عشقت غيث

الخاتمه

صلى على النبي تلات مرات
الخاتمه
###########
بعد مرور شهرين
فى الصعيد فى سرايا عيله دياب في اوضه حسان
حسان كان قاعد مع خالد
حسان:ربنا يرحمه
خالد بحزن على أخيه فقد مات على منذ شهرين :يارب يا بوى يارب
حسان:معرفش جاب كل الكره ده منين انا معملتش حاجه فى دنيتى وحشه عشان ابنى يكون كده يا ابنى انا مقصرتش معاكم فى حاجه لي يعمل كده انت عارف هو دمر كم شخص بعميله دى
خالد:ربنا يسامحه بقا يابوى
حسان:يارب يا ولدى يارب الحمدلله أن عيله شرجاوى مقطعوش معانا العلاقات
خالد: الحمدلله والعداوه خلاص انتهت خلاص
حسان: الحمد لله يا ولدى الحمدلله
خالد:عن اذنك انا يا بوى هروح اشوف اللى ورايا حسان :روح يا ولدى
خالد ساب ابوه وطلع ودخل اوضته لاقى حسينه قاعده على السرير بتبكى
خالد بقلق:فى اى يا حسنيه مالك فيكى حاجه حسنيه ببكاء:انا اسفه اوى يا خالد
خالد بعدم فهم:اسفه على اى بالظبط
حسنيه:على تصرفاتى معاك سامحنى يا خالد خالد:مسامحك يا حسنيه ومن زمان كمان بس عندى ليكى طلب
حسنيه: اؤمرنى وانا انفذلك اللى انت عايزاه
خالد:ياريت تخلى معاملتك حلوه مع مالك وساره دول مهما كان ولاد اخويا حتى لو اخويا عمل اى
حسنيه:حاضر يا خالد عشان خاطرك ولو ده هيسعدك وتسامحنى
خالد:مسامحك يا حسنيه مسامحك
حسنيه:ربنا يخليك ليا
خالد:ويخليكى لينا
نعم لم يحصل خالد على حبه لكن لا بأس فقد تعود على حسنيه فى حياته اخيرا وليس من الضروري أن يحبها طلاما تعمله حلو وهو يعملها حلو لا باس ★★★
فى اوضه عز
عز واخد فرحه فى حضنه:معلش بقا يا حبيبتي بكره الأمور تتصلح
فرحه بحزن:يارب يا عز يارب
عز:وبعدين بلاش الزعل ده بقا عشان صحتك وصحه البيى
فرحه:قولى يا عز
عز: قولى يا قلب عز
فرحه:هو انا شكلى بقا وحش بعد ما حملت
عز:لا طبعا دانتى قمر
فرحه: بجد يعنى متخنتش
عز:طبيعى انك تتخنى يا حبيبتي انتى حامل فرحه:يعنى شكلى احلى دلوجتى ولا قبل الحمل
عز بنفاذ صبر: الاتنين فى الحالتين شكلك احلى يا حبيبتي
فرحه:طيب شعرى حلو كده ولا اقصه
عز:لا طبعا خليه كده شكله حلو كده
فرحه:طيب قولى يا عز
عز بتحذير:خلاص يا فرحه فى اى كل دى اسئله
فرحه بحزن:انت بقت مش طيقانى يا عز حتى مش طايق الكلام معايا انت مبقتش تحبنى زى الاول
عز:يادى النيله اهى الهرمونات بدأت اهى وهنبدا نكد
فرحه:قصدك اى انى نكديه صح وهتبدا تبص لبره صح انت مبقتش تحبنى صح
عز:يا حبيبتي لا طبعا بحبك وبموت فيكى كمان وبعدين مينفعش كده احنا كل منكون مع بعض تسالى اسئله تافهه اوى
فرحه:قصدك انى تافهه صح
عز: يادى النيله يستى لا انا اللى تافه ممكن تهدى بقا
فرحه:انت شايفنى مجنونه صح ايوى صح انت بتقول عنى انى مجنونه
عز بأستغراب وصدمه منها:فى اى يا فرحه انا امتا قولت كده
فرحه والدموع تتجمع فى عيونها:انت لسه قايل دلوجتى
عز:والله مقولت انا بقولك أهدى عشان متتعبيش يا روحى
فرحه:يعنى انا مش مجنونه
عز:لا يا حبيبتي انتى اعقل واحده شوفتها في حياتى
فرحه:ولا وحشه
عز: دانتى اجمل بنت فى حياتى كلها
فرحه:انت لسه بتحبنى صح
عز:وهفضل احبك لاخر نفس ليا
فرحه:انا بحبك اوى يا عز
عز:وانا بعشقك يا قلب عز انتى واحشنى اوى
فرحه بخجل:وانت كمان واحشنى اوى
أقترب منها عز وقام بتقبيلها ذهبان معا فى بحار العشق تلك البحار التى لا يذهب إليها إلا من وقع فى العشق احبهم اقوى من اى شئ خلقا لبعض وسيظلون شخص واحد للابد عباره عن قلب واحد نصف معاها ونصف معه يعشقها وسيظل يعشقها حتى آخر نفس فيه احب تلك العداوه حقا لأنها جمعته بصغيرته المجنونة فرحه قلبه اسم على مسمى حقا تمنى من الله أن يقدر على اسعدها ويحقق لها كل ما تريد ولن يزعلها يوما لن يسمح لها أن تبتعد عن هذا الحضن الذى ملكا لها ★★★
فى اوضه مالك
سريم نايمه فى حضن مالك
سريم:ما عمتو كانت فضلت هنا
مالك:حاولت معاها كتير انها تفضل معايا هنا او حتى تفضل مع كريم وانا ابقا اروح واشوفها رفضت وقررت تفضل فى القاهره
سريم:طلاما هتكون مرتاحه هناك فكويس
مالك:بس كان نفسى تقعد معايا هنا
سريم: الذكريات هنا وحشه يا مالك وهتفكرها بكل حاجه
مالك:معاكى حق يبقا نروحلها مره كل شهر وبالمره نعمل شهر عسل
سريم:ههه انت مجنون صح انت نسيت انى حامل ولا اى يا استاذ
مالك:هنبدا بقا ترفضى اى حاجه عشان خايفه على ابنك وتحرمينى من السعاده
سريم بأستغراب:اى ابنك دى؟؟؟؟ماهو ابنك انت كمان وبعدين انت بدات تغار من دلوقتى واى عرفك أنه ولد ماهو ممكن يكون بنت
مالك:لا انا متاكد انه ولد
سريم:لو ولد هتسميه اى؟؟!
مالك:حسام أو حازم
سريم:لي الاسمين دول يعنى
مالك: بحب الاسمين دول اوى لو نجيب تؤام
سريم:نعم؟!تؤام اى
مالك:عندك حق فعلا تجيب تؤام وياخدوكى منى صح يبقا لازم اغير من ابنك ده
انفجرت سريم من الضحك عليه
مالك:انتى بتضحكى بكره تشوف يستى وهتعرفى انى كان عندى حق وابنك هياخدك منى
سريم بدلع:مفيش حد يقدر ياخدنى منك يا مالك انا ليك
مالك:وانا مستحيل اسمحلك تبعدى عنى لحظه وانا لسه عند قررى كل شهر نروح نشوف ماما ونعمل شهر عسل تانى ومش عايز اعترض مفهوم
سريم:حاضر مفيش اعتراض
مالك:بحبك وانت مطيع كده
سريم:انا دايما مطيعه يا حبيبي بس انت اللى مش واخد بالك
مالك:ممكن بردو فاضل ست شهور صح
سريم:ايوى واكملت بخوف هو انا ممكن يجرالى حاجه وانا بولد
مالك:بعد الشر عليكى يا حبيبتي متقوليش كده
سريم:انا خايفه اوى
مالك:متخافيش طول منا معاكى
سريم:ربنا يخليك ليا يا حبيبي
مالك: ويخليكي ليا يا روح قلبي انتى شوفتى اللى حصل لاخوكى بقا يمشى يكلم نفسه
سريم:ههههه الحمل معلم عليه
مالك:اوع تكونى زي مراته انا مش هستحمل جنان تانى
سريم: متخافش يا حبيبي انا عاقله اوى
مالك:منا عارف يا حبيبتي مش ضروري تقولى المهم قومى معايا
سريم:هنروح فين
مالك:قومى بس
سريم قامت مع مالك وغيرت هدومها طبعا لعبايه بيتى ووضعت الحجاب على رأسه باهمال ونزلوا إلى الأسفل ودخلوا المطبخ
سريم:احنا بنعمل اى هنا
مالك:مش انتى كان نفسك اعملك فطار
سريم:ايوى اوع تقول انك هتعملى
مالك:ايوى يا حبيبتي هعملك اعمل اى حاجه عشانك
سريم:لا يا مالك انا اللى هعمل
مالك:لا طبعا أنا اللى هعمل خلاص اسكتى وشالها وحطها على الرخام امامه وبدأ بتحضير الفطار لها وهى تنظر له بحب اخيرا قد حصلت على نصيبها من الحب احبته منذ الطفوله ورغم كل تصرفاته معاها الا انها لم تتخلى عن حبها له كان لديها ثقه بأنه سياتى يوم ويحبها فيه وها قد ات هذا اليوم اخيرا زوجها يقف الان ويعد الطعام لها ستفعل ما بوسعها لسعاده★★★★
فى سرايا عيله شرجاوى فى اوضه عثمان
شاديه بحزن على زوجها:ربنا يرحمه يا عثمان كفايه بقا هو ربنا رحمه خلاص
عثمان:غلط كتير اوى يا شاديه انا مش عارف هو عمل كده لي ده شارك فقتل اخوه ودمار حياه اخته لي يعمل كده
شاديه:ربنا يرحمه
عثمان:وابنك الغبى ضيع مراته من ايده يورينى هيرجعها ازاى دى
شاديه:ربنا معه ويهديه يارب ويرجعوا لبعض بقا بقالهم تلات شهور
عثمان:يارب يا شاديه يارب
الباب خبط وشاديه قامت فتحت الباب وكان غيث
غيث: صباح الخير يابوى
عثمان بضيق:صباح النور رايح فين
شاديه:رايح فين يا ولدى
غيث:نازل القاهره يما
عثمان بأستغراب:لي؟؟؟؟
غيث:ارجع مراتى
عثمان:وانت مفكر أنها هتسامحك انت نسيت انت كل يوم بتخلينا نسمع صوت صراخها وأنا اللى كنت فاكر أنها عامله حاجه كبيره طلعت فى الاخر مظلومه لي كده بس يا ولدى كنت سمعتها
غيث بحزن وندم:اللى حصل يابوى انا رايح دلوجتى وانشاء الله مش هرجع الا من غيرها
عثمان:ربنا معاك يا ولدى.
غيث:يارب يا بوى
غيث نزل وركب عربيته وساق بسرعه عشان يلحق يوصل للقاهره وعقله مشغول ازاى هيخلى لارا تسامحه لازم يعمل حاجه يقدر ينسيها ازاى تسامحه عنده امل أنها هتسامحه وهتنسى كل حاجه انشاء الله هتسامحه هيبدا معاها من الاول هيخليها تسامحه بكل الطرق كفايه لحد هنا طول التلات شهور ماسك نفسه بالعافيه ومكلمهاش ولا مره ولا فكر حتى يكلمها عشان يخليها تنسى اللى حصل ودلوقتي هو قرر هيعمل اى معاها هيجرب بكل الطرق اللين والرفق الحب القسوه والشده كل الطرق عشان يخليها تسامحه إنشاء الله هتسامحه
★★★★
عوده مره اخرى الى السرايا فى اوضه نعيم
نعيم دخل من بره وفى أيده هديه كبيره استغل أن ساره قاعده وباصه للنافذه بحزن ركن الهديه على جنب وراح اقعد جنب ساره
نعيم:وبعدين يا ساره انا مش قادر اشوفك قاعده كده انتى نسيتى أنك حامل وكده غلط عشانك مينفعش كده يا ساره اللى مات مات خلاص ربنا يرحمه ويغفر له بقا
ساره بحزن:متوقعتش منه ده ابدا يا نعيم صعب اوى ومالك يطلع مش اخويا الا من الاب بس دمر حياه ناس كتير وحرم أم من ابنها ازاى جاله قلب يعمل كده ازاى قدر
نعيم:ربنا يرحمه يا حبيبتي
ساره:انا كنت متوقعه انك تطلقنى بعد ما تعرف اللى عمله ابويا
نعيم بأستغراب:نعم؟؟!اطلقك لي هو انتى ليكى ذنب عشان اطلقك
ساره:كنت خايفه تفكرنى زيه
نعيم:لا طبعا وانتى مالك وماله لي فتحتى الموضوع ده دلوقتى هو حد وجهلك حاجه عنها
ساره:لا ابدا والله دا حتى كله بيعاملنى حلو اوى وخصوصا ماما رحاب أو عمتو رحاب
نعيم:انسى يا ساره وبعدين انا مش عايز اشوفك حزينه كده بتوجعى قلبى اوى وانا شايفك حزينه كده
ساره:حاضر عشان خاطرك
نعيم أقترب منها وقام بتقبيلها وابتعد عنها وقام وأحضر الهديه واعطاها لها
ساره :اى دى
نعيم:هديه ليكى افتحيها
ساره فتحت الهديه لقتها عباره بوكس كبير من الشيكولاتة بكل انواعها خدته منه بسعاده وباسته بسرعه وبدأت تاكل فيها وهو قاعد بيبصلها بفرح فقد رائها اخيرا تبتسم★★★★★
فى اوضه فيروز وكريم جنه تانيه خالص الاتنين مبحرين فى بحار العشق
فيروز:كريم
كريم:قلبه
فيروز:هى عمتو ومحشتكش
كريم:لا طبعا وحشتنى اوى رغم أنها مش امى بس هى حبتنى كأنى ابنها واكتر وحشتنى اوى
فيروز: تيجى نروحلها
كريم:لا مش دلوقتي
فيروز:لي
كريم:حضرتك حامل والسفر هيتعبك
فيروز:لسه بدرى يا كريم
كريم: لا يا فيروز حتى لو لسه بدرى طول منتى حامل اخرك تنزلى تحت
فيروز:بس يا كريم
كريم:خلاص يا فيروز اللى قولتله يتنفذ من غير نقاش فاهمه يا حبيبتي
فيروز بزعل:فاهمه
كريم:زعلانه لي بس عشان خايف عليكى
فيروز:كريم انت عارفنى انى بحب الحركه الكتير مبعرفش اقعد كده
كريم:يا حبيبتي انتى حامل وانا خايف عليكى وعد بعد متولدى إنشاء الله كده هوديكى المكان اللى انتى عايزاه
فيروز:وعد
كريم:وعد يا قلب كريم
فيروز:هو غيث مشى؟؟؟!
كريم:ايوى زمانه وصل دلوقتى
فيروز:ربنا معه ويرجع معاها بقا
كريم:يارب يا حبيبتي
فيروز:صعبان عليا غيث وهو كده
كريم: تصدقى دى اول مره اشوف غيث كده شكله بيحبها بجد
فيروز: لا غيث بيعشقها مش بيحبها
كريم:يارب يرجعه لبعض بقا واحشنى غيث وهو على طبيعته مش دلوقتي
فيروز:يارب
كريم:المهم انتى عامله اى فى الحمل
فيروز: الحمدلله بس بتعب شويه
كريم:معلش يا حبيبتي استحملى كلها خمس شهور والقمر الصغير يشرف
فيروز:تتوقع هيكون ولد ولا بنت
كريم: ولد اتوقع انه هيكون ولد
فيروز:وهتسميه اى بقا
كريم:هسميه فارس
فيروز:الله بحب الاسم ده اوى طيب لو طلعت بنت
كريم:هسميها فيروز
فيروز:لي
كريم:عشان تكون نسخه منك قمر كده
فيروز:انا بحبك اوى
كريم:وانا بعشقك واقترب منها هامسا لها ببعض الكلمات التى اخجلتها ذاهبان معا الى غابه العشق من يدخلها يتوه ف العشق وهو تائه فى عشقها هى اكسجينه إذا ابتعد عنها للحظه واحده فقط سوف يتخنتق لن يبتعد عنها ابدا لن يفرقهم شئ عن بعض سوا الموت الموت وحده قادر على تفرقيهم ★★★★★
فى القاهرة فى قصر الشافعى
الهدى:وبعدين يا بابا
مصطفى:مش عارف يا بنتى اى اخرتها انا بقول يطلقوا احسن
الهدى:يا بابا غيث بيحب لارا بجد مستعد يعمل اى حاجه عشانها واى حد كان مكانه هيعمل كده هو غلط فى حاجه واحده بس أنه مسمعهاش لو كان سمعها مكنش كل ده حصل
مصطفى: مش عارف بقا انا مش هدخل فى الحكايه دى ولارا وهى حره لو عايزه تتطلق انا مستعد اخليه يطلقها دلوقتى وغصب عنه كمان
الهدى: انشاء الله مش هيحصل كده وبعدين غيث مش هيسبها بالساهل لو عرف أن لارا حامل
مصطفى:ماهو ده اللى مخلينى ساكت أنها حامل
فى اوضه لارا
كانت جالسه على السرير تبكى بشده
:انتى بتبكى لي دلوقتى
لارا بصت بخوف لقت واحده شابها بالظبط واقفه قدامها كأنها هى
:قوليلى بتبكى لي دلوقتى مش انتى اللى سبتيه
لارا:هو اللى خلنى اسيبوا باللى عمله
:هو عنده حق فى اللى عمله بس غلط عشان مسمعكيش
لارا:اهو غلط ومسمعنيش
:انتى لسه بتحبيه
لارا:لا انا بكره بكره اوى
:انتى كدابه عشان لو بتكرهيه كنتى طلبت من جدك أنه يخليه يطلقك بس انتى معملتيش كده يبقا لسه بتحبيه عندك امل أنه يرجعلك
لارا بسخريه:لو كان عايزانى كان اتصل بيا حتى وبدليل أنه لحد دلوقتي مفكرش حتى يتصل بيا
:ممكن يكون جراله حاجه
لارا بخوف :اكيد لا مستحيل يجراله حاجه
:شوفتى خوفتى عليه ازاى يبقا بتحبيه
لارا بحزن :اها بحبه وهفضل احبه
:هتسمحيه
لارا:لازم اسمحه عشان ابنى ايوى لازم اسمحه انا مش هسمح أن ابنى يتولد يتيم مستحيل اسمح بده بس بردو مش هسامحه بالساهل
فى الاسفل الباب خبط جامد وزهران فتح غيث دخل والهدى اول ما شافته حضنته وسلمت عليه
الهدى:عامل اى يا حبيبي
غيث: الحمدلله
مصطفى بغضب:انت اى اللى جابك هنا
الهدى:بابا
غيث:جاى اشوف مراتى
مصطفى:انت لسه فاكر دانا حسبتك نستها
غيث:انا مستحيل انسها هى فين
الهدى:فوق اطلعها
مصطفى: مستحيل
الهدى:سيبه يا بابا عشان خاطرى
مصطفى:لو زعلتها تانى هخلص عليك
غيث:حاضر
وسابهم وطلع فوق ووصل لحد اوضتها وفتح ودخل من غير استئذان لقيها قاعده فى الفرانده بتبص للمكان بضيق وحزن
حزن بشده عليها فهى أصبحت ضعيفه وجهه شاحب اللون لعن نفسه واقترب منها ووقف خلفها ومال على اذنها وبهمس:انا اسف
فزعت لارا مما حدث هى تعلم صاحب الصوت جيدا قامت ونظرت له بغضب وفرحه حاولت تداريها بالغضب:انت بتعمل اى هنا وازاى دخلت هنا اصلا
غيث ببرود:جاى اشوف مراتى ودخلت من الباب اكيد
لارا بغضب:اطلع بره مش عايزه اشوفك
غيث:لارا انا اسف بجد ندمان على اللى انا عملته بس حاولى تفهمينى انا عملت كده عشان كنت فاكرك زيها
لارا بغضب:وانا طلبت منك كتير تسمعنى ايوى انا غلط عشان مقولتلكش من الاول بس انت غلطك اكبر يالا اطلع بره مش عايزه اشوفك هنا بره
غيث:طيب اهدى وانا همشى بس عشان خاطرى سامحيني وادينى فرصه تانيه
لارا: مستحيل اطلع بره
تركها غيث وخرج من الغرفه بضيق منها ونزل اللى الاسفل وهى انهارت من البكاء لا ترديه أن يرحل اشتقت له كثيرا لكنه غلط معاها كثيرا ودمرها يجب أن تسامحه فالجميع يغلط هو غلط وانا غلط بس هو غلطه اكبر لازم اديله فرصه تانيه
فى الاسفل نزل غيث إلى الأسفل بضيق
الهدى:ها اى اللى حصل
غيث بحزن:رافضه تسمعنى
مصطفى:ده المتوقع
غيث:مش مهم هحاول معاها مره تانى مش هستسلم ابدا وسابهم وطلع
مصطفى: الاتنين متخلفين
مرا اسبوع اخر لم ياتى غيث الى لارا مره اخرى وهى شعرت بالحزن ظنت أنه قد استسلم وفى مساء أحد الليلى فى اوضه لارا
لارا كانت نايمه حست بحركه حواليها فى الاوضه فتحت عيونها انصدمت من شكل الاوضه كلها بلايين كبيره اول بلونه مكتوب عليها سامحيني والتانيه بحبك والتالته اوع تكونى مفكره انى نسيتك والرابعه مقدرش انساكى والخامسة بحبك والله والسته فرصه تانيه بليز
ضحكت لارا على جنان هذا الصعيدى المجنون نعم عندما يعشق الرجل يصبح شخصاً آخر وصدمه تانيه عندما وجدت لوح كبير من الشكولاته مكتوب عليه بحبك فرصه تانيه
لارا:مجنون
وجدت عند الباب بلون مكتوب عليها انزلى طلعت من الاوضه اتفاجت بمنظر القصر كله بلايين مكتوب عليها بحبك والسلم كله ورد احمر نزلت إلى الأسفل وقفت عند الباب الرئيسي للقصر وجدت سهم يشير إلى الخارج خرجت وانصدمت من المنظر الحديقه كلها مزينه بالورود الجميله والبلايين وفى النص عربيه مثل عربيه سندريلا وكان زهران هو القائد
زهران:اتفضلى أركبى
لارا بصدمه:نعم
زهران:اركبى هتعرفى كل حاجه دلوقتي
لارا ركبت ولقت فى العربيه شيكولاته مكتوب عليها اكيد جعانه خدتها وكلتها
زهران وقف وهى نزلت من العربيه لقت نفسها فى الحديقة الخلفية للقصر المكان كله ورود حمراء وغيث يقف فى النص
لارا راحت لحد عنده ووقفت قدامه
لارا:لي ؟؟؟؟
غيث:عشان عايزاك تسامحينى انا بحبك ومقدرش اعيش من غيرك سامحيني حتى عشان خاطر ابننا يا لارا
لارا:انت عرفت
غيث بحزن: مكنتيش عايزانى اعرف ولا اى
لارا: الصراحه اها
غيث:تعالى نبدا من الاول انا وانتى وبس صفحه جديده قولتى اى يا لارا
لارا:هتحبنى
غيث: دايما
لارا:اوع تفكر تزعلنى تانى
غيث:لو عملتها تانى اعرفى انى مت
لارا:بعد الشر عليك
غيث:لسه خايفه عليا
لارا:لو مش هخاف عليك هخاف على مين
غيث:بحبك
لارا: وانا كمان
غيث:بصى لفوق
لارا بصت لفوق لقت العاب ناريه بتتضرب مكونه كلمه بحبك
غيث حضنها وشالها ولف بيها
★★★★★
بعد مرور سنتين ف المساء في سرايا عيله شرجاوى فى الحديقة الخلفية السرايا
يجلس كلا من الهدى وشاديه ورحاب وحسنيه وخالد ومصطفى وحسان يضحكون معا وفى الجهه الاخرى يجلس العشاق مع بعض يضحكون كل واحد ممسكاً بيد زوجته ليدل على حبه الشديد لها ينظرون إلى الأطفال بسعاده
مالك وهو ممسكا بيد سريم هامسا لها:شايفه ابنك فارد سيطرته ازاى على بنت عز
سريم بنفس الهمس:بس عشان عز شكله هيقوم يضربه دلوجتى
مالك:احسن الواد ده مضايقنى اصلا
سريم:لي بس ده حتى حسام امور حبيب مامى
مالك:عشان كده عايز عز يضربه
سريم:مش معقول انت بتغير من ابنك
مالك:مش راجل يبقا اغير منه ولا لا
سريم:تغير ههههه
وعز وفرحه
فرحه تحاول منع عز من ضرب ذالك الشقى حسام فهو يفرض سيطرته على حنين ابنه عز
عز:اوع يا فرحه سبينى عليه الواد ده مش هيجبها لبر ابدا اوع
فرحه:يا عز مينفعش كده
عز: كان لازم يعنى تخلفيلى بنت
فرحه:هو كان بايدى
عز:وانا راضى يا حبيبتي بس مش هرتاح الا لما اضرب الواد ده والله
فرحه:ههه يا عز سيبه ده طفل صغير
عز:ده طفل ده
وعلى الجهه الاخر
فيروز وكريم جلسان بعيد عن الجميع بتثمران بالحديث الذى يخجل فيروز كثيرا وهى تنظر إلى ابنها الوسيم فارس
وعلى الجانب الآخر يكمل نعيم قصه حبه مع العنيده وهما ينظران إلى ابنهما الذى يمسك يد ماسه ابنه غيث ويضحكان عليه
وأما بالنسبة إلى العشاق انسحاب غيث من بينهم ومع عنيدته متجها إلى الاعلى لاكمال قصه عشقهم
أما الأطفال حسام ابن مالك وفارس ابن كريم وسليم ابن نعيم والتؤام ماسه و ميرا ابنتا غيث وحنين ابنه عز
###########
تمت بحمد الله 😌😌💙
#عشقت غيث
#نرمين جمال
تابعونى على الفيس
https://www.facebook.comhttps://m/روايات-بقلم-نرمين-جمال-103262527785921/