج معه اعمل اى اعمل اى استنا وأشوف اى اللى هيحصول الاول ودخلت وراء نعيم
نعيم قال للكل أنه هو ساره متفجين مع بعض موافجين على العرس أنه هيكون بعد اسبوع طبعا
وساره كانت هتتشل لما عرفت أن عز هيتجوز فرحه لو بايدها كانت قامت موتت فرحه
ومالك قاعد سرحان فى اللى جاى قلقان لو حد عرف السر
وغيث لارا دايما على تفكيره مبتحرش عن باله لحظه
وعز سرحان فى فرحه اللى خطفت قلبه وفهم أن فيروز تبقا بنت عمها وده مجرد تلخبط فى الاسماء واللى جنانه أن كل ده فرحه مفكرتش تبصله ولا لحظه
وكريم سرحان فى حبيبته اللى بيفكر ازاى يصالحها
وفيروز بتفكر فى كلام لارا معقول يكون كريم بيحبها بجد
وسريم زعلانه على اللى حصل معاها
وفرحه حزينه على نفسها وعلى اللى جاى مضطره تدوس على جلبها
والباقى فرحان ان اخيرا العداوه دى خلصت
★★★★
فى سرايا عيله شرجاوى فى اوضه فيروز
فيروز كانت قاعده هى ولارا وفرحه اللى سرحانه
لارا:هو انا ممكن سال سؤال
فيروز:اها طبعا
لارا:اى العداوه دى اللى بينكم وبين عيله دياب
فيروز:هجولك يستى العداوه بدأت من تلاتين سنه بسبب خناجه على حته ارض ووصلت للجتل أن واحد من بيت دياب جتل واحد من عيلتنا وواحد من عيلتنا جتل واحد من بيت دياب وجدى محمد خاف للعداوه تكبر ويروح فيها كتير قرر أنه يعمل علاقه بين العيلتين واتفجوا على كل حاجه وعمى ابراهيم اتجوز رحاب وكان المفروض أن عمتى علا تتجوز على بس هى هربت مع عشيقها يوم الفرح وعمى ابراهيم هو اللى ساعدها تهرب لما عرف انها بتحب واحد تانى والعداوه كبرت أكده فهمتى
لارا:اها ودلوجتى هتتحل
فيروز: الحمدلله
لارا لحظت أن فرحه قاعده حزينه
لارا:مالك يا فرحه
فرحه:مفيش اسبكم بجا واروح انام عشان تعبانه شوى
لارا:اعملك حاجه تشربيها
فرحه:لا تشكرى انا هروح انام
فرحه سابتهم وطلعت من الاوضه
فيروز بحزن:كان نفسى اساعدها
لارا:هى مالها
فيروز:مش عايزه تروح بيت دياب
لارا:خلاص ترفض
فيروز: مينفعش للاسف ربنا يسترها عليها
لارا:يارب مش بيت دياب هو برده بيت عيله الست رحاب ام فرحه
فيروز:ايوى يستى
لارا:يبقا اكيد هتكون فى امان هناك تسبها على ربنا وهو اكيد مش هيسبها لوحدها
فيروز:يارب★★★★★
عدا اسبوع والاحوال مستقره مفيش حاجه تذكر غير أن مالك كل يوم خوفه بيزيد على سريم وسريم اللى حسبه نفسها فى اوضتها مش عايزه تشوف حد والكل مستغرب منها وساره اللى بتخطط ازاى تنقذ نفسها من الوكسه دى ولقت خطه هى هتتجوز نعيم اها بس مش هتسيب عز فى حاله اكيد وغيث اللى خلاص بقا مدمن تفكير فى لارا ومستغرب من نفسه دى اول مره فى حياته يهتم بواحده ولارا نفس احساس غيث وفرحانه لأن جدها بدأ يتحسن وزهران قالها أنه قريب اوى هتخلص من القضيه دى وفيروز وكريم اللى بيحاول يتجنبوا بعض كريم بيجتنبها عشان لو قرب منها ممكن يتهور هو خلاص مش قادر يستحمل عايز يفهمها كل حاجه وتبقا ملكه وفيروز الغبيه بتجتنبه عشان شايفه أن كريم بيتجاهلها عشان ندمان أنه هيتجوزها وفرحه اللى حزينه على نفسها انها هتتجوز واحد غير اللى قلبها حبه ونعيم اللى قلبه انكسر بس مش هيستسلم هيعمل اى حاجه عشان يخليها تحبه يوم العرس الكل مستعد كلا من عيله دياب وعيله شرجاوى فى المساء
فى سرايا عيله شرجاوى فى المكان المخصص للنساء تجلس فيروز وهى ترتدى فستان زفاف ابيض اللون ضيق لحد الخصر وينزل على وسع مع حجاب بلفه سوريه رائعه وميك اب خفيف كانت تبدو مثل الحوريه فعلا مثلما لقبها كريم بحوريه قلبه وبينما فرحه ترتدى فستان ابيض ضيق مع لفه حجاب بسيط ولمسات من الميك اب حزينه وبرغم من شكلها الحزين لكنها كانت تبدو مثل الاميره ولارا ترتدى عباءه حمراء اللون مطرزه قامت شاديه بختيرها لها كانت تبدو رائعة فى الزى التقليدى فرحه بشده لأن هذه المره الاولى التى تحضر فيها زفاف صعيدى
سريم ترتدى فستان يشبه فستان فيروز كثيرا لكن مختلف بعض الشيئ عنها وساره ترتدى مثلهم كانوا يبدون مثل الاميرات وكلا من شاديه والهد وحسنيه فرحين بهذا العرس من أجل أولادهم واكثرهم رحاب لانها اخيرا رأت عائلتها فرح كلا من حسان وعلى وخالد برحاب فهم قد اشتاقوا لها كثيرا
وفى الجهه المخصصة للرجال
كان كلا من مالك وعز ونعيم وكريم وغيث يرقصون على طريقه الصعايده
وتم عقد قران كلا منهما وخد كل واحد منهم زوجته وغادر إلى عش زوجه بعد أن اودع الأهل ابنائهم ومن حسن حظ مالك أن لارا لم تراه
★★★★★
فى اوضه كريم & فيروز
كريم دخل هو وفيروز
فيروز باصه فى الارض حزينه وهو رفع وشها بايده وبنبره ظهر بها حزنه:حزينه عشان اتجوزتينى يا فيروز لدرجه دى مش طيقانى
فيروز كانت على وشك الحديث لكنه قاطعها
كريم: فيروز انا بحبك بجد واسف على اخر مره مش عارف انا عملت كده ازاى بس والله بحبك وبغير عليكى من نفسى والاسبوع اللى فات ده انا كنت بحاول ابعد عنك بكل الطرق عشان مش هقدر امسك نفسي عنك انا اسف يا فيروز
فيروز بصتله وقلبها عاد للحياة مره اخرى بكلامه:بجد بتحبنى
كريم بنفاذ صبر:انتى لسه بتسالى ده قنا كلها عرفت انى بحبك يالا يا ماما قدامى بسرعه
فيروز بأستغراب:على فين ؟!
كريم:هتغيرى هدومك ونصلى يا جمر انت
فيروز:طيب انا هغير فى الحمام وانت تخليك هنا غير هنا
كريم: مينفعش معاكى جوه
فيروز بغضب: كريم
كريم:خلاص يستى هحترم نفسى ادخلى
فيروز سابته ودخلت الحمام غيرت واتوضت وطلعت لقته هو كمان غير مستنيها عشان يصلى بيها وصلوا مع بعض وقرا عليها الدعاء وبعد ما خلصوا
فيروز: تصبح على خير بجا خلصنا أكده هروح انام بجا
كريم بصدمه: نعم!!!!!تروحى فين!
فيروز:اروح اوضتى عشان انام
كريم:انتى هبله ابت ولا اى
فيروز:اى !!
كريم شالها بسرعه وحطها على السرير :بصى انتى شكلك غبيه وعايزه شرح كتير وانا مستجعل يبجا اشرحلك بكره
فيروز:ها انت بت
لم تكمل كلامها بسبب ...(انتو عارفين بجا 😂😂)★★★★★★
فى اوضه نعيم
نعيم بعد ما خلص صلاه هو وساره وقرا عليها الدعاء
ساره قاعده متوتره وخايفه لنعيم يطالب بحقه وهى غصب عنها متقدرش تجوله لا بس انصدمت لما لقت نعيم بيقرب المقاعد من بعض عشان ينام عليهم
ساره بأستغراب:انت بتعمل اى؟؟؟
نعيم:هنام هعمل اى يعنى
ساره:هو انت يعنى
نعيم قاطعها:انا مش غبى للدرجه دى يا ساره وانا مستحيل المسك طول منتى بتحبى واحد تانى هسيبك براحتك لحد ما لاقى حل لعلاقتنا دى
ساره بانفعال وصوت عالى نسبياً:لما انت هتعمل كده من الاول مكنش لازم يحصل الزفت الجواز لازمتها اى يعنى التعذيب ده كله لي ها رد عليا
نعيم بعصبية:اسمعى يا بنت الناس انا ساكت ده مش معناه انى غبى بالعكس أنا ساكت عشان مش عايز اذئيكى والزفت الجواز كان لازم يحصل ويالا اتخمدى بجا وحسك عينك صوتك يعلى عليا تأنى انتى فاهمه ولا لا
ساره بخوف منه:فاهمه
نعيم بصلها ولف وشه الناحيه التانيه ونام وهى راحت نامت ★★★★
عثمان كان طالع اوضته وهو ماشى سمع حاجه صدمته صدمه عمرها كلها ازاى؟؟؟؟!!!!!!!!!!!
★★★★★
فى سرايا عيله دياب في اوضه مالك &سريم
مالك كان ناوى يتكلم مع سريم فى كل حاجه بس اتفاجا لما لاقى سريم غيرت هدومها بسرعه وراحت على السرير وعملت نفسها نايمه
مالك: سريم ممكن اتكلم معاكى شويه
سريم بحزن:لا ولو سمحت عايزه انام
مالك:ماشى يا سريم هسيبك ترتاحى دلوقتي ونتكلم بكره
مالك سبها وراح اقعد على الكرسى بحزن وهو سامع صوته بكائها وقلبه بيتقطع اكيد لازم يتقطع طول الفتره اللى فاتت وهو بيمثل أن سريم زى ساره بنسباله ازاى وهى عشقه منذ الطفوله كان لازم يعمل كده عشان يخليها بعيد عن اللى هيحصل بس للاسف دخلت فى اللعبه بالغلط
★★★
فى اوضه عز
فرحه غيرت هدومها وطلعت من غير ما تبص لعز
عز بضيق منها:ممكن تعرفى وشك بجا انا جوزك علفكره
فرحه بحزن ودموع تتجمع فى عيونها رفعت راسها لترى من أصبح زوجها وبصدمه: انت!!!
عز بحزن:ايوى انا يا فرحه كويس لسه فاكرانى
فرحة بدون واعى:انساك ازاى انا مستحيل انساك
عز بصدمه من كلامها:فرحه انتى كويسه انتى عارفه انتى بتجولى اى !!!!
فرحه بجراءه تعجب لها عز: انا كويسه طول منتا كويس
عز بفرحه من كلامها:انا بحبك
فرحه:وانا محبتش غيرك من اول مره شوفتك فيها فى الحقل وانا بحبك
عز: عارفه من يومها وانا بدور عليكى يا نن عيونى
فرحه بفرحه:يعنى انت بتحبنى
عز:بعشقك مش بحبك بس وغمزلها مش يالا نصلى ولا اى بجا
فرحه بخجل:يالا
★★★★
فى المكان المظلم تجلس الكبيره والرجال حوالها
الكبيره:هههههه احسن حاجه أنهم اتجمعوا تانى جهز الرجال لبكره هنبدا اول خطوه من انتجامى ههههه
#######
#عشقت غيث
#نرمين جمال
