صلى على النبي تلات مرات
Part 11
#########
فى سرايا عيله شرجاوى فى اوضه لارا
لارا كانت بتتكلم مع زهران فى التليفون
لارا:فى اى يا زهران جدو حصله حاجه
زهران:لا يا هانم جدك بخير بس هو عايز يتكلم معاكى
زهران فتح الاسبيكر
مصطفى بتعب:لارا
لارا بدموع:جدو انت كويس فيك حاجه
مصطفى: انا كويس يا لارا عايز احكيلك حاجه كده
لارا:مش وقته يا جدو المهم انك بخير
مصطفى:لا يا لارا الحاجه دى مهمه ليكى اوى انتى عايزه تعرفى ابوكى وامك ماتوا ازاى
لارا بقلق :مش انت قولتلى ماتوا فى حادثه
مصطفى:لا يا لارا مش فى حادثه دول اتقتلوا
لارا بصدمه:اى !!!!انت بتقول اى يا جدو ازاى اتقتلوا
مصطفى:اسمعينى كويس يا بنتى انا هحكيلك كل حاجه دلوقتي عشان خلاص تعبت
لارا:فى اى يا جدو قول
مصطفى:من خمسين سنه روحت الصعيد كانت أول مره ليا اروح الصعيد كنت متجوز جدتك ومخلف ابوكى فارس انبهرت بجمال الصعيد وبنات الصعيد طبعا حبيت واحده واتجوزتها كان اسمها فاطمه من غير ما جدتك تعرف حاجه وكنت بنزل كل فتره اشوفها وخلفت منها بنت بس فى اليوم اللى ولدت فيه جدتك عرفت كل حاجه ومقدرتش انزل الصعيد ولا اشوف فاطمه وبنتى وفاطمه افتكرت انى اتخليت عنها وعدا سنه واتنين وقررت انزل وادور على فاطمه وبنتى بس للاسف ملقتش اثر ليهم حزنت اوى عليهم يا بنتى والله ما كان قصدى اتخلى عنهم من الاول انا حبيت فاطمه وفى نفس الوقت حبيت جدتك بس جدتك كانت مسيطره عليا اوى مقدرتش انزل عشان اشوف بنتى وحاولت كتير مع جدتك افهمها بس هى رفضت وفى فتره هى تعبت قررت انزل الصعيد دورت عليهم كتير بس مكنش فى أثر ليهم لارا:كمل يا جدو وبعدين اى اللى حصل
مصطفى:بعد عشرين سنة قررت احكى لفارس كل حاجه واقنعته أنه يروح الصعيد بحجه أن فى مشروع هناك ويدور على فاطمه وبنتى واديته صوره لفاطمه عشان لو لاقيها يتصل بيا بسرعه وللاسف مكنتش اعرف انى وانا بدور على بنتى هخسر ابنى الوحيد
لارا بلهفه:ها حصل اى
مصطفى:فارس سافر الصعيد واقعد فتره وكلمنى وقالى أنه ملقاش اى اثر لفاطمه وبنتى انا حزنت اوى أنه خلاص مبقاش في فايده ولا أمل واحد انى الاقى بنتى بس فرحت اوى لما لقيت فارس بيقولى أنه لاقه نصه التانى
لارا:وبعدين حصل اى يا جدو
مصطفي:اللى فارس حبها كانت من عيله غنيه اوى وكان عليهم تار وكانت مضطره أنها تتجوز واحد من عيله تانى عشان التار ده يخلص بس علا امك كانت بتحب ابوكى اوى وحكت لاخوها على كل حاجه وهو قرر يساعدها أنها تهرب مع فارس للقاهره وهربت مع فارس عنه ومعرفناش اى اللى حصل فى الصعيد تانى وفارس اتجوزها وخلفوكى ولما كان عندك اربع سنين اخو امك اتصل ب ابوكى وقاله أنه عايز يشوفه ضرورى وفارس سفرله وللاسف رجع ميت عمل حادثه ومات فيها واكتشفنا بعدين أن الفرامل كانت مقطوعه من العربيه وأخو امك مات بردو فى نفس الحادثة وامك تعبت ودخلت المستشفى وحد سممها وماتت
لارا بحزن:مين إللى عمل كده
مصطفى:مش عارف يا بنتى لو اعرف كنت قولتلك بس انا معرفش مين
لارا:انا لازم اعرف مين اللى حرمنى من ابويا وامى
مصطفى:لارا انتى عارفه دلوقتى انتى فى بيت مين
لارا:بيت مين!!!؟
مصطفى:انتى فى بيت عيله امك انتى واحده من العيله دى يا لارا
لارا بصدمه:اى ؟!يعنى علا امى هى نفسها علا بنت شرجاوى
مصطفى:ايوى يا لارا خلى بالك من نفسك يا لارا كل حاجه هتتحل فى أسرع وقت يا بنتى متخافيش
لارا قفلت مع مصطفى واقعدت مكانها سرحانه فى الكلام اللى سمعته من جدها فى حاجه ناقصه مصطفى مخبى عليها حاجه تانى بس اى
بره الاوضه عثمان كان رايح اوضته بس وقف لما سمع صوت جاى من اوضه لارا كان لسه هيخبط لاقى الباب مفتوح ولارا فاتحه الاسبيكر وسمع كل كلام مصطفى وانصدم
عثمان بصدمه ولنفسه:معقول يبجا لارا بنت اختى علا وعلا ماتت ازاى علا اختى الصغير ماتت انا كنت فاكرها عايشه اها يا حرقت جلبى عليكى يا بت ابوى اها ولارا تبجا بنت يختى اللى اتحرمت من حنانك اها يا بنت ابوي اها على اخر الزمن بنت علا الشرجاوى تشتغل خدامه لاع والف لاع لازم اتصرف
فى القاهرة فى المستشفى في اوضه مصطفى
زهران:مقولتلهاش الحقيقة كامله لي يا باشا
مصطفى:مش لازم تعرف الحقيقة كلها مش لازم
★★★★★
فى سرايا عيله شرجاوى فى اوضه إسماعيل
اسماعيل كان نايم وهو مبسوط وفرحان ان خلاص هيعمل اللى هو عايزاه بجواز كريم من فيروز قام من النوم مفزوع على صوت تليفونه برقم مجهول
اسماعيل بنوم:ايوى مين !
:ليك نفس تنام يا ولد شرجاوى وانت السبب فى موت اخوك انت اللى قتلته
اسماعيل قام بسرعه وطلع من الاوضه قبل ما الهدى تصحى
اسماعيل:انت مين وعايز منى
:مش عايز منك حاجه انا عايز اشوف ميت زى ما ابراهيم مات
اسماعيل:انت مين
:هتعرف قريب اوى يا ولد الشرجاوى انا مين
الهدى قامت من النوم ملقتش اسماعيل جنبها ولسه هتقوم تشوفه فين تليفونها رن برساله وكانت من الماضى المجهول
الهدى بصدمه:يامرك يا الهدى يامرك يا الهدى اعمل اى بس اعمل اى
تليفونها رن وهى ردت بسرعه
الهدى بغضب وصوت خافت:عايز اى منى بعد كل السنين دى كلها
:اى نستينى ولا اى
الهدى بكره:انساك ازاى وانت الكابوس اللى فى حياتى مش عارفه اخلص منه
:انا اها كابوس بس انتى شيطان اوع تفتكرى نفسك ملاك
الهدى:انت متصل بيا عشان تجولى أكده
:لا يا بنت الشافعى انا عايز اشوفك وضروري جوى
الهدى:ازاى
: دلوجتى بجا سهل اشوفك عادى عن الاول هستناكى بعد بكره فى نفس المكان انتى عارفه كويس
الهدى:طيب
الهدى قفلت بسرعه لما لقت اسماعيل داخل
الهدى:انت كنت فين
اسماعيل:وانتى مالك انتى اى اللى صحكى اصلا
الهدى:جومت لما ملجتكش جنبى
اسماعيل:اى الحنيه اللى نزلت عليكى دى مش متعود عليها منك وسابها ونام
الهدى بحزن وهى تتذكر ما حدث فى الماضى
Flash
من تلاتين سنه فى الصعيد فى منزل بسيط
الهدى:صباح الخير يما
فاطمه بتعب:تعال يا الهدى عايزه اجولك حاجه
الهدى بأستغراب: حاجه اى يما
فاطمه: انتى اسمك الهدى اى
الهدى:اسمى الهدى الشافعي يما زى منتى جولتيلى
فاطمه:انا متاكده يا الهدى أن مصطفى هيرجع يدور علينا تانى
الهدى بضيق فهى تكره مصطفى:انسى بجا يما ده ضحك عليكى وخلع من اهنى
فاطمه: اسكتى يا بت انا متاكده ان مصطفى هيرجع عشان يدور على بنته
الهدى بسخرية:طيب اسيبك انا يما مع احلامك دى واروح اشوف اكل عيشى وارجعلك
الهدى سبتها ومشت وفاطمه فضلت قاعده مكانها بتبص للفراغ بحزن:امتا هترجع يا مصطفى امتا
الهدى كانت ماشيه على الطريق الزراعي مفيش حد غيرها ماشى وف عربيه جايه بسرعه هتخبطها بس لحقت نفسها بسرعه ووقعت فى الارض وقامت بغضب وهى بتنفض هدومها:اعمى مش تحاسب لما انت مبتعرفش تسوق بتركب عربيه لي
فارس نزل من العربيه وبصلها باستغراب:انا اللى اعمى بردو؟؟؟!مش انتى اللى ماشيه فى نص الطريق اعملك اى يعنى
الهدى وهى بتبصله بنظرات اعجاب: هما الأجانب رجعوا الصعيد امتا
فارس باستغراب: نعم؟؟؟؟
الهدى:انت مين شكلك مش من اهنى
فارس:فعلا انا مش من هنا
الهدى:اسمك اى
فارس:فارس وانتى
الهدى:الهدى
فارس:طيب ممكن تساعديني
الهدى:اها طبعا
Back
الهدى بحزن:يارتنى ما ساعدتك يارتنى
★★★★
صباح اليوم التالي فى سرايا عيله شرجاوى قدام اوضه غيث لارا واقفه محتاره
لارا:طيب ادخل ولا لا مينفعش ادخل اصلا اعمل اى بس المدام شاديه طلبت منى اصحى غيث اعمل اى وبعدين انا لحد دلوقتي شكه أن الحلو اللى جوه ده من الصعيد وكمان اسمه غيث من الصعيد ازاى يا اخونا ده اكيد ممثل فى هوليود يالاهوى عليا بدرى هوليود اى دلوقتي يا لارا فكرى هتدخلى تصحيه ازاى انا هدخل وامرى لله
لارا خبطت بس مفيش رد خبطت تانى مفيش رد قررت تدخل ودخلت لقتها اوضه مختلفه عن كل اوض السرايا مميزه بكل معنى الكلمه راحت ناحيه السرير بخوف عشان تصحى غيث لقته مش موجود
لارا بأستغراب:هو فين ده
غيث من خلفها:هو مين!!؟
لارا بصت ورائها بخضه وانصدمت من اللى شافته غيث مش لابس حاجه غير منشفة على خصره حطت أيدها على عيونها بسرعه
لارا:هو فى حد يطلع كده
غيث وهو يرتدى ملابسه:نعم يختى دى اوضتى وانا حر فيها اطلع فيها زى منا عايز
لارا بغباء:حتى لو اوضتك بردو البس فى الحمام افرض حد دخل
غيث:انتى غبيه ابت هيدخل ازاى من غير إذن اصلا وبعدين انتى ازاى تدخلى هنا
لارا:مدام شاديه طلبت منى اطلع اصحيك
غيث:شيلى ايدك خلاص انا لبست
لارا شالت أيدها لقته فعلا لبس وبخجل:انا اسفه انى دخلت كده بس انا خبطت كتير ومحدش رد افتكرت أن حضرتك لسه نايم
غيث:غيث!
لارا بأستغراب:نعم!؟؟
غيث:اسمى غيث بلاش حضرتك دى
لارا: حاضر اتفضل انزل معايا
غيث:يالا
لارا طلعت هى وغيث من الأوضه
غيث لنفسه: استغفر الله العظيم يارب اللهم اخذيك يا شيطان هعيش معاها ازاى دى ازاى
لارا وغيث نزلوا تحت والكل كان موجود ما عدا طبعا فيروز وكريم ونعيم وساره
عثمان: اقعد يا غيث
غيث اقعد وبدأ يفطر معاهم وعيونه على لارا
لارا كل فتره والتانيه تبص على غيث تلاقيه بيبصلها وبحزن على نفسها ولنفسها:وبعدين معاكى يا لارا انتى لسه مصدقه أن فى حاجه اسمها حب منتى حبيتى مالك وهو ضحك عليكى لحظه بس انا لحد دلوقتي معرفش اى العداوه اللى بينى وبين مالك ولي مالك عمل كده فيا ومين اللى قتله وازاى مات مش انا حبيت مالك ازاى وانا طول الاسبوعين اللى اقعدتهم هنا مفكرتش فى مالك الا مره وكل تفكيرى فى غيث ازاى معقول مكنش حبيت مالك واكون حبيت غيث اى الكلام اللى انا بقوله ده انا ازاى احب غيث مستحيل طبعا وهو مستحيل يحبنى ولو حبنى هيكرهنى بعد ما يعرف الحقيقة انى جيت هنا عشان هربانه
غيث لأحظ أن لارا بتبصله بحزن وهو بصلها بأستغراب كل ده تحت أنظار عثمان اللى قاعد متابع ابنه ولارا واول مره يلاحظ الشبه اللى بين علا ولارا
★★★★
فى اوضه فيروز وكريم
كريم قام من النوم لاقى فيروز لسه نايمه اقعد جنبها وفضل يلعب في شعرها اول مره يحس براحه زى دى مرتاح اوى
فيروز قامت من النوم لقت كريم قاعد جنبها وبيعلب فى شعرها
كريم بحب بعد أن قبل جبينها: صباحيه مباركه يا عروسه
فيروز بصت فى الأرض بخجل
كريم:لا بجولك اى فكك من الخجل ده انا مش بحبه انا عايزاك تبجى على راحتك معايا يا جمر انتى
فيروز بخجل: مش هجدر
كريم:لا هتجدرى فكك من الخجل ده فيروز وبعدين انا محضرلك مفاجاه انما اى هتعجبك جوى
فيروز: مفاجاه اى!!!
كريم: دلوجتى نسيتى الخجل
فيروز:يالا جولى مفاجاه اى بجا
كريم:ماشى يستى هننزل اسكندريه اسبوع شهر عسل مشترك
فيروز:مشترك ازاى يعنى
كريم:يعنى أنا وأنت يا جمر ونعيم ومراته وفرحه وجوزها ومالك ومراته
فيروز بفرحه: بجد يعنى هكون مع فرحه هناك
كريم:معاها فين يما انتى هبله ابت احنا اها هنكون فى اسكندريه مع بعض بس انا مش هخليكى تشوفى حد منهم
فيروز بأستغراب: لي؟!
كريم:تحبى تشوفى
فيروز:اشوف اى !!!
كريم غمزلها:كان بودى اوريكى دلوجتى بس لازم نمشى انهارده جومى جهزى الشنط
فيروز بخجل:حاضر
★★★★
فى اوضه نعيم
نعيم قام من النوم واتوضى وصلى واقعد يستنى ساره لما تصحى شارد بملامحها وهى نايمه كأنها حوريه نايمه كل ثانيه والتانيه يتعلق بيها اكتر بس قلبه موجوع أنها بتحب غيره
شويه وساره قامت من النوم لقت نعيم قاعد بيبصلها وجها احمر من الخجل
ساره بخجل:فى اى بتبصلى كده لي
نعيم ببرود مصطنع:مستنى جانبك أما يصحى
ساره بصتله بقرف خلت قلب نعيم ينكسر اكتر
نعيم:جومى جهزى حالك هنسافر اسكندريه اسبوع
ساره بغضب ولنفسها:اسافر معاك فين انت مجنون انا لازم اجعد اهنى عشان افكر هعمل اى مع عز والحربايه اللى خدته منى
نعيم:روحتى فين
ساره:ومين جالك أنى هسافر معاك
نعيم:غصب عنك هتسافرى
ساره:لا مش هسافر معاك انسى
نعيم:اسمعى يا بت الناس انا مساك نفسى بالعافيه عنك لمى الدور احسن الك والا قسما بالله اكسرك هنا وابعتك مع ابن عمك اللى جاى
ساره بلهفه: ابنى عمى جصدك عز صح
نعيم بأستغراب من لهفتها:اها هو
ساره:ماله هو جى اهنى
نعيم بأستغراب من اهتمامها:ايوى جاى ماهو هيكون شهر عسل جماعى وابنك عمك واختى معانا
ساره بصوت خافت: الحمد لله
نعيم:بتجولى اى
ساره:بجول انا غيرت رأى وهسافر
نعيم بأستغراب:طيب جهزى الحاجات عبقال ما اجى
ساره: طيب
★★★★
العرسان اتجمعوا فى سرايا عيله شرجاوى وودعوا الكل وسافروا اسكندريه
وبعد ما مشوا غيث كان قاعد سرحان فى لارا اللى مش بتغيب عن باله ولا لحظه زهق من نفسه مش عارف يعمل معاها اى ولو بيحبها اى اللى هيحصل يعنى هتحبه بس لو طلعت خاينه زى ورد مش هيقدر يستحمل قام من مكانه وطلع من السرايا كلها لمجهول في انتظاره
عقب خروج غيث لارا كانت واقفه بتنضف حست بنقباض قلبها ووجع فيه خافت اوى حست أن غيث مش فى امان استغربت من نفسها ازاى حست حاجه زى دى وسابت كل حاجه وراحت تدور على غيث فى كل سرايا
★★★★
فى مكان الكبيره
الكبيره بابتسامة انتصار:نفذ
#########
اللى جاى اقوى 😎
#عشقت غيث
#نرمين جمال
