ايهاب و نسمة 🌸 باللهجة الجزائرية 🌸

👐🏻 ten 👐🏻

عمل دوش و لبس حاجة سبورتيف بينت جسمو المخدوم خذا مفتاحو و مشا للمحكمة

تلاقى بالعايلة في الكولوار و كلهم مش عارفين شكون الغالط و شكون لي معاه حق .. هوما غلطوا و هو غلط زادا يسمى تعادل .. اما بعد اليوم رح تكبر العداوة اكثر

قعد قدام محاميه و نسمة ما حطتش عينها فيه كانت تخمم

نسمة :يعني انا كيفاش باش نقنعو يسحب الشكوى و كيفاش نقنع عمامي باه يعتابروه واحد منا و يرميو الماضي ورا ظهورهم .. علاه زهري مسود لهاذ الدرجة مش حابة نخسر ولا طرف نحبهم الكل

حمارت لحظتها و عاودت ولات تخمم : عايلتي نحبها اكيد بصح هو زعما نحبو كيفهم 🙄😕😕 لا منحبوش انا منحبش الظلم برك

قاطع تفكيرها المحامي تاعهم كمال و هو يناديهم باه يدخلو

و بدات المحاكمة كانت واضحة وضوح الشمس و اللي زاد الطين بلة اعتراف عمي الجمعي و الوافي بفعلتهم مع انو وصاهم المحامي بالتزام الصمت لكن كيما قالي العم الجمعي :"حنا رجالة منكذبوش "

خرجو الكل مصدومين بالحكم و للاسف مكانش ظالم .. و قاموا يحظنو فيهم و يصبروهم لمصيرهم

و نسمة و امها و ايمان مرت عمي الجمعي مرت عمي الوافي و بناتو و ريم و حتى فاطمة كانو يبكيو مش متحملين فكرة كبار العايلة و رجالتها محبوسين

اما ايهاب لاول مرة يحس روحو اذى ناس و نسمة قسمتلو قلبو تحظن في بوها و توعد فيه انها تخرجو اما للأسف مزالت الكارثة الكبرى

جا خارج لمحاتو نسمة غفلتهم و تبعاتو ركب سيارتو و جا ماشي حتان توقفلو و هي تعيط

نسمة :اخررررج اخرج اوصفلي شعورك بعد ما هدمت حياتنا

قلق و خرج ليها : شكون هدم حياة لوخر الاول ؟؟؟ مش انتوو لااا و حابتني نباركلكم للعرس ثاني

نسمة و هي تبكي 😢 مش انا لي خربتلك حياتك ولا ريم لس قالت عرسي ما يفوت بلا ولد عمتي ولا ولاد عمامك لي كنا ما نعرفوش بلي تكزيستي حتى كون ما خبرتناش عمتي نجية ذيك الطيبة لي تحكيلنا كيفاه تهرب من عمامي باه تجي تزورك و انت بيبي صغير .. صح غلط عمي الوافي و الجمعي اما مش تحاسبنا الكل على غلطتهم

ايهاب : بلعي رب فمك زعما كون عرفتوا رح تعملوا حاجة كلكم كيف بعض .. و عمتك هذيك لوكان حبت امي صح كانت هربت و زارتني كي كبرت بلعكس هي قوادة سكتت على الظلم قال طيبة قاال 😒😒

نسمة : مش هملت بعد ما توفات امك ااه ؟ رح تخرج تحوس عليك بيت بيت زنقة زنقة ول حابها تعمل كيفنا انا و ريم علاه تشوف فيها تعرف هاذ لحوايج و مش كي عرفنا عليك درنا انا و ريم دي غوشاغش كبيرة باه نلقاو facebook تاعك برك و هذا و تقول ما ديرو والو

ايهاب : انا رح ننتقم لأمي لي ظلموها خاوتها من دمها و لحمها

نسمة: و علاه ما رفعتش عليهم قضية قبل ما تموت ااه ؟ مش تعرف صلاحها ؟ هي ببساطة تنازلت على كل شي مشني نهدر على الدراهم نحكي على التضحية على عايلتك لأنها سامحت قسوتهم و بقات تستنى في مسامحتهم ليها ثاني ..... 

قبل ما تكمل قاطعها : علاش يسامحوها ؟؟ ما غلطتش هومت لي غلطوا و حبو يزوجوها بلي ما بغاتوش ...

نسمة : اما لا نكاح من دون ولي ما يصحش زواج من دون ....

هاج عليها و حكمها من خيمارها حتان فسد و تنحى : تقولي امي زانية ؟؟ 😡😡 امشي تشوفي الزنا تاع الصح .....

STOOOOOOOOOOOOOOOOOP

حلقة اخرى 😁✌🏻😍

ياااادرة وش رايكم 😱

كرهت. ايعاب ولا مزال تحبوه 😏😂

وش تتوقعو يدير في نسمة بعد وش قاتلو 😢😱

رايكم + فوت + كومنت 😍❤🤭