ايهاب و نسمة 🌸 باللهجة الجزائرية 🌸

✋🏻 ☝🏻 six ✋🏻 ☝🏻

جات بش تهدر اسماء و يقاطعها ايهاب : عندها الحق انا كنت حاب نقعد مع نسمة و نتي 😕 ...

نسمة في قلبها حست بفرحة كبييييرة يعني دافع عليها بغض النظر على كامل وش كان يصرا بيناتهم

ناضت ايمان ت خبط و راحت .. و ايهاب يتبسم وحدو تقدروا تقولوا تلقائيا 😂 ثمة وعات على روحها نسمة و حمارت كي لعادة .. دور وجهو يخزر فيها بعد ما فرغ قلبو بالضحك و صار يتأمل في جمالها و هي تزيد تحمار اكثر و اكثر

نطق بلا ما يدير حساب : زعما غرتي عليا ؟؟

نسمة توترت و صارت تأتأ : ااه غ غيرة .. وش حاسب روحك براد بيت ول

خزروا في بعضاهم و يطرطقو بضحك 😂😂😂

ايهاب : وش رايك نهربوا ؟؟

نسمة راح بالها لحكاية سامية ( امو ) و جاوباتو : كيفااه ؟؟

ايهاب : اا قصدي نمشيو لبلاصة هادية باسكو غلبت من هاذ الجو

نسمة حست بيهم لأنو بين عايلتو اما بعيد عليهم بسبب سوء التفاهم و قلبت

خرجوا هاربين كأنهم سرقوا كاش حاجة باسكو كون يحكمهم كاش واحد من عمومهم يقتلوهم

نسمة : هههههههههه ياااي و يحكمنا الجمعي يااااحي يديرنا بوزلوف 😂😂😂

ايهاب :هههههههههه 😂😂😂

هي تمشي و تتعكل ( وراكم تعرفو اللقطة لي كامل نحلمو بيها 😏😂) حكمها و حصر ظهرها في كرشو

نسمة : م .. مرسي ☺️

ايهاب : وش حمرتي ول مزال 😂😂😂

عفست على رجلو و هربت

ايهاب : هكا 😏 ارواحي مالا

هي تجري بين الشحر و هو يلحق فيها .. حتان حكمها و زيرها بين ضلوعو .. ضوء لقمر ينور في وجهها و شعرها يطاير على و جهها 😍😍

يخزروا فس بعضاهم و قلوبهم المسطيرة .. بعد بيدو خصلاتها و طلعلها وجهها بكل لطف نفسهم تخلط

ايهاب : علاه جيتي معايا .. مخفتيش مني ؟؟

نسمة حمارت كثر و تهدر بصوت مبحوح في قمة الاغراء 🤪 : منخافش منك علابالي انو بعكس تعاملك القاسي معانا قلبك حنين و الظروف هي لي خلاتك هكذا

في لحظة تبدل من أمير لوحش و دزها بقوة حتان طاحت تجرحت يدها من غصن شجرة و صار يعيط

ايهاب : يسما عرفتي شكون انا ؟ راني نحكي مع ربك اهدري .. اذا راكي تشفقي عليا نقولك غير متعييش ربك  انا مش محتاجك

نسمة مالقاتش وش دير و صارت تهدي فيه : شبيك انت ماتعيطش لا يسمعوك

قبل ما تكمل قاطعها يصيح اكثر :  واحد ما رح يسمعني و واحد ما حاول يسمعني و راس يما ن**** جدكم كامل و رح تندموا

راح لجهة الطريق و هي بقات مفجوعة تبع فيه بعينيها لين اختفى و صارت تبكي 😭😭😭  و تقول : علااش يا ربي وش عملتلو علاش محبش يفهم مشني نشفق عليه انا فاهماتو و ...

قامت تلملم في قشها و تمسح في دموعها و تسقم في روحها و دخلت للبيت مسحت جرح يدها ب سطحية و رقدت 

عند ايهاب :

كان متأكد باه يدمرهم الكل .. عيط لواحد يخدم عندو و مشى للمدينة و بالضبط لبيروه

تتسألو وش يخدم ؟؟ عندو شركة تاع تصدير و استيراد و من أهم الشركات في دزاير قدر ينجح بعد ما خذا منحة دراسية ل فرانسا ف إدارة الاعمال و كي كمل عمل شركة هو و صاحبو اسلام و بدعم اب اسلام قدروا ينميوها .. اما توفى الاب لي داعمهم و انسحب اسلام من الشركة باش يحكم شركات باباه و هكذا بقات الشركة لإيهاب

لكن بقى حاقد على عايلة امو لانها توفات قبل ما يعوضولها الفقر بالغنى و الراحة و كان حقها في الورث قادر يسعدها مش قضية دراهم قضية انهم يعتارفوا بيها و تموت مرتاحة و كيما تعرفوا اخطر مرحلة يوصلها الانسان هي مرحلة الانتقام

سمانة مابانش كانت متحيرة عليه و في نفس الوقت مرعوبة من تهديدو

اليوم عرس ريم و الدار مهولة و قلبها مهول ثاني ...

عند ايهاب :

كانت الخطة جاهزة و كل الدلائل مرتبة قرر انو في العرس يشكي بخوالو باسكو رح تتلم العايلة الكل و انتقاموا مش رح يتوقف بحبسهم برك حتى انو دبر مجرمين داخل الحبس  لي رح يتحطوا فيه باه يشبعوهم ذل

ناض الصباح دار دوش خفيف و كل ما يتفكر نسمة يتقلق اكثر كانت فرحتو مش كاملها لانها بنت خالو محمد .. اليوم رح يسجن بوها و يفسد عرس بنت خالتو ما همو حد غيرها يتخيل في ردة فعلها و كيفاش رح يكون شعورها بعد عملتو هاذي

اما سرعان ما يخرج الوحش لي فيه باه يشجعو ع الانتقام

لبس كوستيم فنوااغ و ذيك الكرافاطة الراقية و الصباط لي يلمع و شعرو المستيكي ( مش بالجال كي لحست الداب 😒😂😂) و لحيتو لخفيفة طراساها اكثر و فحفح روحو بالبافخااان لي يتشم من أميااال 😍😍 باختصار خرج كعبة مقطووعة 😂😂😍

STOOOOOOOOOOOOOOOP

جيتكم بحلقة جديييييدة 😂😍✌🏻

هاذي اطول حلقة لحد الآن 😍

يا درا وش يصرا في العرس ؟؟

كيفاش رح يكون انتقامو ؟؟

بدلتو رايكم في ايهاب ولا مزال تعشقوه 😂😂😂

كيفاش رح تكون ردة فعل نسمة ؟؟

رايكم + فوت + كومنت 😍☺️❤

حبكوووووووم 😍😍😘❤