اسفه يا جماعه البارت قصير بس والله اليوم كان متعب وانا هموت وانام بس مرضتش ازعلكم منى وحاولت اكتب اسفه مره تانى هعوضكم بكره انشاء الله قراءه ممتعه
صلى على النبي تلات مرات
Part 14
########
صباح اليوم التالي فى الصعيد فى المستشفى في اوضه لارا
لارا فاقت لقت الكل متجمع حواليها عثمان واسماعيل وشاديه والهدى ورحاب
عثمان:عامله اى يا حبيبتي دلوجتى
لارا بتعب: الحمد لله
شاديه :متخافيش يا حبيبتي الدكتور جال اننا نجدر ناخدك البيت
اسماعيل:الا جوليلى يا لارا اى اللى حصل مع علا وازاى ماتت وانتى جيتى هنا ازاى اصلا
عثمان بقلق:هو ده وقته يا اسماعيل البنت لسه تعبانه
اسماعيل بقلق هو الآخر:معلش يخوي بس لازم افهم كل حاجه
لارا بقلق وكدب:ماما ماتت من عشرين سنة لما كان عندى اربع سنين ماتت بعد موت بابا باسبوع وانا كنت حابه اتعرف عليكم عشان كده جيت هنا وعملت نفسى خدامه
رحاب:لي يينتى عملتى كده
لارا:خوفت لترفضوا وجودى
غيث بعد أن حصل على إجابات كل اسئلته فهو كان يريد أن يعلم ماذا تفعل هنا وكيف اتت:على العموم اهلا بيكى يا بت عمتى بينا
لارا بصتله وابتسمت
غيث: بعد متقومى اكده بالسلامه انا طالب ايدك يا بت عمتى
الكل بص لغيث بصدمه
شاديه بصدمه وفرح فهى احبت لارا كثيرا: بجد ياولدى بجد
غيث:ايوى يا امى بجد
عثمان:يازين ما اخترت ياولدى مش هتلاجى واحده احسن من بنت اختى
اسماعيل بحقد: مستعجل على اى ياولدى انت نسيت أن مراتك لسه ميته مكملتش اربعين يوم حتى
عثمان بتعب من أخيه:طليجته يخوي ورد تستاهل اللى حصل فيها وجفل على الموضوع ده بجا
اسماعيل: براحتك ياولد ابوى عن اذنكم
اسماعيل طلع ولارا سرحت فى كلامه وشكها طلع فى محله
عثمان:جدك فين يا بتى
لارا بتوتر:فى القاهرة
عثمان:اكيد لسه ميعرفش اللى حصل لازم يعرف
لارا:انا اتصلت بيه جولتله وهو هيجى
شاديه:احسن حاجه يا بتى هنسيبك ترتاحى دلوجتى ونجيلك بليل عشان ناخدك معانا ترتاحى بجا
لارا:حاضر
كلهم طلعوا ماعدا غيث
غيث:انا عرفت عنك دلوجتى اللى عايز أعرفه إنشاء الله لما تتحسنى هنبدا بكل حاجه
لارا بخجل: إنشاء الله
غيث:هسيبك ترتاحى بجا وهجيلك تانى هروح أخلص حاجه أكده واجى تانى
لارا:ماشى
غيث طلع ولارا غمضت عيونها وحست بأحد بيفتح الباب
لارا دون أن تفتح عيونها:عملت اللى طلبتيه منى من غير ما افهم فى اى هو فى اى فاهمينى بقا كل حاجه
الهدى اقعدت جنب لارا بعد أن أغلقت الباب واتاكدت كويس ان محدش هيسمعهم
الهدى:كويس انك نفذتى اللى جولتلك عليه الصبح
Flash
فى اوضه لارا الساعه خمسه الفجر غيث طلع يصلى الفجر ولارا كانت صاحيه حست بأحد بيحاول يفتح الباب وكانت لسه هدوس على الزر عشان الممرضه تيجى اتفجئت بالهدى هى اللى بتحاول تفتح الباب
لارا بأستغراب:انتى؟؟؟؟!
الهدى:ايوى انا يا لارا مفيش وجت اسمعينى كويس جوى العيله هتيجى كلها كمان ساعتين او تلاته هيسئلوكى عن علا هتجولى أن علا ماتت من زعلها على ابوكى اوع يا لارا تجيبى سيره الجتل فاهمه
لارا بصدمه واستغرب من كلامها:لي انا مش فاهمه حاجه؟!!
الهدى:هفهمك كل حاجه بعدين بس مش دلوجتى الوجت مش مناسب يا بت اخوى نفذى كلامى كويس جوى ولو أحد جالك انتى جيتى هنا ازاى انا متاكده ان غيث هيسالك السؤال ده هتجولى انك حبيتى تتعرفى على عيله امك وعملتى نفسك خدامه عشان خوفتى لنرفضك فاهمه يالارا
لارا:ايوى فاهمه هقول كده بس انا لي انفذ كلامك ده يعنى
الهدى:لازم تنفذى كلامى كويس اوى ده لو عايزه تعرفى مين اللى عمل كده فى امك وابوكى ومين اللى قتلهم
لارا بصدمه:انتى تعرفى!!!
الهدى:ايوى اعرف
لارا:مين اللى عمل كده!
الهدى:هجولك بس مش دلوجتى الوجت مش مناسب بس اهم حاجه تنفذى كلامى كويس جوى
لارا:ماشى بس هتقوليلى مين اللى عمل كده
الهدى:ايوى هجولك سلام دلوجتى يا بت اخوى هشوفك تانى
الهدى مشت ولارا سرحت فى كلامها واى بت اخوى اللى عمالها تقولها دى ؟؟؟!
Back
لارا:يالا قوليلى بقا اى الحكايه انا عايزه اعرف كل حاجه ومين اللى عمل كده فى ماما وبابا
الهدى:هقولك يا لارا الحكايه كلها بدأت من تلاتين سنه
Flash
من تلاتين سنه فى الصعيد فى منزل بسيط
الهدى:صباح الخير يما
فاطمه بتعب:تعال يا الهدى عايزه اجولك حاجه
الهدى بأستغراب: حاجه اى يما
فاطمه: انتى اسمك الهدى اى
الهدى:اسمى الهدى الشافعي يما زى منتى جولتيلى
فاطمه:انا متاكده يا الهدى أن مصطفى هيرجع يدور علينا تانى
الهدى بضيق فهى تكره مصطفى:انسى بجا يما ده ضحك عليكى وخلع من اهنى
فاطمه: اسكتى يا بت انا متاكده ان مصطفى هيرجع عشان يدور على بنته
الهدى بسخرية:طيب اسيبك انا يما مع احلامك دى واروح اشوف اكل عيشى وارجعلك
الهدى سبتها ومشت وفاطمه فضلت قاعده مكانها بتبص للفراغ بحزن:امتا هترجع يا مصطفى امتا
الهدى كانت ماشيه على الطريق الزراعي مفيش حد غيرها ماشى وف عربيه جايه بسرعه هتخبطها بس لحقت نفسها بسرعه ووقعت فى الارض وقامت بغضب وهى بتنفض هدومها:اعمى مش تحاسب لما انت مبتعرفش تسوق بتركب عربيه لي
فارس نزل من العربيه وبصلها باستغراب:انا اللى اعمى بردو؟؟؟!مش انتى اللى ماشيه فى نص الطريق اعملك اى يعنى
الهدى وهى بتبصله بنظرات اعجاب: هما الأجانب رجعوا الصعيد امتا
فارس باستغراب: نعم؟؟؟؟
الهدى:انت مين شكلك مش من اهنى
فارس:فعلا انا مش من هنا
الهدى:اسمك اى
فارس:فارس وانتى
الهدى:الهدى
فارس:طيب ممكن تساعديني
الهدى:اها طبعا
اخدته الهدى الى المكان الذى يريد أن يذهب إليه منزل مهجور لا يسكنه أحد ملك لعيله الشافعى
الهدى:انت جديد هنا
فارس وهو ينظر إلى المكان بأستغراب:ايوى جديد هنا
الهدى: بجول كده بردو عن اذنك
فارس:استنى
الهدى:اى
فارس:شكرا
الهدى:العفو لو عوزت حاجه هوصلك سلام
فارس:مع السلامه
الهدى مشت وفارس دخل البيت كله تراب
فارس:انضفه ازاى ده بقا دلوقتى لازم الاقى حد ينضفه هتصل بزهران بجيلى هنا واتصل بزهران وطلب منه يجيله بسرعه ومعاها اتنين من الخدم وهو خرج يتمشى فى البلد عبقال ما زهران والخدم يجيوا
الهدى خلصت شغلها فى تنضيف بيوت اثرياء قنا وفى طريقها لبيتها اصطدمت بواحد
الهدى:مش تحاسب اعمى
على بغضب:انتى اللى عاميه مش تاخدى بالك وانتى ماشيه
الهدى بصتله بقرف ومشت
علي:استنى عندك
الهدى:نعم يخويا عايز اى خير
على وهو ينظر لها بنظرات غريبه:اسمك اى
الهدى:وانت مالك انت
على:اسمك اى ردى احسلك
الهدى:الهدى لي
على:ماشى عن اذنك
على سابها ومشى
الهدى بأستغراب:مجنون ده ولا اى يارب صبرنى على المتخلفين اللى فى البلد هنا ومشت
★★★
فارس كان ماشى فى البلد مستغرب من الشوارع والناس لفت انتباه اطفال بتلعب وقف يتفرج عليهم وفى نفس الوقت سمع صوت حد قريب منه
:يوه يالا يا علا بجا لو حد شافنا هتبجا بفضيحه جوى
علا بغضب:استنى بجا يا شاديه هسرقها ونمشى من هنا بسرعه
فارس بصوت خافت: حراميه!!!وراح باتجاه الصوت لاقى بنتين واحده ماسكه فى معزه والتانيه واقفه بتبصلها بغضب
شاديه:انا ماشيه يا علا اعملى اللى تعمليه انتى واحده مجنونه اصلا
شاديه مشت وعلا قاعده تشد فى المعزه عشان تمشى بس مفيش فايده وفارس واقف بيضحك عليها
علا حست بأحد واقف ورائها وبيضحك قامت بسرعه تشوف مين لقت واحد غريب شكله مش صعيدى غريب عنها اول مره تشوفه فى البلد
علا لنفسها: الأجانب احتلونا تانى صح ولا ده ملاك ولا اى بالظبط
فارس بابتسامة جذابه:هربت منك
علا بعدم فهم:هى أى دى!!!؟
فارس وهو يحاول أن يكتم ضحكاته: المعزه
علا بصت بسرعه على مكان المعزه لقتها اختفت وبزعر:المعزه!!!!!!!
فارس فى اللحظه دى انفجر في الضحك عليها وعلى معالم وشها
علا بإعجاب من هيئته وضحكته الجميله حاولت أن تدرى اعجابها به بغضب:انت بتضحك على اى؟؟؟؟؟!
فارس:عليكى انتى مش شايفه نفسك
علا: شايفنى مهرج اوع كده من وشى خلينى اشوف رشيده راحت فين
فارس ضحك من كله قلبه عليها وهو يحاول الحديث:رشيده !!!ههههه المعزه اسمها رشيده ههههه
علا:ايوى يخويا مالها رشيده ماهو حلو اهو
فارس:وفين بكار بقا
علا:ههه يختى على الظرافه اوع من وشى وسابته ومشت وهو فضل واقف بيضحك عليها لحد ما اختفت من امامه
فارس: مجنونه بس قمر هى قنا كلها حلوه ولا اى انا شكلى هستقر هنا لو اللى هنا بالحلاوه دى ومشى
هناك من شهد كل هذا كان على يقف على مسافه ليست بعيده عنهم وراء ما حدث ولكن لم يسمع كلامهم شعر بالغضب الشديد والغيره وهو يشاور لأحد رجاله بالقدوم له
الغفير:نعم يا بيه
على شاورله على فارس :تعرفه
الغفير:لا يا بيه انا اول مره اشوفه وشكله مش من البلد اصلا
على: تخليك وراءه وتعرف كل حاجه عنه
الغفير:ماشى يا بيه عن اذنك
على:روح
الغفير مشى وعلى فضل واقف يبص لفارس بغضب
اسماعيل:معلش اتاخرت عليك يالا نروح
على وهو يحاول أن يدارى غضبه:يالا
اسماعيل:مالك
على: اسماعيل هى اختك بره السرايا بتعمل اى انا مش جولتلك تسيطر عليها متخلهاش تطلع بره
إسماعيل بزهق:وانا جولتلك مليون مره جبل أكده علا غير الغوازى دى اختى الوحيدة ومستحيل تعرف اسيطر عليها دى بنت ابوى الوحيدة مستحيل ويالا خلينا نخلص إللى ورانا عشان نخلص بدرى ونروح نسهر
على بعد خطرت له فكره:يالا
★★★★
عدا يومين على وجود فارس فى قنا وكل يوم يشوف الهدى وعلا بالصدفه كل ده تحت أنظار على اللى كان بيراقب علا وفى يوم
علا واقفه هى وشاديه فى السوق
شاديه:نفسى اعرف جيبنا هنا لي يا بت عمى
علا:اصبرى وهتعرفى كل حاجه دلوجتى هو هيجى يجيب حاجه من السوق
شاديه:حاجه اى دى يا علا جوليلى عملتى اى تانى شكلك عامله حاجه تانى
علا:لا والله معملتش حاجه
شاديه:علا انا اكتر واحده عارفكى عملتى اى
علا:بصراحه عملت عارفه الجار الجديد فى البلد
شاديه:اها ماله
علا: بصراحه أكده انا مش عارفه أشيله من بالى
شاديه:يبجا حبتيه يابت عمى بس هو
علا:معرفش عنيه اى حاجه
شاديه:يخساره المهم عرفتى ازاى أنه هيجى هنا انهارده فى الوقت ده
علا:دفعت للخدام اللى عنده وهو اللى جالى
شاديه: يخربيتك انتى مجنونه صح
علا:بس بجا هو هيجى دلوجتى
شاديه:ماشى يا علا أما نشوف اخرتها
علا بصتلها وسكتت ومخدتش بالها من اللى كان ورائهم وسمع كلامهم وانسحب بسرعه دون أن يلاحظه أحد
على بكره:بجا الجديد عاجبك وانا اللى جدامك بجالى سنين عمرك ملاحظتينى ماشى يا بت شرجاوى ماشى فى الاخر مش هتكونى لحد غيرى اصبرى عليا بس لمح فارس قادم ومعه الهدى ولاحظ نظرات الهدى لفارس وفهم أنه أيضا واقعه فى حبه
على بتفكير خبيث:انا هوريك انا هعمل اى ورحل
فارس كان ماشى وشاف الهدى ومشى معاها لحد ما دخلوا السوق وفارس مخدش باله من علا اللى واقفه تبصله بحزن
فارس:انتى مش خايفه لحد يشوفك معايا يعنى انا قصدى أننا فى الصعيد واحنا اهم حاجه عندكم سمعه المراه صح
الهدى:صح بس انا مبيفرقش معايا حد
كان فارس على وشك الحديث لكن سبقته علا
علا:منتى واحده من الغوازى وامك واحده من الغوازى اكيد يعنى مش هيفرج معاكى حاجه اهنى
صدم فارس من كلام علا وبص على الهدى لاقى الدموع اجتمعت فى عيونها شعر بالغضب من كلام علا
فارس بغضب:اى الكلام الفارغ ده
علا بتحدى:ماهى دى حقيقية انت متعرفهاش
كانت الهدى على وشك الرحيل امسك فارس يدها بسرعه مما ازاد من غضب علا
علا بصتلهم بقرف وغضب ومشت وفارس مسك ايد الهدى وطلع من السوق كله ووصل الهدى عند بيتها
فارس: متزعليش من كلامها
الهدى بوجع: عادى انا متعوده على كده بس انا مش كده الكل فاهمنى غلط دايما بس انا مش كده كل ده عشان معرفش مين ابوى
فارس بشفقه عليها:انا غيرهم ومصدق انك مش كده يالا تصبحى على خير اشوفك وقت تانى سلام
الهدى: وعليكم السلام ورحمه الله وبركاته
فارس مشى والهدى دخلت بيتهم وهى مبسوطه وبترقص مفكره أن تصرفات فارس معاها بدل على حبه لها
فى المساء في منزل فارس
فارس كان نايم حس بحركه حواله قام بسرعه واتفاجا من اللى شافه وبصدمه: اى!؟؟؟؟؟
#########
#عشقت غيث
#نرمين جمال
